1 SAMUEL 20:32 - Allah Wene Fano Wene Hupla Inane

³² A'nogo yagatikhemo, at Yonatan nen he, ”Aren weak nena mene hilingitemo ebe mondok wasigiluk ikhi lagen,” iluk yagatikhe.

1 SAMUEL 20:32 ပူးပေါင်းရင်းမြစ်များ

KEJADIAN 31:36

A'nogo nek hilinglaga lagaikhemo, at Yakub a'mage het-pet isikhesik, mel isikhe, ”An nen weak ninggi'nogo hilingitimo he? An wene melalek ki mene sagalogo figirik weak hilingitimo hat nami nen si'narek-mu'narek nikhi lagen?

AMSAL 22:24

Ap weak-weak amep lagaikherek mene inom, weak-weak wenagisikherek mene inom he hinom mangosu fuk.

PENGKHOTBAH 7:9

Ap morue mene nen ina'mage lagaikherek mene andi inendawimo hinagaisogo fetaluk welagaikharek hilingi'mo re, ina'mage weak-weagat lagaikherek andi weak.

PENGKHOTBAH 9:3

Arigini'mo re inebe mondogat he obabut higithogo nek inoba fagain, nen o kweangma yoma yi'nogo ti'nogo hilinglagarek mene omanogoba nen inendawinggen mondogat heiselek mene re andi nek werek. At ebe eluk logolik oba re weak mene omanogo endawinggenma peterogo welagik, wenggelherek mene agore kemburogo nek ebethaluk igik, ikherek. A'nogo hilingitila'luk ferekhogo aremnogoat at ebe wa'lagarek.

YEREMIA 17:9

Afuni inendawinggenma re yi'nogo hilingik iluk futfisa lek hak, yi mene ti mene andoma we endep harek hak, oba nen he afuni inendawinggen andi re awulagam mondok weak, nen obabut ogore mondok weagat.

MATIUS 27:23

A'nogo yagatukwama, aren he, ”Aren weak ebe ki mene hilingitemo,” iluk yagaisasikhemo re, iren inane ninghogoat yagati logolik, ”Eba menfuluk wa'no o!” iluk yagatukwa.

LUKAS 23:22

at Pilatus enggi pireba yagaisasikhesigen hobuk ekhe inom yagaisikhi logolik he, ”At yi nena mene weak hilingitemo nen. Weak hilingitunem inoatarek andi hangge, an wene ero pilingiti mene, at andi weak ekhe hilingiti'lego. We, yei nek warogo fikhalogo herakfogoin o,” iluk a'nogo yagaisasikhe meneat he,

YOHANES 7:51

”Ap yi sani. Wene Allah nen komotninafikhe wene andiba re, ap ekhe ane inesanggo holhi'legat, nen, at hilingite mene wene ero tukhumhogo inonggot logoligat he, wene tak pikhit oba fogoin, iluk isikhe nogo? Lego,” iluk yagaisasikhemo,

1 SAMUEL 18:11

Saul endawimo nen he, ”Daud ebe sige yiba o hobat inom hun fagain,” iluk anggasikhesik he, at Saul arige a'nogo enggi pireba woukhogo lakfesikhe mene re Daud en fanorogo ogal fesikhe.

1 SAMUEL 19:4

A'nogo yagatikhesik, hobuk at Saul emberek lagaukwasik, wene Daud faget fano mene mel yagatikhe: ”At Daud en hat hoba weak ekhe hilingisogo figi'lek, we, henu fano legeisogo fili'lago, andi nen he haren at ebe watun o.

1 SAMUEL 19:5

Aren he, nebe noasigin andi nailo, iluk anggigi'legat, Goliat Filistin mene a'nogo ebe watikhe andiba nen Tuhan nen nit afuni Israel mene hokhorogo ninomame asuageluk hilingninobagaikhemo ninomame ago andi. Wene a'nogo hilinglagaikhe andi hat heilhanem hilinglagaikhemo hasigindik hendawimo hagaiyek hokho mene agaikhe anggigi. A'nogo meneat he, neisena, at Daud weak ekhe hilingiti'le'maat, haren weak hilingisogo ebe wasigiluk ikhi lagen andi nenahalok,” iluk yagatikhe.

1 SAMUEL 20:1

A'nogo hilinglagaikhemo, at Daud o Rama era'lu horokhogo o Nayot andoma nen at Yonatan oba lagaikhesik mel yagatikhe: ”An nen weak ninggi'nogo mene hilingitimo. An nanini at oba ninggi'nogo mene figimo, Hat heisena oba weak ki mene hilingitimo noasigiluk ili'lago?” iluk heinok wokhasikhe.

1 SAMUEL 20:7

A'nogo yagatunem, at ninoe raja nen he, fano, iluk ikhe halok he, an fano logogin meneat he, wene palhe halok he, hendawimo nen he, at raja nen Daud wasigiluk weim abok arat ikhemo higi, iluk anggano o.

1 SAMUEL 22:14

A'nogo isikhemo at Ahimelekh en ikhi logolik he, ”Andiba nen he, at Daud andi re hun hat hagoromi sikhe fisogo mene inogogwi lego mene perwira omanogo nen mondok tiphogo nek hilingitarek mene re athe lek nogo a? At andi re hun hat honggwarek heamal, nen hat honggwarek kagalharek mene omanogo inoe, nen hun hat hawi silimo welagaikharek mene mondogaren at enek he, along anggikhi logolik legeisogo fikhi lagep mene o.