1 SAMUEL 2:34 - Allah Wene Fano Wene Hupla Inane

³⁴ Wene An nen yagaheti andi mondok eberogoat iluk enegat asuageluk ebe hilinglaga logolik, hat hagainafuri inebe pire Hofni Pinehas emberek o misik sambulat wa'lasugun o.

1 SAMUEL 2:34 ပူးပေါင်းရင်းမြစ်များ

1RAJA-RAJA 13:3

A'nogo isikhesik at nabi a'nogo nen ane ekhe inom ikhi logolik he, ”Mezbah ari re talosigin o, nen wul amboloba werek mene re kweisaligin aro. Andiba re an nebe Tuhan nen laknobagai wagama iluk he enek asigin o,” iluk yagatikhe.

1RAJA-RAJA 14:12

A'nogo yagatikhesigen, at nabi Ahia nen he hun Yerobeam agwe a'nogoba yagati logolik, ”Yogo, yogondak haiba lan o! Nen, hat hebe lambik he o kota kwi lagain sambul andi re hat heak andi ebe wa'lasigin.

LUKAS 2:12

Ebe enegat hineilenggen hambik, futfobagaigen he, omalik ketago mene su kain meneba yinggilogo e sang tale'ma wam amburu ninggerek oba fagasik werek a'naga ha lani o,” yagaisasikhe.

1 SAMUEL 10:7

A'nogo mondogat hilinglagunem hegen halok he, Allah hat setharek mondok logogin andi nen, haren he, Fano yi'nogo hilingisugun, iluk anggegen halok he, andiat hilingi'no o.

1 SAMUEL 2:33

A'nogo meneat he, haren tagomangge mene ap misik ekhe eluk logolik An nobaget hilingiti logouwageluk enogo foumo at ebe imam logolik An nobaget hilingiti logogin. Oba nen he at ebe eil mondok mum mene asimbik, anggolo huranerogo logogin. Nen, haren tagomangge mene fena mondogat he wa'lasugun.

1 SAMUEL 3:12

Andi sambul he, An nen ap Eli againafuri inom yi wene ti wene, hinoba fagain o, iluk yagati mene andi eroma nen pikhit wurep oba huliat mondo'-mondok inoba fagain o.

1 SAMUEL 4:11

A'nogo inoati logolik, ap Eli againafuri inebe pire, Hofni inom, Pinehas inom, aremnogo inomat inoati logolik, Peti Wene Warogo Allah nen wo'ninafikhe iluk hilingik mene a'nogo it inaselei mene nen telogo helaluk lagaukwa.

1 SAMUEL 4:17

A'nogo yagatikhemo, ap wene waluk wagaikhe mene a'nogo nen he, mel yagatikhe: ”Ap Israel mene re it Filistin mene nen muginarek wulifi logolik he, nit fikhit mene re ap warek enek kabok ikhemo re, nit mondok maben ago o. Ninebe mondok hokhorogo ninoati logolik, hat hamlogomi inebe pire, Hofni inom, Pinehas inom, aremnogo emberegat inoata o. A'nogo inoati logolik, Peti Wene Warogo Allah nen wo'ninafikhe, iluk hilingik a'nogo selei mene nen helaluk lagaikha aro,” iluk yagatikhe.

1 SAMUEL 4:21

A'nogo kamo isikhesik, Peti Wene Warogo Allah nen wo'ninafikhe, iluk hilingik a'nogo telogo waluk lagik, at eisena inom, agun inom, emberek inebe inoatik, aga andi nen, ”Allah fogeratorek mene a'nogo ninanggele'ma nen longgoikhemo o,” iluk u hak, eak enu, ”Ikabod,” salhikhe. A'nogo salhi logolik mel isikhe: ”Peti Wene Warogo Allah nen wo'ninafikhe iluk hilingik a'nogo telogo waluk lagaikha andi nen, Allah fogeratorek mene a'nogo ninanggele'ma nen longgoikhemo o,” iluk isikhe.