1 SAMUEL 2:24 - Allah Wene Fano Wene Hupla Inane

²⁴ Nineisena Tuhan againafuri nen hit hilingiti lagep mene hinabok tindeli'lagwi andi re mondogat weago. Halok he, hit hinobabut mondok weak hilingiti lagep a'nogo hobuk ekhe hilingiti logogubo, nagainafuri.

1 SAMUEL 2:24 ပူးပေါင်းရင်းမြစ်များ

1RAJA-RAJA 15:26

At eisena nen amlogo ebe raja menlagi'lek were'ma hilingiti lagaikhe hakhogo re aren Tuhan elokhoma weak hilingiti lagaikhe. A'nogo hilingiti lagaikhe andiba re afuni Israel mene nen he Tuhan apne wanhi'lek he iren inom weak hilingiti lagaukwa.

1RAJA-RAJA 15:30

At Yerobeam en weak hilingiti lagaikhe andiba re afuni Israel mene ogo weak enek hilingiti lagaukwa. A'nogo hilingiti lagaukwa andiba at Yerobeam en he afuni Israel mene ineisena Tuhan Allah apne wanhu mene a'nogo a'mage kwelafi lagaukwa.

KELUARAN 32:21

A'nogo hilingitikhesik, Harun mel yagatikhe: ”It afuni yi ninggi'nogo hilingitu nen, haren it weak hokhorog o hilingisuageluk herakfisegen ma,” iluk yagatikhe.

MALEAKHI 2:8

Oba nen yogondak he, hit imam Lewi hinap a'nogo re, eberogo wene a'nogoba nen taganhogo wulibi lagep. Hiren wene yagaisikhi lagep mene andiba nen he, afuni hokhorogo weak hilingitarek meneba lisogo fisa laga lagep. Hiren An ninom wene watugu mene a'nogo weaget fikhi lagep andi.

MATIUS 18:7

It afuni kweangma mene yoma, it ekhe nen an obokhogo heraknobagauwageluk inendawimo kagalumo mondok weak asugun andi nen, nendawilage. An obokhogo heraknobagauwageluk inendawimo kagalhi logogun meneat he, it inendawimo kagalugun mene andi, Allah nen mondok weagerinabigin werego.

KISAH PARA RASUL 6:3

Halok, hiren he, ap ekhe Allah Areagun inendawimo peterek logolik, inendawinggen mondok kagalek hilingitunem, inobabut enegat isikhi lagep mene halok, inebe 7 nen heraginabini o. Heraginafep halok, iren yi mene ti mene a'nogo sumburisikhi logouwageluk, niren menfisogoin o.

2 KORINTUS 6:8

It ekhe nen fogetninafik, ninabok fano igik, ugu kwelek, it ekhe nen wena'nisigik, ninabok weak palhik, ili'lagwi. Wene eberogoat yagaisugu kwelek meneat he, ”Ineranen lalninabi'lagwi,” iluk wena'nisili'lagwiat.

1 TIMOTIUS 3:7

Nen, ap Allah againafuri kwelaginarek logogun mene andi, it afuni endakwe mene nen abok weak pali'lagwi mene menfogoin halok, at ebe inendawimo sebelfuluk ineilenggen inabithogo kwelakhigik, paik hele fugunem ke'nok ikherek hak, Iblis nen endawimo kagalimbik ebe fakfigik inogo iluk, abok fano ili'lagwi mene halok menfogoino.

2 PETRUS 2:18

Afuni ekhe inerugwi inagaila'lak weagat hilingitu kwelek he, herakfisaluk wulibi wesuogeluk ugunem, inendawinggen en nunggunem hobuk weak hilingisuageluk, it ap andi inonggwarek fogerakhikhi logolik we ineranen tulemat inendawimo kagalhi logogun.

3 YOHANES 1:12

A'nogo meneat he, at Demetrius faget enek he, afuni mondogaren inom, at Allah eberogoat mene nek ikherek a'nogo nen inom, an nen inom, ”At fano hilingiri'logo,” iluk abok fano ogorek. At abok ogorek andi, eberogoat fano ogorek andi hit hineluo.

WAHYU 2:20

A'nogo meneat he, at he Izebel a'nogo nen eranenat, An nebe Allah ane yagaisigirek mene aro, iluk afuni an namingmingengge mene inebe hokhorogoat pailak fakfisikhi logouwageluk yagaisigik, wam tugwi anggo warek mene kurik ninggi logouwageluk yagaisigik, ugu kwelek, hiren he, wenageti'lek, At oba lombok, iluk, herakfikhi lagep andi nek he, It weak hilingiri'lagwi, iluk hinobabut palhi lagi o.

1 SAMUEL 2:17

A'nogo hilingitunem, ap Eli amlogomi inebe pire aremnogo nen he wam Tuhan faget warogo nolesi waga lagaukwa mene omanogo iren inendawimo seramet fuluk he, Tuhan eilhanem weak hokhorogoat hilingiti lagaukwa.

1 SAMUEL 2:22

A'nogo alue agu kwelek, at Eli ebe mondok yaman agaikhesik were'ma, againafuri nen afuni Israel mene mondok wiik-weakhogo hilingisogo fisugunem, inabok holhi lagaikhe. Nen ekhe re, hemi o Tuhan awi At ebe weinam asi wagarek oba ebekhalem andoma kagalek logolik Allah eabu hilingiti lagaukwa mene inom nogo ikhi lagaukwa mene inabok holhikheat.

1 SAMUEL 2:23

A'nogo hilingiti lagaukwa andi nen againafuri mel yagaisasikhe: ”Hit hinobabut mondok weak hilingiti lagep mene andi afuni Israel mene mondogaren an arat yaganesi wagunem nesanggo holhi lagi o. Hit hinobabut mondok weak hilingiti lagep andi nenahalok nogo?