1 SAMUEL 19:8 - Allah Wene Fano Wene Hupla Inane

⁸ A'nogo hilingitu were'ma ap Filistin mene nen inoasuogeluk weim hobuk eroratukwama, at Daud en it inoba wulifikhesik, inebe mondogat mabenet fisasikhemo re heise helalagaukwa.

1 SAMUEL 19:8 ပူးပေါင်းရင်းမြစ်များ

1RAJA-RAJA 20:21

Nen, at raja Ahab ogore, weim yafunem inom kwisukwasik he kereta weim yafu mene inom, kuda nen li'luk lagarek mene omanogo inom wolelenggenhogo fesikhe. A'nogo hilingitikhemo andi sambul he, it ap Siria (Aram) mene omanogo inebikhit he mabenet fisasukwa.

MAZMUR 27:3

Afuni esa hokhorogo nen noasuogoluk leget wo'nabugun mene re, nendawimo nailo lekhogo logogin o. Naweim abok imbik, noasuogoluk ugun mene re, telnabigin iluk, hoba himbirik logogin o.

1 SAMUEL 18:14

Nen, at Daud nineisena Tuhan nen lebethugu kwelek nogo nen he, yi aple ti aple hilingitunem, fano nek aga lagaikhe.

1 SAMUEL 18:30

A'nogo werek kwelek, ap Filistin mene nen, ap Israel mene inoasuogeluk hup ebe lombok wagunem, at Saul agoromi tentara mene ekhe nen inebe endebat hangge inoati lagaukwa meneat he, at Daud enek he, inebe mondok hokhorogo inoati lagaikhe. A'nogo inoatunem Daud enu hokho arik laga lagaikhe.

1 SAMUEL 19:7

A'nogo palhikhemo, at Yonatan nen Daud wolosi lagaikhesik, wene Saul emberek isukwa mene andi mondogat yagatikhe. A'nogo yagatikhesik he, Daud ebe waluk Saul oba wagaikhemo, at Daud Saul faget attak hilingiti lagaikhe hagat hilingiti lagaikhe.

1 SAMUEL 19:9

A'nogo helalagaukwama, inenggi ekhe sambul he, at Saul arige enggimoat fisogo aiba hurek were'ma, aremnogoat nineisena Tuhan nen munggwarengge obabut weak mene ayonggo fesikhesik oba lakfei wagaikhe. A'nogo lakfei wagaikhe andi sambul he, at Daud ambinggong watu welagaikhe.

1 SAMUEL 23:5

A'nogo yagatikhemo re, at Daud inom agoromi inom o Kehila lagaukwasik o a'nogo pin kwikhi logolik he, afuni Filistin mene hokhorogo inoatukwasik it inanggo takhagarek mene mondogat telasukwa. At Daud en it afuni o kota Kehila mene a'nogo telogo fisasikhe andi.