1 SAMUEL 19:7 - Allah Wene Fano Wene Hupla Inane

⁷ A'nogo palhikhemo, at Yonatan nen Daud wolosi lagaikhesik, wene Saul emberek isukwa mene andi mondogat yagatikhe. A'nogo yagatikhesik he, Daud ebe waluk Saul oba wagaikhemo, at Daud Saul faget attak hilingiti lagaikhe hagat hilingiti lagaikhe.

1 SAMUEL 19:7 ပူးပေါင်းရင်းမြစ်များ

KEJADIAN 31:2

nen, ekhe at Laban nen hasikhe re at Yakub a'nogo attak obabut sakhorek oba hilingiti lagaikhe hakhogo hulingitu le'ma futfesikhe.

1 TAWARIKH 11:2

O attak at Saul en nit fetninarek logolik melalninafunem aremnogo nenat, it Israel inap weim yabi logoin iluk hilingitunem he ninoe hun hokho harenat it sikhe fisogo inap omanogo woginarek kwikhi lagagin anggigi. Nen, andi nen At Tuhan nen wene watheti logolik ogore, ’Hat he An nagainafuri inobaget inoe raja logolik melalinafi logoinogen menhobagagin o,’ iluk abok yagahetikheat anggigi, iluk yagasi lagaukwa.

KELUARAN 4:10

A'nogo yagatikhe meneat he, at Musa nen he, ”Eige, Neisena. An he, o attak huli nen yogondak huli nane higithogo igirek le'ma re, hobuk haren yaganesumo nen nane higithogo u elo'lego. An nane mondok ebet-ebet logolik abiweak hilingi'mo re nambe enggin o,” iluk yagatikhe.

YESAYA 30:33

O attagenat raja Asyur mene ebe noligin oba re foukhogo fesikhemo werek. Obalik andi re eil uanhogo ma'limaba hilingi'mo elonggo wogole'ma re noligin mene eilem warogo liagaisogo fikhemo werek. Tuhan nen At onggwarek set meneba futhamo re i eil mep mene enu belerang meneba fisagaisogo kwelakfoumo re amulok kulunghogo uan-horok lagagin.

1 SAMUEL 16:21

A'nogo wogotikhemo, at Daud Saul oba wagaikhesik he, amingmingengge hilinglagaikhe. A'nogo hilinglagaikhemo, at Saul en Daud endawinggen hundik logolik, asikhe waluk nikhi logouwagaluk wenagaisogo fesikhemo waluk nikhi lagaikhe.

1 SAMUEL 18:10

A'nogo abiret fesikhesik ohealekwe re, at Saul sige enggim fisogo aiba were'ma aremnogoat, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, afuni lugu-lugwi palik mene nen hilingisu hak hilingitikhe. Andem oba re, at Daud ebe pinggong wati lagaikhe hak watunem,

1 SAMUEL 18:13

A'nogo ailo agaikhesik, Daud ap tentara inebe 1.000 mene inoe logouwagaluk, o Saul aiba andoma herakfuluk ale'ma lakfesikhe. A'nogo lakfesikhemo, it ap Israel mene weim yabi louwogeluk he, at Daud en agoromi tentara omanogo woginarek laga lagaikhe.

1 SAMUEL 19:6

A'nogo yagatikhemo, at Yonatan nen isikhe mene a'nogo Saul en futfesikhesik he, ”An nen Daud ebe wasigin mondok lego,” iluk Tuhan enu hombuk palhikhe.

1 SAMUEL 19:8

A'nogo hilingitu were'ma ap Filistin mene nen inoasuogeluk weim hobuk eroratukwama, at Daud en it inoba wulifikhesik, inebe mondogat mabenet fisasikhemo re heise helalagaukwa.