1 SAMUEL 2:27 - Allah Wene Fano Wene Hupla Inane

²⁷ A'nogo ugu kwelek, inenggi ekhe sambul he, ap Allah ane yagaisikhi lagaikhe mene ekhe nineisena Tuhan nen, ”Wene yi'nogo ap Eli yagasi lano o,” iluk wene warogo lakfei wagaikhemo, wagaikhesik mel yagatikhe: ”At Allah nen he, hat homba Harun againafuri inom afuni o Mesir mene inoe raja Firaun amingmingengge hit ferinarek were'ma, An nebe at Harun elokhoma menlagagi andi.

1 SAMUEL 2:27 ပူးပေါင်းရင်းမြစ်များ

1RAJA-RAJA 13:1

A'nogo hilingitikhemo re andem sambul ap nabi ekhe it Yehuda mene inoba andoma welagaikhe. Were'ma re Tuhan nen o Betel andoma loageluk mimingitikhemo lagunemen he Yerobeam a'nogo re, mezbah elokhoma aremnogo yi mene ti mene warogo noligin iluk mendek welagaikhe.

1RAJA-RAJA 2:27

A'nogo isikhesik at Salomo nen hun Abyatar imam welagaikhe mene a'nogo pelak fesikhe. At Salomo nen a'nogo hilingitikhe mene andiba re at imam Eli nen tagomangge mene ambisangma hilinglasigin mene Tuhan ane o Silo nen isikhe mene a'nogo higit agaikhe.

KELUARAN 12:1

A'nogo hilinglagaikhemo, hobuk At Tuhan en Musa Harun emberek o Mesir were'ma mel yagaisasikhe:

KELUARAN 12:43

Tuhan nen Musa Harun emberek yagaisikhi logolik he, ”Hiren seni Paskah isati logolik hilingiti logogun he yi'nogo: Ap pok mene halok he linggene Paskah andiba wam domba watu mene andi eino ninggi logogun lek o.

KELUARAN 4:27

A'nogo arigin hikhesik, Tuhan nen he, Harun mel yagatikhe: ”Musa o leimo afuni le'ma werek a'naga oba lan o,” iluk yagatikhemo, at Harun wagaikhesik, agot Musa Allah onggwarek andom oba a'nogo were'ma wagaikhesik hai ambe saluk watikhe.

ULANGAN 33:1

A'nogo yagatikhemo, at Musa Allah nen ayonggo fesikhe mene a'nogo ebe oan wa'lagi'lek logolik, afuni inunggulenu Israel mene Allah nen fanorinafi logouwagaluk wene yi'nogo isikhe:

1 TIMOTIUS 6:11

It a'nogo hilingitarek meneat he, hat he, hebe Allah amlogo welagen andi nen, andi mene hilingiti'lek herakfisaluk logoino. A'nogo logolik, Allah endawimo anggikherek mene higithogo hilingitik, awe a'ma kuluk, at faget hilingitik, hendawinggen at oba himbirik welagik, afuni hendawirinafik, hafe morogo welagik, hobabut enago welagik, ikhi logoigeluk, andi meneat esinet fikhi logoino.

HAKIM–HAKIM 13:6

A'nogo yagatikhemo, at Manoah agwe a'nogo agun oba lagaikhesik he, mel yagatikhe: ”Noe, nineisena Allah agoromi yonggo lakfisa wagarek mene ekhe an noba wagasik. At andi ebe malaikat Allah mene hanggeat wagama, an nailo mondok aga o. An nen he, Hat hebe koma nen wagen, iluk heinok wokhigi legat, nen aren ogo re, An nenu ti, iluk yaganete legaro.

HAKIM–HAKIM 6:8

Kino yatukwama, Tuhan nen it inoba nabi misik ekhe lakfei wagaikhemo, nabi a'nogo nen ikhi logolik he, ”Afuni Israel mene ineisena Tuhan Allah a'nogo nen he yi'nogo ikhe, afuni Mesir mene nen sebelhinarek were'ma An nen fikhalogo wulak hinobagai wagagi o.

1 SAMUEL 3:12

Andi sambul he, An nen ap Eli againafuri inom yi wene ti wene, hinoba fagain o, iluk yagati mene andi eroma nen pikhit wurep oba huliat mondo'-mondok inoba fagain o.

1 SAMUEL 9:4

A'nogo yagatikhemo, at Saul amingmingengge a'nogo emberek wam a'nogo o tom Efrayim oba inom, o Salisa andoma inom, mondogat yiling-waling heratukwa mene re, heratukwa mondok lek. Andi nen he, o Sahalim kwe heratukwa mene re, andoma legaren he, hobuk afuni Benyamin mene inaiba herasi lagaukwa ma nen he, le'ma nong agaukwa.

1 SAMUEL 9:6

A'nogo yagatikhemo, at amingmingengge a'nogo nen he, ”Ah, nenangot hambigen, ap o kota yi mene ebe Allah amingmingengge mene re, wene aren ugunem sugi agi'lek tibenek ugunem afuni nen agaugweratarek mene ekhe werego. Halok he, aren wam keledai longgoikhe mene andi, koma werek, iluk yaganisagain enggere, at oba louwogo,” iluk yagatikhe.