1 SAMUEL 20:3 - Allah Wene Fano Wene Hupla Inane

³ A'nogo yagati lagaikhemo, at Daud en he, ”Haren an hendawi hundik mondok welagen andi, at Saul elu mondogo. Andi nen he, hat an faget hendawimo weak asinogoluk, wene andi aren hat yagahesigin mondok lek anggigi o. A'nogo meneat he, nineisena Tuhan eluk mondok welagarek mene oak. An nebe yogondak yaat wa'lasigin horogat agama welagi andi eberogoat yagaheti o,” iluk yagatikhe.

1 SAMUEL 20:3 ပူးပေါင်းရင်းမြစ်များ

2 SAMUEL 15:21

A'nogo yagatikhe meneat he, at Itai nen he, mel yagatikhe: ”Nineisena Tuhan eluk welagarek mene inom, nen noe hat hebe inom, hinoak. An hat herakhobagaluk lagain he, nabiro. We, hat hebe o koma lagen halok nemberegat nikhi logogun o. Heluk welagen halok, nemberegat nineluk logogun. Wa'lagen halok, nemberegat wa'lasugun o, noe,” iluk yagatikhe.

2 RAJA-RAJA 2:2

A'nogo waga logolik, at Elia nen Elisa mel yagatikhe: ”An he Tuhan nen o Betel loageluk yaganetemo lagain enggere, hat he yoma logoin o,” iluk yagatikhe. A'nogo yagatikhe meneat he, at Elisa nen he, ”Nineisena Tuhan Eluk Mondok welagarek mene inom, hat inom, hinoak. An hat herakhobagaluk lagain mondok lego neisena,” iluk yagatikhe. Andikhi lagaikhemo re, emberegat laga lagaukwasik he pikhit o Betel lagaukwa.

2 RAJA-RAJA 2:4

A'nogo yagaisasikhemo at Elia nen Elisa mel yagatikhe: ”An he Tuhan nen o Yerikho loageluk yaganetemo lagain enggere, hat he yoma logoin o,” iluk yagatikhe. A'nogo yagatikhemo, at Elisa nen he, ”Nineisena Tuhan Eluk Mondok welagarek mene inom, hat inom, hinoak. An hat herakhobagaluk lagain legaro,” iluk yagatikhe. A'nogo yagatikhemo, emberegat laga lagaukwasik, pikhirat o Yerikho lagaukwa.

2 RAJA-RAJA 2:6

A'nogo yagaisasikhemo, at Elia nen he Elisa mel yagatikhe: ”An he Tuhan nen i Yordan ima loagaluk yaganetemo lagain enggere, hat he yoma logoin o,” iluk yagatikhe. A'nogo yagatikhemo, at Elisa nen he, ”Nineisena Tuhan Eluk Mondok welagarek mene inom, hat inom, hinoak. An hat herakhobagaluk lagain legaro,” iluk yagatikhe. A'nogo yagatikhesik, emberegat pikhit he, i Yordan ima lagaukwa.

MAZMUR 116:3

Paik hele fugunem ke'nok ikherek hak, an nebe wa'lasigin horogat agunem, na'manggen mondok hokho mene laluk, nailo nen nendawinggen firogo welagi.

YEREMIA 38:16

A'nogo igimo nen he at raja Zedekia nen ane linglong an noba ikhi logolik, ”Allah mondogat eluk werek, Allah nen ineluk hilingfisikherek mene andi enuba an nen hombuk palhi laginggere an nen hat hebe hoatik, nen aben hoasuageluk ap inenggimo hobagagik, igin lego,” iluk yaganete.

YEREMIA 4:2

Hiren a'nogo hilingiti logogun iluk An nenuba hombuk palimbik, hineluk higithogo welagik, katokhogo hilingitik, eberogo mene nek hilingitik, hilingiti logogun halok he yi afuni ti afuni inunggulenu lombogen he An nen it fanoabet fisoageluk kino yaganeti logogun o, nen iren he An foget nobagakhi logogun aro,” Iluk ikhe isikhe.

ULANGAN 28:66

Hit hinoba enggin-fenggin mene nek asi wagunem, hubanggo inom linggene inom wa'lagu aple faget hinailo nen hinali'lip eti logogun.

ULANGAN 6:13

At nineisena Tuhan Allah agaukhogo fogerati logolik, At faget enek hilingiti logoino. Nen, hombuk paluogeluk halok he, At enuba nek palhi logoino o.

IBRANI 6:16

Mene re, it afuni nen hombuk paluogeluk halok he, inonggwarek inenu elo'lek hagen he, inonggwarek inenuba hombuk palhi'lek. We, it ekhe inenuwerek esin mene inenuba hombuk palharek andi. A'nogo palhunem he, it ekhe nen wene palhi logogun mene inane lek agaikherego.

1 SAMUEL 1:26

Kwisukwasik, Hana nen Eli mel yagatikhe: ”Neisena. An nebe futnobagegen a? An nebe re, ya mendek logolik neisena Tuhan samban oba kino yagatunem, hat heilenggen tomok neasigin mene a'nogo o.

1 SAMUEL 17:55

At Saul en he, Daud en ap Goliat a'nogo wasi lagaikhemo eilenggen hasikhesik he, agoromi tentara mene inoe enu Abner oba heinok wanhi logolik he, mel isikhe: ”Abner, ap alage ari sa amlogo nogo,” iluk yagatikhemo, at Abner en he, ”An hagot he, nonggoro,” iluk yagatikhe.

1 SAMUEL 20:2

A'nogo yagatikhemo, at Yonatan nen he, ”A'nogo ugun o. Nineisena Tuhan oak. An neisena nen hat hebe hoasigin lego. Aren endep wene hokho wene hilingisigiluk he, an yagane'luk enek hilingiterego. Nen aren hilingiterek mene andi re, an yaganeti'lek endawimo hinaterek mondok lego. Andi nen he, hat egen mene andi re eberogo asigin lek meneat egen o,” iluk yagatikhe.

1 SAMUEL 20:4

A'nogo yagatikhemo, at Yonatan nen he, ”Haren, we, nena mene kino yaganeten halok he, an nen hane hologo hilingisigin enego,” iluk yagatikhe.

1 SAMUEL 25:26

Hat heisena nen haselei mene inoba onggo wo'nesuageluk kino yagaisigik, inebe inoatik, ikherek mene a'nogo At Allah nen kwe palhobagaikhemo, At Tuhan Eluk Mondok Welagarek mene a'nogo enuba re an nen hombuk palhi lagi andi. Neisena hat haselei mene inom, nen it hat hebe alomat hobagagun iluk hilingiri'lagwi mene andoma inom, inoba ari'lago aple andoma re at Nabal ogo andi higit oba aga logouwago.

1 SAMUEL 27:1

At Daud a'nogo laga logolik he, endawimo yi'nogo wenggelik lagaikhe, ”Andem a'nogo ogoba nen he hilingik kwelek at Saul en an nebe noasu hak. Nen, an nen amurogo hilingisu mene ekhe werek legat, we it afuni Filistin inaiba andoma wulibi layok. A'nogo hilingisigin andiba re at Saul en an it afuni Israel mene were'ma andoma ekhe hira'nabik lagain lek, nen an ogo andoma nailo legengge fano logogin,” iluk wenggelhikhe.