1 SAMUEL 2:28 - Allah Wene Fano Wene Hupla Inane

²⁸ Nen, afuni inunggulenu Israel mene mondogat inanggele'ma nen hat homba andi againafuri inom wenaginafigimo, inebe An eisewerek logolik, wam yi mene ti mene nolneti logogun oba yabu hilingitik, amben fano mene nolnetik, ikhi logolik, An ninom weneane uogoluk halok inunggulkwe efod su mene pukhogo nen igik, ikhi logouwageluk, inayonggo fesigi andi. A'nogo inayonggo fesigisi'mo re, it inebe inom, iren tagomangge mene inom. wam yi mene ti mene nolneti logolik, fenakwe it helikhi logouwageluk eisewerek fisasigi andi.

1 SAMUEL 2:28 ပူးပေါင်းရင်းမြစ်များ

2 SAMUEL 12:7

A'nogo yagatikhemo, at Natan nen Daud mel yagatikhe: ”Ap enggi werek mene igi andi, hat hebe aro. Halok he, nit afuni Israel mene nineisena Tuhan nen he, mel yagahete: An nen he, hat ebe afuni Israel mene inoe raja logouwageluk menhobagagi, hat ebe Saul en hoasigiluk ikhi lagaikhe mene re, telhafigi anggigi.

2 SAMUEL 6:14

A'nogo noletikhesik wagaikhesik he, at Daud su linen horok mene obakhe hele pukhogo homakfesikhesik, wuni eisena Tuhan fogararik agaiyekhogo warik wagaikhe.

KELUARAN 28:1

Wene ekhe yagati logolik he, ”Hat hoe Harun inom at againafuri Nadab Abihu inom, Eleazar Itamar inom wolisaluk he, iren An neilhanem hilingitu mene imam logolik an nobaget yabu hilingiti logouwageluk inamu penogo fisagain.

KELUARAN 28:4

Iren he su amik oba sebelek mene enu efod inom, su jubah endakwe laberek mene inom, ebe su inenggi nen selebensek mene inom, ungguloba puksek mene inom, karisilak itu mene inom kwasuageluk yagaisano. Su andoma re hat hoe Harun faget inom at againafuri inobaget inom, iren inebe imam logolik An nobaget hilingiti logouwageluk palugun.

KELUARAN 30:7

A'nogo foumo re, hubet hundik-handik at Harun nen esage ibiligiluk waga logolik he, amben fano mene andi mezbah amboloba nol fulugenek hilingiti logogin.

KELUARAN 30:8

Andi higithogo nekhengge hu'mokwe esage ibiligiluk waga logolik ogore, amben fano mene a'nogo mezbah amboloba andoma nol fulugenek hilingiti logogin. Amben fano mene andi re yi sambul ti sambul andoma hundik-handik a'nogo nek hilingiti logogun.

IMAMAT 2:10

Tindel agu mene re, it ap imam mene aga logogun. Roti andi re Tuhan faget fei wagu mene hilingi'mo mondok horek mene logogin.

IMAMAT 2:3

Enu warogo fei wagu mene omanogo re, fena minggilogo it imam nunggu mene faget. Nen nunggu mene andi ebe re Tuhan faget fugu mene hilingi'mo re mondok fano horek mene logogin.

IMAMAT 6:16

Nen, tepung fena abirengge andi re roti fiterek lek mene werak fuluk, it imam omanogo nen o Tuhan Awi Sabu sale'ma solombonma obalik Mondok Hore'ma andoma nen ninggi logogun. Amep werek lek mene nunggu mene andi re inaweak legabesuageluk warogo fugu mene inom, hilingitu onggo obali'mo fugu mene inom, hilingik hakhogo hilingi'more mondok horek mene logogin. Nen, andi re at Tuhan nen it imam ninggi logogun mene iluk wogisasikhe mene re ebe andi.

IMAMAT 7:32

Eisok ebekwe mene re amu tegelogo fuluk,

IMAMAT 7:36

Linggene andi sambul he it afuni Israel inap mondogaren waluk fei waga logogun mene andi re, it imam inobaget fikhi logogun, nen wene melalek yi re it afuni Israel mene mondogaren inenggi hundik-handik andomaba futfuluk higithogo nek hilingiti logogun,” iluk Tuhan nen melalogo fisasikhe.

BILANGAN 16:5

A'nogo hilingitikhesik aren Korah inom it agoromi ombo'ne lagaukwa mene omanogo inom inoba ikhi logolik he, ”Ohealek hubet he At Tuhan nen ap At angge mene re sa he, Aren sa enogo fakhikhe iluk nit ninoba inuknisugunem ninelu asigin. Ap Aren enogo fakhikhe mene re at ebe horokhogo waga logouwageluk yagate.

BILANGAN 18:19

Hinenggi mondok-mondok andoma, afuni Israel mene nen enogo fugu mene waluk An wo'nesi wagu halok, An nen hat inom hagainafuri ap inom helime inom wokhisikhi logogin. Wene melalek andi re hinenggi mondok-mondok a'nogo were'ma re wene warek andi An ninom haren tagongge mene inomen sugwi agi'lek tiphogo nek hilingitu mondok logogun.” iluk yagatikhe.

1 SAMUEL 14:3

(Andi sambul, su enu efod ap Allah eisewerek logolik, labetarek mene a'nogo ap Ahitub amlogo enu Ahiya andi nen labe'luk lagaikhesik welagaikhe. Ahitub amlogore abo Ikabod Pinehas agailak a'nogo amlogo, nen Pinehas andi re, ap Eli Allah eisewerek o Silo welagaikhe mene a'nogo amlogo.) Nen at Yonatan andoma nen lagaikhe andi, it ap tentara mene omanogo inonggorat welagaukwa.

1 SAMUEL 2:18

It a'nogo hilingitu kwelek, at Samuel ebe oan yenggeregat logolik, nineisena Tuhan faget hilingitu welagaikhe. A'nogo hilingiti logolik, asu pisarek yo linen meneba kwago mene ap imam Allah faget hilingisuogeluk labetarek higithogoat laberogo hilingiti lagaikhe.