1 SAMUEL 2:25 - Allah Wene Fano Wene Hupla Inane

²⁵ Afuni nen it afuniat weak hilingisogo fisogoin halok he, Allah nen it werekwe asimbik elok telinabigin o. A'nogo meneat he, Allah weak hilingisogo fogoin halok he, sa nen elok telninabigin anggegep? Mondok elo'lego nagainafuri,” iluk komorinafikhe. A'nogo komorinafikhe meneat he, At Tuhan nen it inoasigiluk arat anggasikhesi'mo nogo nen he, ineisena nen komorinafikhe mene andi inendawimo seramet fesukwasik herakfisasukwa.

1 SAMUEL 2:25 ပူးပေါင်းရင်းမြစ်များ

KEJADIAN 38:10

A'nogo hilingitu aple nen he Tuhan anini agaikhesik Tuhan nen at a'nogo ogo watfesikheat.

KEJADIAN 38:7

A'nogo hilingitikhemo nen at Er obabut mondok weak hilingik aple nen Tuhan nen anini oba fesikhesik ebe wat fesikhe.

1RAJA-RAJA 8:31

At ekhe nen, it ekhe weak hilinginafemo iluk wene oba fuluk, ebe waluk wagunem, wam yi mene ti mene Hat faget nolheti logogun oba obuluk hawi wuri'mo werek yiba wagunem, aren he, An weak ekhe hilingiti'lek, iluk Hat henu hombuk paluagaluk wagunem,

1RAJA-RAJA 8:32

hamingmingengge mene wene andi pilingitunem Hat hebe pogoroba logolik inane hesanggo holfuluk he, wene andi tegeti logoino o, neisena. A'nogo tegeti logolik, it ekhe weak hilingisugun higithogoat wene inoba fikhi logolik, it ekhe weak hilingiti'lek mene halok he, wene inoba koti logoino o, neisena.

2 TAWARIKH 10:15

It afuni holhu inaben kino ikhi lagaukwa mene a'nogo hol figi'legengge obakhenigik herak fisikhi lagaikhe. Oba nen he Tuhan Allah endawimo anggugu mene higithogo hilingiti lagaikhe. A'nogo andi re At Tuhan nen hun Nebat amlogo Yerobeam andiba, yi'nogo hilinglasigin isikhemo at nabi Ahia o Silo mene a'nogo nen isikhe mene higit asuageluk hilingiti lagaikhe andi.

2 TAWARIKH 25:16

At Amazia nen ikhi logolik he, ”Hat he raja komotu mene logoinogoluk hobagogo re fuk! Hane lek ame. Nen hat hane igin halok he niren hebe hoasuogeluk welago,” iluk yagatikhe. A'nogo yagatikhemo re at nabi a'nogo ane lek agaikheba nen he oan ane lek agi'lek logolik he mel yagatikhe, ”An nen komothafi mene andi hol fegen leksik hun haren hobabut hilingiten mene andiba re At Allah nen hat hebe weaget hobagagiluk fik-foukhogo hilingfikhesik werek andi,” iluk yagatikhe.

AYUB 9:33

Oba nen he, at hilingi'luk an hilingi'luk tulem andem he ap unggum pilingi'luk wene tegetu mene ekhe, hat weak hilingiten, hat fano hilingiten iluk yaganisa mene ekhe werek lek.

MAZMUR 51:16

Neisena Allah telnafendek mene, an nendawimo nagaiyek hikhi logolik, haren higithogo hilingiti lagen wene andi, an nen yagaisilik laga logoigen he, noati'lek heraknobagain o.

AMSAL 13:1

Yenggerugwi inungguloak kagalek mene re, ineisugwi nen yi mene ti mene faget komorinafunem futfuluk, inendawimo furogo wanharek. Nen, it ekhe wene komorinafunem inendawimo seramet fuluk hilingitarek mene re inendawimo wanu inabiren herakfisagarek.

AMSAL 15:10

Ap weak mene nek hilingirik lagaikharek mene andi re enggin-fenggin inoba fagain, ap komorinafunem inabit anggagarek mene andoma re hobuk wa'lasugun.

AMSAL 29:1

Ap ekhe hundik komotu werek kwelek oba nen ap ane sagalhu mondok werek halok, misik sambul ekhe alperelogo foumo, hobuk obabut hebelasigin mondok lek.

PENGKHOTBAH 3:3

nen, at ebe o ti sambul wasuak, nen, ti sambul ebe oba ou mene fano asuak, anggigik, nen, o ti sambul o meisalhik, ti sambul wutik uwak iluk, Aren anggikherek oba nek hilinglagarek.

BILANGAN 15:30

Oba nen he afuni Israel mene misigen he a, nen ap pok mene misigen he a, inelu logoligen weak hilingitu halok he, aren he Tuhan sebelogo fagain. Andi nen he unggum he wene oba fembik ebe pinggi wasugun,

ULANGAN 1:17

Wene tegeti logolik afuni inebe mondogat inoba higithogo nek inawene ayo wurogo tegeti logoino, nen it ekhe fikhit engginhogo hilingfisikhi logolik, it ekhe fikhit serogo hilinginfisa fuk. Nen ap andi sa iluk elokhe penesu fugat, we hiren wene fanorogo ayo wurogo tegesugun mene andi re Allah nen yagahisikhi logogin enggere, hiren ap misik iluk ekhe hinailoti logou fuk. Nen wene andi ambi hiren tegetu aple enggin agu halok he, an nen ayo wurogo tegesuageluk noba waluk waga logogun.

ULANGAN 2:30

A'nogo lakfesigiba nen he, Tuhan Allah nen ap a'nogo endawinggen omamet fesikhemo Raja Sihon mene a'nogo nen at aiba kweang kwe loak anggasikhe lek. Andiba nen nit nina'mage lagasikhe a'nogoba at omame leget fesugusik kweang he huli yogondak oba nen nit sebelek welago ari.

1 TIMOTIUS 2:5

Allah ebe misigaro. Nen, Allah ninom nit afuni ninom hulisanem logolik lambulninabi'logo mene ap ebe Yesus Kristus andi misigaro.

IBRANI 10:26

Ebe wene Allah ane yaganisasukwa mene ninelu logoligat he, nineranenat wene andi sagalogo herakfisaluk weak mondogat hilingiti logogun halok he, nit hobuk ninanggo Allah faget waresumo ho'ninabigin mondok legaro.

IBRANI 10:27

Allah a'mage lagambik o wurep oba wene inoba figik, kotik, igin andiba, at inom weak mene halok inebe endu aik oba inoati logolik, nit at ane herakfisaluk weak hilingiti logogun halok, ninomat ninoasinogo iluk, niren futfuluk ninailorogoat logouwogo.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

YOSUA 11:20

Tuhan nen he afuni andoma it Israel mene inom weim yabuageluk inendawinggen omamet fisasikhe. Andi re wene melalogo Musa yagatikhe mene higithogo it inebe inendawirinafi'legengge mondok leget fisoageluk hilingfisasikhe.

1 SAMUEL 3:14

A'nogo herakfisili'lago andi nen, An nen wene yi'nogo hombuk palogo mondok tekhogo igi. At Eli againafuri nen weak hokhorogo hilingiri'lagwi mene andi faget inanggo warogo nolnesugun halok ogo, at he, yi mene ti mene ekhe wo'nesugun halok ogo, sagalogo legetfisagain mondok lego, iluk hombuk palogo igi o,” iluk yagatikhe.