1 SAMUEL 2:6 - Allah Wene Fano Wene Hupla Inane

⁶ Allah mel yagatikhe: ”Neisena Tuhan nenat, afuni inoatik, inelugerinafik, egendego. Afuni wa'la'luk lagaikharek oba kweang a'ma pelaginaplugen, hobuk andoma nen liakfisa wagendegaro.

1 SAMUEL 2:6 ပူးပေါင်းရင်းမြစ်များ

1RAJA-RAJA 17:22

A'nogo yagatikhemo, at nineisena Tuhan nen Elia samban isikhe mene ane esanggo holhikhesik he, yenggerek a'nogo eluget fesikhemo, set lagasikhesik he, ebe arat eluk agaikhe.

2 RAJA-RAJA 5:7

A'nogo waluk wagaikhesik, afuni Israel mene inoe raja wogosi wagaikhemo enu salhikhesik, ailo agaikhemo re endawimo weakhogo asu tilip-talaphogo lakfisasikhesik mel isikhe: ”Afuni Siria mene inoe raja andi re an nen ap yi oumo henanggo inailo mene andi elok hilingisu hagen yaganete nogo a? Nailo e. An nebe re, Allah omame were'ma re, afuni inelugerinafik, inoatik, ikherek andi hak fuk, lego. Afuni Siria mene inoe raja andi re, we an weak yaganesigiluk obalisin yaganetemo higi,” iluk wene palhikhe.

MAZMUR 116:3

Paik hele fugunem ke'nok ikherek hak, an nebe wa'lasigin horogat agunem, na'manggen mondok hokho mene laluk, nailo nen nendawinggen firogo welagi.

MAZMUR 30:4

Afuni wa'la'luk lagaikharek oba omanogo nen Harenat an ogalogo nobagakhi lagen, it afuni warek mene omanogo inanggele'ma nen Haren enek neluget nobagakhi lagen.

MAZMUR 68:20

At Allah andi re nit telninaferek mene hilingi'mo re, Tuhan andi nek fogerati logouwok! yi sambul ti sambul andoma re nit ninoba enggin werek mene omanogo hatu mondok werek.

MAZMUR 71:20

Haren he an noba enggin-fenggin hokhorogo hilingnobagakhi lagen, oba nen he, Harenat an nebe fano hilingnobagagin o, nen an nebe ap warek mene salinafuba nen neluk mennobagagin aro.

PENGKHOTBAH 3:3

nen, at ebe o ti sambul wasuak, nen, ti sambul ebe oba ou mene fano asuak, anggigik, nen, o ti sambul o meisalhik, ti sambul wutik uwak iluk, Aren anggikherek oba nek hilinglagarek.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

YEHEZKIEL 37:12

A'nogo hilingik enggere ninagainafuri Israel mene faget hobuk hilinglasigin mene inelurogo yagaisan o, An Tuhan Lego Mondok welagirek mene nen kweangma it inebe salek oba omanogo nen ineluk asuageluk kwe hut fagain. A'nogo hilingfuluk it inebe andoma nen An nen feisalogo wulak fisambik kweang it Israel mene inanggweang oba logouwageluk inambotkwe fisa wesigin.

YEHEZKIEL 37:3

A'nogo hasigimo nen, Tuhan nen an heinok wo'niikhi logolik, ”Afuni wa'lagaikharek mene yi re, ap oak omare nekhengge elugasuhak anggikhi lagen a?” iluk yaganete. A'nogo yaganetemo an nen onggo yagati logolik, ”Tuhan Lego Mondok welagen mene neisena, we harenek he helu welagen o,” iluk yagatigi.

MATIUS 12:40

At Yunus andi ikan alabutmo werek kwelek, o hubagik, wei igik, ugu kwelek enggi henagan welagaikhe andi hak he, an abat ta'lasi wagagi a'nogo re, kweang a'ma o hubagik, wei igik, ugu kwelek enek, nenggi henaganat logogin o.

YOHANES 11:25

At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

ULANGAN 32:39

Yethani, Allah an namunek, Allah amu mene ekhe werek lek, An nen inebe inoatik, inelugerinafik, igirek mene, Inoumo asuagaluk, inoatirek mene, fano asuagaluk hilinginafirek mene, An nen hilingitunem, it ekhe nen an nane ugunem, sebelumo re mondok elo'lek.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

1 SAMUEL 20:3

A'nogo yagati lagaikhemo, at Daud en he, ”Haren an hendawi hundik mondok welagen andi, at Saul elu mondogo. Andi nen he, hat an faget hendawimo weak asinogoluk, wene andi aren hat yagahesigin mondok lek anggigi o. A'nogo meneat he, nineisena Tuhan eluk mondok welagarek mene oak. An nebe yogondak yaat wa'lasigin horogat agama welagi andi eberogoat yagaheti o,” iluk yagatikhe.