1 SAMUEL 2:1 - Allah Wene Fano Wene Hupla Inane

¹ At Hana nen Allah fogerati logolik, samban oba mel isikhe: ”Neisena Tuhan nen fanotnafenma nendawimo nagaiyek hikhi lagi o. Haren hilingitendek mene andi re, nendawimo nagaiyek anggigirek mene nek hilingiti lagen o. Hat neisena Allah nen lebetnafenma, nendawimo nagaiyek oba it naselei mene nen inane asegen wo'nabi'lagwi mene omanogo re, an nen ogo pilibinafi logogin aro.

1 SAMUEL 2:1 ပူးပေါင်းရင်းမြစ်များ

2 TAWARIKH 20:27

A'nogo hilingitukwasik he, it inaselei mene omanogo Tuhan en mondogat inomame leget fisasikhemo re at Yosafat a'nogo nen it tentara omanogo abirengge woginarek he inagaiyegerik o Yerusalem wagaukwa.

AYUB 16:15

An nalong legaphogo nobagaikhemo re, nendawimo heiselhu nen pelagi figirik fong warugu logolik he, su pukhogo wul oba hurek welagi.

MAZMUR 118:14

At Tuhan andi re an nomamet nobagagunem, fogeratirek mene werek. Arenat an nebe telogo nobagasikhe.

MAZMUR 13:5

It naselei mene nen ikhi logolik, niren omame leget fogo, iluk yaganetik, nen an nalo-halo ugunem iren endo ya'nafik, uageluk herak nobagagun o, neisena.

MAZMUR 148:14

Aren he againafuri inunggulenu At onggwaregen mene omanogo inoba inomamet fesikhemo re, andiba At againafuri Israel endawi hundik mene a'nogo nen At obaget fogeratu mondok logouwak. Tuhan fogerasuok!

MAZMUR 18:2

Tuhan neisena, Hat hebere an nomamet nafu mene welagenma re, Hat hoba nendawi hundik welagi o.

MAZMUR 20:5

We Aren enek yi mene ti mene hat hendawimo hamolo mene andoma wokheti logouwak, nen haren hilingitu mene faget iluk abok wilafi lagen mene andoma ambisangma mondok fano mene nek aga logouwageluk hilinghobagakhi logouwak.

MAZMUR 21:2

Tuhan neisena, Harenat raja omamet fikhi lagen andi nen he at agaiyegeri'lago, Haren At alonget fikhi lagen andiba re at mondok foget fakhili'lago.

MAZMUR 35:9

Oba nen an he, neisena Tuhan faget nagaiyegeti logogin, Aren nagap telnafunem he an nendawimo nen nagaiyek anggikhi lagi.

MAZMUR 51:15

A'nogo hilingnabumo an nen he, it weak hilingiri'lagwi mene andi inafe hebelasimbik inambotkwe hoba wesuagaluk, wene haren yaganisasigin mene andi fakhogo yagaisagain o.

MAZMUR 71:8

An nen he hundik-handik Harenek fogethafu welagi o, nen lingge inukhogo re Hat hebe hanggiluk welagen mene a'nogo fogethafi lagi o.

MAZMUR 75:10

Oba nen an enek he At Yakub eisena Allah a'nogo faget enek fageti logogin. Nen At obaget wuni fogoratarek awuni iginafu mondok logogin.

MAZMUR 89:17

Haren higithogo nek hilingfisikhi lagen andi nen he, iren lingge inukhogo inabolo'lek logolik, wuniba Henu seralhu mondok welagaikharek.

MAZMUR 89:18

Hat hobabut fano andiba nit ninomame agorek, nit ninomame asuagaluk Homame mondok hokho mene a'nogo wo'nisegendek.

MAZMUR 89:24

At aselei mene re inebe mondogat An nen wulil tagalogo leget fisagain. Nen at oba inapsiri wat fisili'lagwi mene andoma re An nen it inebe inoasigin.

MAZMUR 9:14

Tuhan neisena! it afuni an naselei mene nen noba ou pourogo nek hilingnabi'lagwi mene andoma heilenggen nean o, An hendawi nealuk wa'lagaikharek meneba andoma nen fagaisogo wulak nobagaime o.

MAZMUR 92:10

Tuhan neisena, it Hat haselei mene andi re inebe felelenghogo leget fisigik, it afuni inanini weak mene mondogat telfol isigik igin mene andi re, nit mondogaren he ninelu welago.

KELUARAN 15:1

Afuni Israel mene inomen Allah fogerasuogeluk he, Musa nen wuni yi'nogo isikhe: ”Tuhan nineisena homame fogethafarek mene a'nogoba, Arat mabenetfisegen andi nen, An hat faget wuni wasigin o, Afuni Mesir mene mondogat inanggo kuda oba lagagasik wagaikha omanogo, Mondogat i yenggelek a'nogo ima lakfisegen.

KELUARAN 15:21

Wuni wati logolik, at Miryam en wuni anggup yi'nogo isikhe: ”Nineisena Henupogot homame fogethafarek mene a'nogoba, arat mabenetfisegen andi nen, hat faget wuni wasuok. Afuni Mesir mene mondogat inanggo kuda oba lagagasik wagaikha omanogo, mondogat i yenggelek a'nogoba pelaginafen o,” iluk wuni watukwa.

HABAKUK 3:1

At Habakuk Allah ane yagaisikhi lagaikhe mene a'nogo nen Allah ayonggo fesikhe mene re yi:

HABAKUK 3:18

an telnaferek mene re neisena Tuhan Allah werego, iluk, nendawimo nagaiyek hikhi logolik wuniba Allah fogerati logogin.

LUKAS 1:69

Telninabuageluk he, at amingmingengge Daud en tagongge mene omame werek mene menfikhemo werek yi.

ROMA 5:11

Mene re, andi nek fuk. Ninoe Enupogot Yesus Kristus hilingitikhe andiba, Allah ninom hobuk ninambotkwe hunogo ninobagasikhemo ninom fano welago andi nen he, ninendawimo ninagaiyek hikhi lago.

ULANGAN 33:17

Yusuf he, wam sapi ai mene omame hokho mene hangge asuak. Wam sapi ai mene enggama mene andimuk ungguloa'ma werek andi hangge ap Manasye mene esa re, mondok hokhorogo ribuan hilinglasuak. Nen, ap Efraim mene esa re, mondok hokhorogoat puluhan ribu hilinglasuak. Wam sapi ai mene andimuk ungguloa'ma taunghogo inoaterek andi hak, at Yusuf en tagomangge mene ap esa hokhorogo andi nen, afuni ekhe inunggulenu hokhorogoat mene warogo o yi awi ti awi huli pogot ero-ero a'lima lakfisikhi logouwago,” iluk yagatikhe.

FILIPI 3:3

Nit he, ninagap ninenggalimo mene arat palek logou hak, ebe meneat hilingiti lago. Allah Areagun en ninendawimo kagalhu kwelek, Allah ebe fogeratik, Kristus Yesus ninom hundik welago, iluk, fogerakhigik, ikhi logolik he, yi wene ti wene ninagap endakwe yi faget hilingitorek andiba fanotninabigin iluk anggikhi lago lek.

FILIPI 4:4

Halok he, nerugwi nagaila'lak. Hit ninoe Enupogot hinom hundik logolik, hundik-handigat hinendawimo hinagaiyegetu mondok logoino o. Hobuk nane hebekhogo yagahisagat. Hinendawimo hinagaiyegetu logoino o.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

1 PETRUS 1:8

Hiren attagat, at ebe hineilenggen higi'lek meneat he, ebe hinendawi welagep andi. A'nogo logolik, yogondak ya hineilenggen higi'lek meneat he, hinendawimo nen, ”Hobuk fano mondok hilingninabigin,” iluk hinaneba ninggi'nogo pilingisogo u heat logolik, hinendawimo hinagaiyek hokhorogo hikhi lagep andi.

WAHYU 18:20

A'nogo ugu kwelek, at ekhe nen he, it Allah againafuri mene mel yagaisikhe: ”Allah nen he, hit hinunggulmo it o Babel mene wene inoba fuluk weagerinafe andi nen he, hit pogoroba mene mondogat hinendawimo hinagaiyegetik, hit Yesus nen hinayonggo fikhesik lakhinobagasikhe mene inom, hit at ane yagaisikhi lagep mene inom, hit Allah againafuri ekhe inom mondogat hinendawimo hinagaiyege'ni o,” iluk ugunem holhi.

1 SAMUEL 1:6

A'nogo werek kwelek, At nineisena Tuhan nen at Hana omalik wogetikhe lek andi nen, ege Penina nen ane asegen waganogo wenagetu mondok were'ma, endawinggen warugu mondok welagaikhe.

1 SAMUEL 1:7

A'nogo hilingiti lagaukwa andi re, yi tahun ti tahun nineisena Tuhan awi wuri'mo we'luk, he Penina nen ege Hana enggali warogo wene nek wenagetu were'ma re, aren an a'nogo hilingnobagakhi logolik sebelogo nobagali'lago oma re nabiragi, iluk sumburu ninggi'lek le nek agu mondok welagaikhe.