1 SAMUEL 2:35 - Allah Wene Fano Wene Hupla Inane

³⁵ It a'nogo wa'lasumo nen enek he, ap hunogoat mene ebe An eisewerek logolik, obabut hombunhogo An noba lomboksek logolik, An nen, yi'nogo hilingi'no, iluk yagatunem nane hologo hilingiti logogin mene ekhe wenagaisogo menfagain o. A'nogo menfembik, aren tagomangge mene inebe An eisewerek logolik, ap kaindek inenupogot An nen wenagaisogo menfisagain mene ineilhanem An faget hilingiti logouwageluk eisewerek fisagain o.

1 SAMUEL 2:35 ပူးပေါင်းရင်းမြစ်များ

2 SAMUEL 7:27

Neisena Tuhan Homame Mondok Hokho mene o. Haren yaganeti logolik, ap haren tagomangge hombalak ta'larik laga logogun mene mondok afuni Israel mene inogogwi inenupogot hilinglarik lagunem menfisilik laga logogin o, iluk wene wa'neten andi nen, nane nailo legat, hoba liakfei wagi o, neisena.

1RAJA-RAJA 1:45

A'nogo lagaikhasik, it Zadok Natan emberegen he, i Gihon elesimo andoma nen amusu Salomo unggul oba keisalogo ebe inoe raja logouwageluk menfaga o. A'nogo menfagama, yogondak inambotkwe inaiba kota waga logolik, inane ami'mit suphogo anggiluk weak mondok wagunem o kota Yerusalem werek mene mondogat inane ami'mit lagagunem hinesanggo holhep andi o, noe.

1RAJA-RAJA 1:8

Oba nen he, ap Allah eisewerek Zadok inom, ap Yoyada amlogo Benaya inom, ap Allah ane yagaisikhi lagaikhe mene Natan inom, Simei inom, Rei inom, ap Daud ebe serogo welagaukwa mene inom enek he, Andonia werekwe agaukwa lek.

1RAJA-RAJA 11:38

Nen, An namingmingengge Daud en, An nen, yi'nogo hilingi'no, ti'nogo hilingi'no, iluk yagati lagagi mene nane hologo mondok logolik, hilingiti lagaikhe andi hak, An nen hat yagahesigin mene andi, haren hologo nendawimo nagaiyek anggigirek mene andi mondogat neilhanem higithogo hilingiti logogin halok, An nen hat setharek mondok logogin o. Setharek mondok logolik, afuni Israel mene inoe raja logoinogen iluk menhobagagin o. At Daud en tagomangge mene menfisikhi logogin andi hak, haren tagomangge mene nen afuni Israel mene inoe raja aga logouwagaluk menfisikhi logogin aro.

1RAJA-RAJA 2:35

Salhukwama at raja nen he at Benaya a'nogo re Yoab obali'mo it sikhe fisogo inap inoe panglima menfesukwa, nen Zadok he hun Abyatar obali'mo imam menfesukwa.

1 TAWARIKH 29:22

Andi sambul he it inamburu ninggik, inagai ninggik hilingiti logolik, Tuhan eilhanem inagaiyekhogo hilingitukwa. A'nogo hilingitukwasik he nekhengge inenggi pirenek meneba re at Salomo raja menlaga iluk inane menfesukwa. Tuhan enuba re at Salomo raja menfesukwasik Zadok he imam menfesukwa.

MAZMUR 18:50

Andiba re it afuni inunggulenu lombok welagaikharekwe andoma Hat henu nek sagarik laga logogun, nen Hat hobaget wuni fogethafu awuni nek wulakfuluk fogethafi logogun.

MAZMUR 2:2

It afuni kweangma mene inogogwi raja-raja omanogo inom, kaindek-kaindek inomame hokho mene omanogo inomen, nit nineisena Tuhan inom ap Raja Aren wenagaisogo fikhe mene a'nogo inom, emberek inoasuogoluk weim abok inebe mondogen inane misik seberogo mata andi.

YEHEZKIEL 34:23

An nen ap raja misik ekhe, An namingmingengge Daud higit mene menfoumo re, we at ami amu nen it inobaget inanggembala logolik halinafi logogin.

BILANGAN 25:13

At ninom nen aren ambisangma mene inom he, ineabu imam mene mondok-mondok logouwageluk An nen menfisigi. Aren he, an eisena Allah a'nogo nobaget ninghogo nili wo'nafesik he, afuni Israel mene inaweak faget An ninom lambulogo ninobagaikhe andi nen o” iluk yagatikhe.

IBRANI 2:17

A'nogo hilingitikhe andi re, yi'nogo iluk. Nit afuni weak hilingitorek mene, aren legetfisageluk, at ebe Allah eisewerek kain logolik, obabut Allah faget hombunhogo hilingitik, nit afuni endawitninafik, higirat ikhi logoigeluk, at ebe nit afuni erugwi agaila'lak hanggeat agaikhesik, nit hilingitorek mene mondogat ninobabut wanu hagat wanhikhe andi.

1 SAMUEL 10:10

A'nogo hilinglagaikhe andi, at Saul amingmingengge a'nogo emberek o Gibea wagaukwa hak he, it ap Allah ane yagaisagarek mene esa logalek a'nogo inom ambi agaukwa. A'nogo ambi agunem, Allah Areagun at Saul endawimo peterogo kwisikhesik, it ap Allah ane yagaisagarek mene inom inane ami'mit suphogo wuni lagik-wagik watukwa.

1 SAMUEL 10:9

A'nogo yagatikhemo, at Saul Samuel herakfuluk lagunem aremnogoat, Allah nen Saul obabut ket hunogoat mene wogotikhe. Nen, at Samuel en wene yagatikhe hagat, o andi sambul mondogat hilinglagaikhe.

1 SAMUEL 12:3

Yogondak he, hit hinelokhoma mendek welagi yi! Enggere an nen weak ekhe hilingiti halok he, nineisena Tuhan eilhanem inom, ap hinoe raja Aren wenagaisogo wokhisikhe mene inom ineilhanem, yi'nogo hilingite iluk wene noba feni o. An nen hit hinanggo sapi inom, keledai inom, nenggi abisak wanhi mene ekhe werek nogo? Neranen wene ekhe lalhinafik, mep lagik-lagokhogo ekhe hilinghinafik, wene pilingiti logolik, an it werekwe asuagaluk, uang onggo wo'netunem ekhe wanhik, igirek mene ekhe werek nogo? Ekhe a'nogo hilingitimo halok, ambotkwe wogisagen he, yagane'ni o,” iluk yagaisasikhe.

1 SAMUEL 16:13

A'nogo yagatikhemo, at Samuel en amusu a'nogo wanhikhesik he, Daud unggul oba warogo ogogwi ineilhanem menfesikhe. A'nogo menfugu kwelek aremnogoat, Allah Areagun Daud endawimo peterogo kwisikhe, kwisikhemo huli andiba nen Daud ebe eluk werek kwelek nineisena Tuhan Areagun endawimo mondok welagaikhe. A'nogo hilingi'luk, at Samuel aiba o Rama ambotkwe wagaikhe.

1 SAMUEL 2:36

A'nogo fisugunem, hat hagainafuri ineluk herakfisagain mene andi inebe lombok, uang inom, sumburu inom, it ap An eisewerek mene andi nen wogisikhi logouwageluk kino inoba laluk he, mel yagaisikhi logogun: Sumburu, we endebat wo'nesugun mene faget hit yabu hilingitunem lebethisagain o, iluk kino yagaisikhi logogun o, iluk ikhe,” iluk yagatikhe.

1 SAMUEL 25:28

Eige neisena, an hamingmingengge nen furogo hilingiti'lek mene andi faget ebeti'lek sagalogo legetfeino. Neisena haren At Tuhan faget weim yafi lagen ma re At Tuhan nen he neisena hat inom, haren tagomangge mene inom he, it afuni Israel mene inobaget inoe raja mendek logouwageluk hinobagakhi logogin, nen neisena hebe heluk logogin huli andoma kwanirek mene ekhe hat helokhoma ekhe hilinglasigin lego.

1 SAMUEL 3:1

A'nogo hilinglarik lagu kwelek he, at Samuel ebe yenggerek engge hun Eli a'ma logolik, Tuhan obaget hilingiti lagaikhe. Andem oba re, At Tuhan nen yi'nogo hilinglasigin enggere ebe yi'nogo hilingi'no iluk aneba yagaisugu mene inom, inabikhanggoba yagaisugu mene inom he mondogat lek welagaikhe.

1 SAMUEL 7:9

A'nogo yagatukwa andi nen he, at Samuel en wam domba eak oan mene misik ekhe wanhikhesik he, senggelogo Tuhan endawimo agaiyek hoageluk obaget warogo noletikhe. A'nogo arat noletikhesik he, afuni Israel mene telinabuagaluk Allah ayonggo fesikhemo, ane esanggo holhikhe.

1 SAMUEL 8:3

A'nogo meneat he, it inobabut he, ineisena obabut higithogo hilingiti lagaikhe hak hilingiti lagaukwa lek. We, inonggwarek faget saburikhi logogun mene nek hilingiti lagaukwa. A'nogo hilingiti logolik, afuni weak hilingitarek mene nen he, at Samuel againafuri it werekwe asuagaluk uang inoba waluk wagunem helikhi logolik, wene afuni inoba higithogo figik, kotik, ikhi lagaukwa lek.

1 SAMUEL 9:12

A'nogo yagaisasukwama, it helime silerik omanogo nen he, ”At he, werek. We yogondak yaat hinelokhoma porem lili'lago. Hit weak-weak logoin halok he ebe mukha logoin. Yogondak afuni inobaget punuba andoma mezba oba wam warogo nolugun nen he we yogondagat waga o, at o kota yogondagat kwikhesik werek enggere hinom ambi asugun. Wam Allah faget warogo nolesugun mene andi oan Allah nen fanot fouwagaluk ayonggo figi'le'ma re, afuni inayonggo fogoin mene andoma inambengge ekhe nogoin lek andi nen, attak o kota kwikhe o. Halok he, yogondak yaat sumburu nageluk tom oba oan lagagi'le'ma ambi asi lani o,” iluk yagaisasukwa.