1 SAMUEL 20:41 - Allah Wene Fano Wene Hupla Inane

⁴¹ Abo a'nogo arat lagaikhemo re, at Daud ebe helep hokhorogo kabokse'ma ambotma aremnogo nen Yonatan oba wulibi wagaikhesik he, enggi henagan oba eindep awi yagaisogo hai watikhe. A'nogo hai watikhesik, emberegat inambe saluk-saluk ikhi logolik, le agaukwa. Le a'nogo aga logolik, at Yonatan endawimo endebat heiselhikhe meneat he, at Daud enek he, endawimo mondok hokhorogoat heiselhikhe.

1 SAMUEL 20:41 ပူးပေါင်းရင်းမြစ်များ

KEJADIAN 29:11

Wogetikhesik, at Yakub endawinggen heisel hikhemo re, Rahel hai ambe saluk watikhesik, obaget le hokhorogo agaikhe.

KEJADIAN 29:13

Lagaikhesik, mel yagatikhe: ”Heak Yakub wagasik yi'nogo werek,” iluk yagasi lagaikhemo, esanggo holhikhesik, emberek ambi asuogeluk fumusek wagaikhe. Wagaikhesik emberek ambi agaukwasik he, agoumo felikhogo wanhikhesik hai ambe saluk watikhesik he, aiba waluk lagaikhemo, at Yakub en wene pilingisogo Laban yagatikhemo,

KEJADIAN 33:4

A'nogo hilingitikhe oba nen he at Esau humusek Yakub ambit lagaikhesik obakhe felikhogo fakfesikhesik olokhe kwe hai inambe saluk wat-wat aga logolik, emberek le agaukwa.

KEJADIAN 42:6

Andem oba re, at Yusuf a'nogo ebe kain gubernur mendek logolik afuni o kweangma yi awi ti awi mondogat inoba onggo palhi lagaukwama at Yusuf ogogwi omanogo ogo wagaukwasik he, ineindep awi yagaisogo a'ma sebe i wagaukwa.

KEJADIAN 43:28

Iren onggo yagati logolik, ”Noe, hagot nit nineisena a'nogo re ebe fano werek,” iluk yagatukwasik iren ineilenggen yethasukwasik at a'ma sebe isukwa.

KEJADIAN 45:15

Le agaukwasik, nginuk le yak-yak at agaila'lak fena omanogo inom inobakhe felik-felik aga logolik, inelokhe kwe top-top agaukwasik hobuk enek he iren at inom inane ma'mak agaukwa.

2 SAMUEL 1:2

A'nogo were'ma, ohealekwe re ap alage mene misik ekhere at Saul awi tenda wurogo welagaikheba omanogo nen he, Inoatama waga, iluk futfouwagaluk he asu tiliphogo lakfisigik, fesi unggul oba yugulhik, isikhesik he, at Daud elokhoma omanogo wagaikhesik eindep awi yagaisogo fogeratikhe.

2 SAMUEL 1:26

Eige Yonatan nare e, Hat hebe heluk were'ma an ninom nendawinggen hundik welagi mene o, Nendawimo hokhorogoat weak aga o. Hemi nen inendawirinafarek mene andi, we endep hangge o, Haren hendawit nafendek mene andi re mondogat esin hangge o.

2 SAMUEL 14:4

A'nogo yagatikhemo he a'nogo raja were'ma lagaikhesik aren eindep awi yagaisogo raja fogerati logolik he yi'nogo isikhe, ”Noe hat mondok lego mene nen an hamingmingengge yi lebetnabin o!” iluk yagatikhe.

2 SAMUEL 19:39

A'nogo yaga'luk, at Daud agoromi tentara mene mondogat inom i Yordan palogo wulibi wagaukwa. Wulibi waga logolik, Daud en Barzilai hai ambe saluk watikhesik, ”Allah nen fanothabuago,” iluk lakfesikhemo, at Barzilai aiba ambotkwe lagaikhe.

2 SAMUEL 9:6

Ap Yonatan amlogo andi enu re, Mefiboset. At Mefiboset andi, Daud oba wagaikhesik he, eindep awi yagaisogo Daud agaugweratikhemo, at Daut en mel yagatikhe: ”Hat Mefiboset a?” iluk yagatikhemo, aren he, ”I o, an nebe yi o, neisena,” iluk yagatikhe.

1RAJA-RAJA 1:16

A'nogo kwisikhesik, at Batsyeba Daud elokhoma eindep awi yagaisogo hai watikhemo, at Daud en he, ”Hat nenamene hamolo nen yaganeten,” iluk heinok wokhasikhe.

1RAJA-RAJA 1:23

A'nogo wagaikhemo afuni nen he, ”Natan wagasik,” iluk kain enupogot yagatukwama re, Batsyeba a'nogo wulibi wagu kwelek, Natan kwisikhesik he, kain elokhoma eindep awi yagaisogo hai watikhe.

1RAJA-RAJA 1:31

Andi yagatikhemo, he Batsyeba a'nogo eindep awi yagaisogo hai wati logolik mel yagatikhe: ”Noe Daud henupogot mondok logoino,” iluk yagatikhe.

KISAH PARA RASUL 20:37

Samban isikhemo re, it mondogat le aga logolik he, Paulus ebe obakhe felikhogo fakfesukwasik, inambe saluk hai wati logolik, hai warogo lakfesukwa.

1 SAMUEL 10:1

A'nogo yagatikhemo, kamo isikhemo re, at Samuel en minyak zaitun amusu i oak oba hinago mene wanhikhesik he, Saul unggul oba kweisalogo watfesikhesik, hai ambe saluk wati logolik mel yagatikhe: ”Nineisena Tuhan nen At againafuri inoe raja logouwageluk menhobagaikhe o. Andi nen he, hat At againafuri inoe raja logolik he, afuni it inaselei mene nen ferinarek logoinogo iluk haren ferinarek logogin o. Haren he, Neisena Tuhan nen at againafuri inoe raja logolik ferinarek logouwagaluk eberogoat mennobagaikhemo, iluk enegat asuagaluk yi'nogo hilinglagunem hagain a'naga.

1 SAMUEL 18:3

A'nogo anggasikhesik nogo nen he, Daud mel yagatikhe: ”Nagailak nemberek hundik mondok logouwogo,” iluk hombuk palhikhe.

1 SAMUEL 20:40

A'nogo hilingi'luk, at Yonatan nen he, sikhe at abo a'nogo wogetikhesik he, Waluk o kota hambotkwe lan o, iluk yagatikhemo, waluk wagaikhe.

1 SAMUEL 24:9

Lagaikhemo, at Daud ogore oumo a'nogo nenat ombo'ne wulifikhesik, ambot fikhiren he, ”Saul noe,” iluk yagatikhe.

1 SAMUEL 25:23

At he Abigail a'nogo nen Daud wagunem eilenggen hasikhesik he at ebe weak-weak wam keledai amboloba nen pi wagaikhesik hun Daud eiso'ma endep awi yagaisogo hai wati logolik,