1 SAMUEL 20:26 - Allah Wene Fano Wene Hupla Inane

²⁶ A'nogo meneat he, at Saul endawimo nen he, ”At Daud en weak mene ekhe enggi fakfikhesik oba horati'legen, nit Allah againafuri hilingitorek hak hilingisuogoluk wagi'lek higi,” iluk anggasikhesik he, andi sambul endawimo nen he, ”Daud ebe lek yi nenahalok,” iluk areng palhikhe lek.

1 SAMUEL 20:26 ပူးပေါင်းရင်းမြစ်များ

IMAMAT 11:24

Ap misik ekhe nen eluk-elugengge ekhe mene-ekhe mene warek fili misik ekhe fakhagain halok ap a'nogo ebe emerek werek kwelek enek he, mo ubuk ikhi logogin mene re yi: Yi mene ti mene inenggi a'lip wilibik mene inom, it ineisok a'lip aksek oba nen inambe nenggarek mene nekhengge luk hemelogo ninggerek mene inom, yi mene ti mene enggi eisok enggaminogo werek oba nen kelinci enggiagut hak mene inom andoma. Mene athe, ap ekhe nen he yi mene ti mene andi mene warek fili ekhe waluk laluk halok ogo, aren asu sobalikhi logogin oba nen he at ebe nek he emerek werek kwelek enek mo ubuk ikhi logogin.

IMAMAT 11:31

Ap ekhe nen yi mene ti mene andi fakhikhe halok ogo nen warek fili fakhikhe halok ogore at ebe emerek werek kwelek enek mo ubuk ikhi logogin.

IMAMAT 11:40

Ap en warek fili andi waluk lagu halok ogo nen nagain halok ogore asu i sobalagain oba nen he, ebere emerek werek kwelek enek mo ubuk ikhi logogin.

IMAMAT 15:5

Ap misik ekhe nen ap ariginik mene a'nogo senhugu halok inom, at nogoguba omanogo senhugu halok inom, at hu'laguba omanogo obali'mo hu'lagu halok inom, athe wesi subet hikhe halok inom, ap andi asu sobalogo kume waraluk, at ebe emerek werek kwelek enek mo ubuk ikhi logogin.

BILANGAN 19:16

Ap ogo hemi ogo afuni nen pinggi inoatunem warek halok ogo, amu yabumo nen wa'lasigin halok ogo, andomaba fagisogoin halok he at ebe emerek werek kwelek enek linggene 7 nen logogin. Andi hak he ap wa'lagu mene inoak fagisogoin mene ogo, warek salegoba fagisogoin mene ogore emerek enek logogun.

1 SAMUEL 16:5

A'nogo yagatukwama, at Samuel en he, ”Eberogoat. Wam nineisena Tuhan faget warogo nolesuogeluk wagi o. Andi nen he, hit ninom wam warogo nolugun anggegep halok he, afuni inenggisabul hotarek andi hak, hinoba fanorogo horasimbik, hinebe Allah faget fisano o,” iluk yagaisasikhesik, ap Isai againafuri inom inebe lombok inoba fanorogo horatukwasik he, wam warogo Allah noletunem wesuageluk inayonggo fesikheat.

1 SAMUEL 20:27

A'nogo kamo isikhe meneat he, ohealek tugi ket folelhe mene faget logolik, Daud hurek werek oba aremnogo ebe legaren he, Yonatan mel yagatikhe: ”At Daud he o hu'mo nen engge yogondagen ogo nit sumburu isago nouwogeluk ugunem, ebe wagi'legat andi nenahalok?” iluk heinok wokhasikhe.