1 SAMUEL 2:9 - Allah Wene Fano Wene Hupla Inane

⁹ Neisena Tuhan hagainafuri hane hologo hilingitarek mene wea'ma lanogoluk henggi fetninarek mondok welagendego. A'nogo meneat he, it afuni inobabut weak mene andi, o mum hik-hakse'ma lakfisamo alomat lasugun o. It afuni inonggwaregen yi'nogo ti'nogo ekhe hilingitarek lek andi nen he, it inonggwarek inomameba inomame asugun mondok lego.

1 SAMUEL 2:9 ပူးပေါင်းရင်းမြစ်များ

AYUB 18:18

O selek oba omanogo nen at a'nogo silogo o mum oba wulak fisagain, ap ineluk logogun oba omanogo nen at a'nogo hambokhogo hugisagainat.

AYUB 40:13

Inebe warek he kweang habulogo salinabino o. Afuni wa'la'luk lagaikharek oba andoma kwe yagarogo fisano o.

AYUB 5:16

Afuni ekhe inawe a'ma hangge sebelek welagaikharek mene ogore, Allah nen lebetnisagain werek iluk inendawimo eberek welagaikharek. Nen, Allah nen afuni weak hilingitarek mene andi, inambe te'met fisikherek.

AYUB 5:24

Hat hebe re hawi tenda wuri'mo andoma fanorogo habolo'lek logogin o. Nen, hanggo domba lombolik lagunem he, mondogat longgo igi'lek fano were'ma nek hikhi logogin o.

MAZMUR 1:6

Andi re, At Tuhan he afuni at ane hologo hilingitarek mene andi, at awe a'ma fisaluk ferinarek welagarek. A'nogo meneat he it inobabut weak hilingitarek mene andi, alomat lasugun oba andoma louwogeluk hilingitarego.

MAZMUR 105:37

A'nogo hilingitikhesik fem hobuk he, it afuni Israel mene inebe woginarek wulibi waga logolik, it inangge emas inom, perak inom, helaluk wulibi wagaukwa. Andi nen, it inebe mondogat he inoba fano inomame weregat, tegelek mondok woginarek wulibi wagaikhe.

MAZMUR 121:3

Aren he hat hebe waranogoluk herakhobagagi'lek, setharek mondok werek. Hat hebe waroageluk Aren oboget hiikherek lek.

MAZMUR 121:5

At Tuhan nen enek hat hebe kagalharek logogin, At ebe hat hoba lomborogo logogiluk hera'lu horokhogo werek

MAZMUR 121:8

Hat wesigiluk wagunem inom lageluk lagunem inom Aren kagalharek logolik yogondak inom hobuk inom, setharek mondok logogin o,” iluk wuni watukwa.

MAZMUR 145:20

It afuni At oba inendawi hundik werek mene re, Aren kagalinarek werek. Oba nen he, afuni inobabut weak mene re inebe leget fisikherek.

MAZMUR 31:17

Hat hendawi hundigen an nagap telogo nobagain. Haren an hamingmingengge yi nobaget hendawimo hagaiyek habuak.

MAZMUR 37:28

At Tuhan nen he fano hilingitarek mene inom, katokhogo hilingitarek mene inom endawi hundik anggikherek. Afuni At oba tiphogo nek hilingitu welagaikharek mene re hesanggema obogerisikherek lek. Aren mondok-mondok andoma awe a'ma fisaluk ferinarek mondok werek, oba nen he, ap weak hilingitarek mene nen tagomangge mene re mondogat wathigik lakfisagain.

MAZMUR 94:18

An nendawimo nen wenggelhi logolik he, an nebe warogo taik igin higi, iluk ebetunemen he, Hat Tuhan nen hendawi hundik hilingnafi lagen mene a'nogoba an nebe nomareogo mendek logouwageluk hilingnobagakhi lagen o.

MAZMUR 97:10

At Tuhan nen he it afuni At againafuri mene omanogo At awea'ma ferinarek logolik werek, nen Aren he it andi afuni wene melalek sagalogo fuluk hilingitarek mene inenggimo nen lologo wulak fisikherek. Ariginik enggere, hit afuni Tuhan hinendawirogo welagep mene nen he, weak hilingitarek mene andi faget hinabiret fisikhi logoni o.

AMSAL 16:9

Afuni nen he hilingisugun mene faget ebet-ebet hilingitarek, oba nen, it hilingirik logoin kwere At Tuhan nen enek sikhiphogo ikherek.

AMSAL 2:8

Tuhan nen he afuni higithogo hilingitarek mene ferinarek welagik, nen At oba inendawi hundik welagaikharek mene awe a'ma ferinarek welagik, ikherek.

AMSAL 3:26

At Tuhan nen hat hebe fetharek mondok logogin. Aren hat hebe sapna ele'ma alperel habuageluk oboget heagain lek.

PENGKHOTBAH 5:17

Andi bare an nen futfikhi logolik he, nit Allah nen we eil misik logouwageluk wo'nisikheba yoma logolik he ninamburu ninggik, ninagai ninggik, nineabu helogorek lombok enggen palogo ninggik, hilingiti logogun andi re, niren ninetokhogo hilingitorek mene re ariginik mene andoma hilingi'mo re a'nogo hilingiti logogun andi faget ninagaiyekhogo hilingiti logogun o.

PENGKHOTBAH 9:11

O kweangma yoma ekhe yi'nogo hilingitunem isigiregat. Afuni inebe lombok inoba hilinglasigin ilugat hilinglagarek andi nen he, it afuni sa awewerek-sa awewerek walhugunem at ekhe awe werek agarek mene andi nek onggo helikherek fuk. Nen, weim yafi logolik inomame agaikharek mene andi, hobuk yafi logolik inomame agunem isigirek legat. Nen, it inendawinggen kagalek mene andi, inebe mondogat inamburu yi mene ti mene oba heilarogo nek nunggunem isigirek legat. Nen, inobabut hebelek mene andi, inebe mondogat inangge yi mene ti mene hokhorogo nek hilinglagunem isigirek legat. Nen, it yi wene ti wene inelu mene andi, inebe mondogat inenuwerek agunem isigirek legaro.

YESAYA 27:3

An Tuhan nebere halhu mene logolik, hundik-handik i kweisalhu mondok welagirek, It ekhe nen menggelinogoluk lingge hundik hup hundik An nen kagalek mondok welagirek.

YESAYA 47:5

Tuhan nen Babel oba ikhi logolik, ”Hele tugum Kasdim mene yi, hat faget o kerajaan andomaba ekhe ninagaisa ratu werek iluk ugun mondok lek enggere, hat he o mumse'ma andoma kwilambik habolo'lek hurek logoin o.

YEREMIA 8:14

Allah againafuri nen ikhi logolik, ”Nenahalok niren o yoma hurek-hurek mondok logogun nogo? Nit he o kota leget omamerogo waganek oba a'lima nogo lambik logouwogen we'ni o. Nineisena Tuhan Allah nen he nit ninebe lek akhoak iluk wene mondogat tekhogo ikhe. Niren At oba weak hilingitugu andiba ninebe wa'lasuageluk Aren arik weak mene noageluk wo'nisikhe.

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

NAHUM 1:8

A'nogo logolik At aselei mene omanogo re, i fu hokho mene waga logolik, yi mene ti mene mondogat legabeterek hak mondok weagerogo fikherek. It ekhe inailo legengge At ane sagalfuluk hilingitarek mene re, Aren he wa'lagaikharek meneba ineiloak homokhogo inoatunem wa'lagaikharek.

ZEFANYA 1:15

Linggene weinam asi wesigin oba andi re mondok anini weak mene, anggolo hogoin mene inom, enggin-fenggin hogoin mene inom, nen mondogat weagasugun mene inom, wolelenggen higik logoin mene inom, weinam asi wesigin. Linggene andi re o mondok mum hikhakhogo ohena salek andi hak hilingi'mo, o selek ekhe logogin lek mene wei igin.

ZAKHARIA 4:6

Malaikat a'nogo nen an miming nafi logolik, Tuhan nen yi'nogo ikhe iluk hun Zerubabel yagasi lano, iluk yaganete, ”Ap tentara inomameba inom, nen hat honggwarek homameba inom fanorogo hilingisu lek hak, we An Nareagun oba nek he elok hilingisigin o.

BILANGAN 6:24

Hineisena Tuhan nen fethinarek logolik, fanothinafi logouwago.

MATIUS 8:12

Mene re, it afuni Israel mene andi re, o andoma irat eisewerek asugun meneat he, enda'ma o mum hikhakse'ma andoma lakfisamo re, inaik himbirogo li ago le ago mondok logogun o,” iluk yagaisasikhe.

ROMA 3:19

Wene Allah nen komotninafikhe wene andi, it hologo logogun mene nek yagaisasikhe, iluk nit ninelu. Allah alegaren afuni o yi awi ti awi mondogat wene inoba figik, kotik, ugunem, at ekhe nen wene oba koragain elo'lek asuageluk komotninafikhe andi.

ULANGAN 33:3

Eberogoat nineisena Tuhan he againafuri endawi welagarego. Afuni Aren wenaginafe mene nek inebe lombok mondogat ferinarek welagarek. Nit at awe a'ma nineindep awi yagaisogo nen fogeratik, Aren, yi'nogo hilingiti logoino, ti'nogo hilingiti logoino, iluk yaganisasikhe wene andi hologo higithogo hilingitik, ikhi logouwogo.

1 PETRUS 1:5

Hinendawinggen at Allah oba eberogoat himbirik welagep andi nen, at omameba fethinarek logombik he, hobuk hinebe fanothinabigin mene wurep oba weinamet fagain andi.

2 PETRUS 2:17

It ap ineran nen agarek mene andi inobabut he, o hibiba i elesi firok ikherek andi hak, firok igik, ohena sogoien waluk lagarek andi hak, hesanggeat woginarek lagik, ikhi logogun o. Allah nen it andi o mum hikhakse'ma andoma logouwageluk inobuluk halogo fisasikhemo werego.

YUDAS 1:1

An Yudas, Yakobus agot, Yesus Kristus amingmingengge a'nogo nen, hit wene yi lisu palogo hinoba lakfei wagi andi. Nerugwi nagaila'lak. Allah nenat hinayonggo fesikhesik hinebe endawi logolik, hinoe Yesus Kristus inomenat fethinarek mondok werek andi.

YUDAS 1:13

Nen, ekhe re, i laut hokho yenggele'ma ha'labu hesangge-pesangge aninirogo mondok wati logolik, wesilagap hilingisogo fikherek andi hak, it andi hesanggeat hilingiti logolik, inenggali lek weak hilingiri'lagwi. Hesagal furunghogo mum wea'ma lagarek andi hak, Allah nen it andi o mondok mum hikhakse'ma logouwageluk inobagagin werego.

YUDAS 1:3

Nerugwi nagaila'lak. Hinebe nendawi e. Wene Allah nen hit ninomat telninafikhe a'nogo faget wene lisu palogo hinoba lakfei wesigeluk nendawinggen eberek mondok welagirik he, hobuk nendawinggen sebelu elo'lek agama re, wene mel faget lakfei wagi andi. Andi re, it afuni ekhe Allah ebe inabit mene nit ninonggot werek kwelek ninanggele'ma kwi wesimbik he, Allah obabut fano nen wo'ninaferek mene andi, iren lagakhogo wene hunogo mene yagahisikhi logolik he, ”Weak mene hesanggeat hilingiti logogun,” iluk, ninoe Enupogot Yesus Kristus omame hokho a'nogo ebe herakfisaluk, hilingiri'lagwi andi. A'nogo hilingiri'lagwi andi nen, Allah nen he, ”Wene yi'nogo inoba fagain,” iluk isikhemo fagearen lisu palogo fesukwama werek. Wene Allah nen misigam faget nit againafuri wo'nisasikhemo ninendawinggen oba himbirik welago andi mene, it andi nen legetfouwogeluk ugunem, hiren elele waganogo hinomamerogo fisogo logobagaigeluk hinendawimo kagalogo lakfei wagi andi.

1 SAMUEL 25:26

Hat heisena nen haselei mene inoba onggo wo'nesuageluk kino yagaisigik, inebe inoatik, ikherek mene a'nogo At Allah nen kwe palhobagaikhemo, At Tuhan Eluk Mondok Welagarek mene a'nogo enuba re an nen hombuk palhi lagi andi. Neisena hat haselei mene inom, nen it hat hebe alomat hobagagun iluk hilingiri'lagwi mene andoma inom, inoba ari'lago aple andoma re at Nabal ogo andi higit oba aga logouwago.