1 SAMUEL 22:17 - Allah Wene Fano Wene Hupla Inane

¹⁷ A'nogo isikhesik at raja nen it agoromi at along palogo era'lu mendek mene omanogo inoba ikhi logolik he, ”It imam Tuhan obaget hilingitarek mene andoma re mondogat inoa'ni o! It andi re at Daud inom wene misik mathasik hilingiri'lagwi hilingi'mo re. At Daud heise lagare iren inelu logoligen he, an yaganetu aple inabiren hilingiri'lagwi andi.” Oba nen he, it at ebe kagalek welagaikharek mene omanogo nen he it imam Tuhan faget hilingitarek mene omanogo inoatu aple inabiren kamo isukwa.

1 SAMUEL 22:17 ပူးပေါင်းရင်းမြစ်များ

2 SAMUEL 15:1

A'nogo wanhikhemo, at Absalom onggwarek faget kereta weim yafarek mene a'nogo misik ekhe inom, nen wam kuda inom andogorogo fesikhesik, ap inebe 50 nen inom nikhi logogun mene inayonggo fesikhe.

1RAJA-RAJA 1:5

At Daud amlogo Absalom a'nogo ebe arat watukwama nen he, agot ombo'ne mene Andonia a'nogo re ebe arat ap manggusa tago higit agaikhe. At agaisa enu re, Hagit. Nen Andonia andi ebere mondok pugun-pagansek agun welagaikhe. Nen aren weak hilingitunem ogore, eisena nen wenageti'lek alelogo hebisikhi lagaikhe. Andi nen he, at Andonia onggwaregen, ”Raja an logogin,” iluk anggasikhesik, kereta weim yafarek mene hokhorogo tegelogo fakhigik, agoromi tentara kuda oba laluk weim yafi logogun mene tegelogo fisigik, ebe waluk nikhi logogun mene ap ekhe inebe 50 nen tegelogo fisigik, isikhe.

1RAJA-RAJA 14:27

A'nogo telasukwama re obali'mo iluk raja Rehabeam en weim ma'mungge perunggu meneba wutikhesik, it ap sikhe fisogo mene inogogwi perwira at raja awi silimo kwi lagaikharek oba ebekhalem kagalek welagaikharek mene omanogo nen halhi logouwageluk inoba lombot fesikhe.

1RAJA-RAJA 18:4

Aren he Izebel en ap nabi-nabi Tuhan ane yagaisikhi lagaukwa mene omanogo inebe mondok inoatunem, at Obaja andi nen he, it ap andi mene inebe 100 mene re, 50 fena minggilogo oumo ekhema hinakfisigik, nen 50 fena oumo ekhema hinakfisigik, isikhesik inamburu inom, inagai inom, wogisikhi lagaikhe.)

2 RAJA-RAJA 10:25

At Yehu nen wam warogo nolhikesik aremnogo wulibi wagaikhesik it kagalek welagaukwa inap inom, it ap sikhe fisogo mene inogogwi perwira omanogo inom inoba ikhi logolik he, ”Hit hinebe kuluk it afuni andoma inebe mondogat inoa'ni o, nen, misik ekhe ineluk fisa fuk!” iluk yagaisasikhe. A'nogo isikhemo re it a'nogo inenggarok fing-fang kwi lagaukwasik he afuni andoma welagaukwa mene omanogo mondogat inoatukwasik inebe warek omanogo lirinarek wulibi wagaukwa. A'nogo hilingfuluk iren kembu awi a'nogo ambe palek elonggoma kwi lagaukwasik,

KELUARAN 1:17

A'nogo yagaisasikhe meneat he, it hemi inebe pire aremnogo nen Allah inailo logolik, at kain nen yagaisasikhe mene a'nogo hologo hilingiti'lek herakfuluk, inomalik takhugunem abet helimeet inoati'lek inanum palogo fisikhi lagaukwa.

KISAH PARA RASUL 4:19

A'nogo yagaisasukwama re, it Petrus Yohanes emberegen he, ”Allah eilhanem higithogo hilingisugun he, ki. Hiren, yi'nogo hilingisugun iluk egep mene andi hologo hilingisugun a? Athe, Allah nen, yi'nogo hilingisigin, ikherek mene andi hologo hilingisugun a. Hinendawimo ebe'ni. Nit he, nineilenggen higik, ninesanggo holhik, ogo mene andi, afuni ekhe yagaisigi'lek kamo ugun he, elo'lek andi nen he, yagaisikhi logogun aro,” iluk yagaisasukwa.

1 SAMUEL 14:45

A'nogo meneat he, it afuni omanogo nen Saul mel yagatukwa: ”At Yonatan nen ap Filistin mene inoatemo ninomame ago meneat he, at ebe wasuageluk wene oba fogoin nogo? Mondok elo'lego. Weim yogondak he, nineisena Tuhan nen Yonatan omame wogotemo, at omame aga andi nen he, at ebe watik, oba endebat ekhe weaget figik, ugun mondok lek u hak he, esi ungguloa'ma misigat halok ekhe longgot fogoin mondok lego, iluk nineisena Tuhan enu hombuk palogo ogo o,” iluk yagatukwa. At Yonatan wene oba fuluk wa'lep mene, it afuni nen a'nogo telhukwa andi.

1 SAMUEL 2:31

Hesanggo fanorogo holino. Hat hagainafuri inom, iren tagomangge mene inom, ap alage mene nek An nen inoasigin oba weregaro. A'nogo inoasumo, it ap mene nek inebe umur uanhogo ineluk logogun mondok lego.

1 SAMUEL 20:33

A'nogo yagatunem Saul esanggo holhikhesik he, Yonatan wasigiluk sige tungethasikhe. A'nogo hilingitikhe andiba nen at Yonatan endawimo nen he, ”Daud ebe eberogo wasigilugat ili'lago higi,” iluk arat futfesikhe.

1 SAMUEL 22:13

Andi isikhemo at Saul en heinok wokhikhi logolik he, ”Nenahalok hat Daud hinom hinane seberogo makfuluk an noasugun iluk ikhi lagep? Nenahalok at amburu nunggu mene wogetik, enggarok wogetik, haren Allah oba wene ebe yi'nogo iluk yagahesuageluk kinotik egen nogo? Andiba re yogondak an ninom minggilagosik ninggini'mo nen an nebe pinggi noasigin iluk eil wo'nabik nikho andi,” iluk isikhe.

1 SAMUEL 22:16

A'nogo yagatikheba nen at raja nen ikhi logolik he, ”Ahimelekh! Hat inom it hogogwi hagoromi inom he mondogat wa'lasugun o,” iluk yagatikhe.

1 SAMUEL 25:17

Arigini'mo re, hat nagaisa nen ninggi'nogo hilingisigin aple andi re fanorogo wenggel hambik, an nen ti'nogo hilingisigin iluk katokhogo ino. Nit ninoe andi re mondogat ungguloak haro logolik ane uageluk heinok wokhugunem ogore ane igi'lek werek a'nogo. Nen aren a'nogo hilingite mene andi onggore at ninoeba inom, nen at eisok erokwe mene mondogat inom, ninoba asi wesigiluk werek andi!” iluk yagasi lagaikhe.

1 SAMUEL 8:11

”Hobuk hinoe raja andi menfoumo yi'nogo hilinghinafi logogin. Aren he, hit hinagainafuri tentara asuagaluk ane ning-nanghogo yagahisikhi logogin. It andi esa ekhe kereta waluk nikhi logogun mene menfisigik, esa ekhe wam kuda ambol oba hurek nikhi logogun mene menfisigik, nen at enupogot andi ebe angge kereta ba lagu kwelek, it esa ekhe ineisok oba humusek attak-attak laga logogun mene menfisigik, ikhi logogin andi.