1 SAMUEL 19:6 - Allah Wene Fano Wene Hupla Inane

⁶ A'nogo yagatikhemo, at Yonatan nen isikhe mene a'nogo Saul en futfesikhesik he, ”An nen Daud ebe wasigin mondok lego,” iluk Tuhan enu hombuk palhikhe.

1 SAMUEL 19:6 ပူးပေါင်းရင်းမြစ်များ

MAZMUR 15:4

afuni Allah nen abit isikherek mene, inendawimo seramet fisagarek mene inom, A'nogo meneat he, afuni Allah inailorogo hilingitarek mene inom, agaugwerinafarek mene inom, ”Ti mene wokhesigin,” iluk Allah enu hombuk palogo wene warisagarek mene inom, ”Nit mene alomat laga,” iluk anggigi'lek, ebe tiphogo nek hilingitarek mene inom.

AMSAL 31:8

It ap inonggwaregen inili hela elo'lek mene andoma inili woginafi logoino. It ap hilingisu mondogat elo'lek mene andoma inangge halinafi logoino.

YEREMIA 5:2

Iren ikhi logolik nit he Tuhan obaget apne wanhi lago iluk ili'lagwi, oba nen iren a'nogo hilingiti logoligen he fuk.

1 SAMUEL 14:39

A'nogo heratunem, ap ekhe nen a, athe an namlogo Yonatan ebe nen a, weak hilingitemo halok, ebe mondok wasuageluk, nineisena Tuhan Eluk Mondok welagarek mene nen telninafe mene a'nogo enu hombuk palogo yagahisigi o,” iluk yagaisasikhe meneat he, inebe mondogat inailo nen onggo ekhe isukwa mondok lek.

1 SAMUEL 19:5

Aren he, nebe noasigin andi nailo, iluk anggigi'legat, Goliat Filistin mene a'nogo ebe watikhe andiba nen Tuhan nen nit afuni Israel mene hokhorogo ninomame asuageluk hilingninobagaikhemo ninomame ago andi. Wene a'nogo hilinglagaikhe andi hat heilhanem hilinglagaikhemo hasigindik hendawimo hagaiyek hokho mene agaikhe anggigi. A'nogo meneat he, neisena, at Daud weak ekhe hilingiti'le'maat, haren weak hilingisogo ebe wasigiluk ikhi lagen andi nenahalok,” iluk yagatikhe.

1 SAMUEL 19:7

A'nogo palhikhemo, at Yonatan nen Daud wolosi lagaikhesik, wene Saul emberek isukwa mene andi mondogat yagatikhe. A'nogo yagatikhesik he, Daud ebe waluk Saul oba wagaikhemo, at Daud Saul faget attak hilingiti lagaikhe hagat hilingiti lagaikhe.

1 SAMUEL 28:10

A'nogo yagatikhemo, at Saul en he, ”Tuhan eluk welagarek mene oak. Haren a'nogo igin andiba wene hoba fogoin mondok lego, iluk hombuk palogo wene watheti o,” iluk yagatikhe.