1 SAMUEL 22:13 - Allah Wene Fano Wene Hupla Inane

¹³ Andi isikhemo at Saul en heinok wokhikhi logolik he, ”Nenahalok hat Daud hinom hinane seberogo makfuluk an noasugun iluk ikhi lagep? Nenahalok at amburu nunggu mene wogetik, enggarok wogetik, haren Allah oba wene ebe yi'nogo iluk yagahesuageluk kinotik egen nogo? Andiba re yogondak an ninom minggilagosik ninggini'mo nen an nebe pinggi noasigin iluk eil wo'nabik nikho andi,” iluk isikhe.

1 SAMUEL 22:13 ပူးပေါင်းရင်းမြစ်များ

MAZMUR 119:69

Ap wonoget fakhagarek mene nen he an nenu weagerogo fili'lagwi, meneat he an he Haren wene tekhogo fesigin mene a'nogo nendawimo mondogaren holfuluk higithogo nek hilingitu welagi.

AMOS 7:10

A'nogo isikhemo, ap Amazia o Betel oba andoma imam welagaikhe agun a'nogo nen ap ekhe inayonggo fesikhesik wene afuni Israel mene inoe raja Yerobeam yagasi loageluk mel isikhe: ”Noe. Ap Amos nen he afuni Israel mene inom inane lambulhasik, neisena hat weaget habi wesuogeluk inane arat agama o. Nen, at aneba afuni inendawimo kagali'lago mene andomaba nen he o kweang nit welago mene yiba weaget lasigin o.

1 SAMUEL 22:12

Wagaukwama at Saul en Ahimelekh oba ikhi logolik he, ”Hun Ahitub amlogo yi, hesanggo holin!” iluk isikhemo, aren onggo ikhi logolik he, ”Wui, neisena,” iluk isikhe.

1 SAMUEL 22:8

Andiba re hit hinebe at hinom sebe'luk he an noba nane sagalogo fuluk, ap misik ekhe nen ogo, an namlogoba nen ogo, at Daud ikhi lagep mene a'nogo ebikhit aga iluk mel yaganeti lagep lek andi a? Hit ya welagep mene oma re, ap misigen iluk ogo an nobaget wenggel nea lek mene nek welagep! At Daud an nonggwarek namingmingengge a'nogo nen an nebe ninggini'mo nen wasigin iluk eil wo'nabik nugu kwelek inom, nen an namlogo Yonatan a'nogo nen ogore at Daud oba yi'nogo hilingi'no iluk endawimo kagalik nugu kwelek oba nen mene ogore yaganeti'legat hilingiti lagep andi ri!” iluk yagaisasikhe.