1 SAMUEL 2:11 - Allah Wene Fano Wene Hupla Inane

¹¹ A'nogo fogeratikhesik he, at Elkana againafuri inom o Rama inambotkwe lagaukwa. A'nogo meneat he, omalik Samuel a'nogo o Silo andoma herakfuluk lagaukwama, ap Eli Allah eisewerek mene a'nogo nen fisogo werek kwelek nineisena Tuhan faget hilingiti lagaikhe.

1 SAMUEL 2:11 ပူးပေါင်းရင်းမြစ်များ

1 SAMUEL 1:1

Ap misik ekhe enu re Elkana welagaikhe, nen at ebe unggulenu Efraim mene, awi re o Efraim tom oba o kota Rama andoma welagaikhe, hun Elkana ebe re ap Yeroham amlogo, hun Elihu omba, arigini'mo re at andi re it ap Tohu inap it Suf mene andi nen akhogo tagomangge mene welagaikhe.

1 SAMUEL 1:19

A'nogo naluk nogo isukwasik, at Elkana againafuri inom ohealegat siakhogo ineluk agaukwasik, nineisena Tuhan fogera'luk inambotkwe o Rama lagaukwa. Lagaukwasik, at Elkana agwe Hana emberek nogo isukwama, Hana nen Tuhan oba kino yagatikhe mene a'nogo ane esanggo holhikhesik wogetikhe.

1 SAMUEL 2:18

It a'nogo hilingitu kwelek, at Samuel ebe oan yenggeregat logolik, nineisena Tuhan faget hilingitu welagaikhe. A'nogo hilingiti logolik, asu pisarek yo linen meneba kwago mene ap imam Allah faget hilingisuogeluk labetarek higithogoat laberogo hilingiti lagaikhe.

1 SAMUEL 3:1

A'nogo hilinglarik lagu kwelek he, at Samuel ebe yenggerek engge hun Eli a'ma logolik, Tuhan obaget hilingiti lagaikhe. Andem oba re, At Tuhan nen yi'nogo hilinglasigin enggere ebe yi'nogo hilingi'no iluk aneba yagaisugu mene inom, inabikhanggoba yagaisugu mene inom he mondogat lek welagaikhe.

1 SAMUEL 3:15

A'nogo yagatikhemo, at Samuel hobuk nogo isikhesik, o wei isikhemo eluk agaikhesik he, Tuhan awi wuri'mo a'nogo kwe mondogat hurik lagaikhe. A'nogo hurik lagaikhe meneat he, wene esanggo holhikhe mene omanogo ap Eli yagasu ailo agaikhemo re, kamo isikhe.

1 SAMUEL 7:17

A'nogo hilingiti la'luk ambotkwe aiba o Rama waga lagaikhe. Andoma logolik, aren afuni Israel mene yi wene ti wene inoba were'ma pilingisogo legetfikhi logolik, wam Tuhan faget warogo noleti logogun oba obalik Mezba ekhe wutikheat.