1 SAMUEL 20:8 - Allah Wene Fano Wene Hupla Inane

⁸ Nit nemberek hundik fano logouwok, iluk nineisena Tuhan eilhanem wene wat-wat isugu andi nen he, an faget lebetniikhi logoinogoluk yagaheti o. An weak ekhe hilingitimo halok, harenat an nebe noasigin meneat he, heisena nen noasuageluk at enggiba nobagagun o,” iluk yagatikhe.

1 SAMUEL 20:8 ပူးပေါင်းရင်းမြစ်များ

KEJADIAN 24:49

Hiren he, at oe andi, ebe nit mene, iluk at faget wene fanorogo igik, fano hilingfigik, ugun anggegep halok he, yaganesugun aro. A'nogo yaganesugun elo'lek halok he, an ninggi'nogo hilingisigin, iluk nendawimo senggerogo yaganesugun aro,” iluk yagaisasikhe.

KEJADIAN 47:29

Ebe a'nogo welagaikhesik, arat wa'lasu hak agaikhemo, amlogo Yusuf a'nogo wolhasikhesik mel yagatikhe: ”Henggi nambulok fena honggolek fena honggolek kwelakfein o. Kwelakfembik hombuk yi'nogo palin: Haren he, an nebe wa'lagunem he, hebe warek o Mesir yoma salhabigin mondok lego.

2 SAMUEL 14:32

Ma re, at Absalom en onggo ikhi logolik he,” An nen he hat hebe raja oba lambik wene heinok wokhagain mene wenggelogo figirik, wolhafi mene re kamo egen andi nen o. Nen wene ebe yi'nogo heinok wanilen iluk, ’An he o Gesur herakfuluk yoma wagagi andi re ninggi'nogo faget nogo, we alomarogo omari? An nen he o andoma logou mene at he ninggi'nogoluk yoma wagagi nogo? Ikhe ino,’ iluk isigimo nen o,” iluk isikhesik at Absalom en ekhe inom ikhi logolik he,” An nebe at raja were'ma elokhoma hondo'narek lan o, nen aren ambi an nebe weak hilingite amlogo iluk anggugu halok he ebe pinggi noasugun andi fanoaro,” iluk yagatikhe.

1 TAWARIKH 12:17

Ambit lagaukwama re at Daud it inom ambi agaukwasik yagaisikhi logolik he mel yagaisasikhe, ”Hit he nit ninagaila'lak mene an lebetneogoin iluk wagep halok he, nit ninom sebesi we'ni. Niren he hit ninendawimo ninagaiyek oba wokhinafi lago. Oba nen he, hiren ambi an lalogo it naselei mene inenggim nobagagun iluk nanggomo kagalogo wagep halok he, an nen hit hinoba iluk ogo weak hilingiti lek aple andi re At Allah nit nineisugwi nen fogerati lagaukwa mene a'nogo nen ogo mondok elurek ma re, Aren hit hinoba wene fagain o,” iluk yagaisasikhe.

AMSAL 3:3

Hat hendawi hundik heisena Allah oba logolik tiphogo hilingiti lagen mene andi herakfuluk la fugo! Athe siong inalonggopma itarek higit itik, lisu palharek higit hendawinggenma peterogo fakhaluk, eberek mondok logoino.

KISAH PARA RASUL 25:11

An nen ekhe hilingisu lek mene hilingitik, weak hilingitunem inebe mondok inoatarek mene hilingitik, eberogoat ilema re, noasugun higirat. Noa'ni, iluk ile. Mene re, it ap yoma nen wene noba le'maat fili'lagwi andi nen, it ekhe nen, it ap yi inendawimo fanorogo iluk, an nebe it inenggiba nobagagun elo'lego. We, noe Kaisar nenat wene andi ero heragaisogo elugun wasuago,” iluk yagatikhe.

YOSUA 2:14

A'nogo yagaisasikhemo re, it ap inebe pire aremnogo nen he, mel yagatukwa: ”Haren nit ninabok afuni ekhe yagaisagain mondok lek halok, nit nineisena Tuhan nen o yoma nit ninenggiba fugunem hilingiti logolik he, hit fano hilinghinabugun o, iluk wene watheto o. A'nogo wene watheto meneat he, niren eberogoat fano hilinghinafi'lek halok he, nit nineisena Tuhan nen homan ninobagauwago,” iluk Allah enu hombuk palogo wene waretukwa.

YOSUA 22:22

At Tuhan andi re Omame Mondok Hokho mene werek! At Allah andi re Lego Mondok werek! Athe niren ebetosik hilingito mene andi re elurek, nen hiren ogo ninggi'nogo hilingita iluk andire hinelu asuak anggikhi lago! Niren ambi Tuhan ane sagalogo fogoin iluk hilingito halok a, athe niren At oba eberogo angga mene werek legen a'nogo hilingito halok a, nit yogondak ya nen wa'lasugun fano aro!

RUT 1:8

at Naomi nen a'logomi amlogomi inagagwi inebe pire aremnogo mel yagaisasikhe: ”Hit hemberek he, hinagaisawi inoba hinambotkwe lani o. Hit hinobabut fano an neagwi wa'lagaikha a'nogo ninom logolik fano lebetnisikhi lagagipsik, yogondak an lebetniugu welagep andi hak, nineisena Tuhan obabut fano nen lebethisikhi logouwagaro.

1 SAMUEL 18:1

At Saul inom Daud inom, emberek wenenggak a'nogo ikhi lagaukwasigen he, at Daud ebe Saul were'ma mondok-mondok logouwagaluk fakfesikhe. A'nogo fakfesikhesik, Daud hobuk yagati logolik, ”Hambotkwe heisena oba laga logou fuk,” iluk komoratikhe. At Saul amlogo Yonatan nen, Saul inom Daud inom emberek wenenggak isukwa mene andi esanggo holhikhesik he, endawinggen Daud oba liok isikhesik, onggwarek ebe endawinggen hundik welagarek hanggeat, endawiratikhe.

1 SAMUEL 18:3

A'nogo anggasikhesik nogo nen he, Daud mel yagatikhe: ”Nagailak nemberek hundik mondok logouwogo,” iluk hombuk palhikhe.

1 SAMUEL 20:16

nit nemberek wene wat-wat ogo mene andi minggilasimbik palasugun mondok lego. A'nogo meneat he, nemberek palasugun halok he, nineisena Tuhan nen wene hat hoba fagain o,” iluk yagatikhe.

1 SAMUEL 20:9

A'nogo yagatikhemo, at Yonatan nen onggo yagati logolik he, ”Hailo agun o. At neisena nen hat hoasigin iluk weim abok igin mene an eberogoat nelu agi halok he hat yagahesigin o,” iluk yagatikhe.

1 SAMUEL 23:18

A'nogo hilingitukwasik he at Yonatan inom, Daud inom, ninom hundik logolik nagailak-hagailakhogo logogun iluk Tuhan eilhanem wene sikhiphogo isukwa. A'nogo hilingitukwasik he at Yonatan a'nogo aiba lagu kwelek, at Daud enek he o Hores welagaikhe.