1 SAMUEL 19:23 - Allah Wene Fano Wene Hupla Inane

²³ A'nogo yagatukwama, pikhit o Nayot lagunem, Allah Areagun endawimo peterogo kwisikhemo re, ebekhalem o Nayot kwe andoma laga logolik, ane ngai-wai igik, wuni lagik-wagik watik, hilingirik lagaikhe.

1 SAMUEL 19:23 ပူးပေါင်းရင်းမြစ်များ

AMSAL 16:9

Afuni nen he hilingisugun mene faget ebet-ebet hilingitarek, oba nen, it hilingirik logoin kwere At Tuhan nen enek sikhiphogo ikherek.

AMSAL 21:1

I lagarek mene Tuhan endawimo anggikherek higithogo laga logouwageluk halogo fikherek hak, at raja endawimo wenggelherek mene hilingisuageluk ogo Tuhan nenat halogo fikherek.

BILANGAN 23:5

A'nogo yagatikhemo, Tuhan nen he Bileam oba wene ninggi'nogo uageluk yaganesigin mene aremnogo yagati logolik, at ebe ambotkwe sugulogo Balak ambit lambik Tuhan nen wene ikhe mene yi'nogo iluk yagasi lano,” iluk yagatikhe.

BILANGAN 24:2

afuni Israel mene inunggulenu lombok inawi sili su meneba wurik were'ma yerisasikhe. A'nogo yerisugunem he, Allah Areagun oba louk i wagaikhemo,

MATIUS 7:22

O wurep oba hilinglasigin andi sambul he, afuni hokhorogo noba wesimbik yi'nogo yaganesugun: Ninoe. Nit he, hat henubaat wene fano wene yagaisigik, munggwarengge obabut weak mene afuni inendawimo kuluk were'ma henegeisogo wulakfisigik, hilingisu lek mene elalin mene hokhorogoat hilingitik, hilingirik nikhi lago omanogo lek nogo? iluk ugun meneat he,

YOHANES 11:51

at endawimo nen kagalogo isikhe fuk. We, at ebe ap Allah eisewerek mene inoe kain tahun misik andiba were'ma, Allah nen endawimo kagalhikhemo re, mel isikhe: ”Nit afuni Yahudi mene faget Yesus ebe wa'lasigin,” mene faget isikhe andi.

1 KORINTUS 13:2

Nen, Allah ane fano mondok yagaisigik, wene afuni inendawimo hinago welagarek mene andi mondogat nelu agik, yi wene ti wene ekhe mondogat neluat welagik, nendawinggen Allahba mondok himbiret fuluk he, tom ekhe obali'mo nen sanokhogo ekhema loageluk yagasigin elok welagik, ikhi logolik meneat he, afuni ekhe inebe nendawirogo logogin lek halok he, we tulemat ikhi logogin o.

1 SAMUEL 10:10

A'nogo hilinglagaikhe andi, at Saul amingmingengge a'nogo emberek o Gibea wagaukwa hak he, it ap Allah ane yagaisagarek mene esa logalek a'nogo inom ambi agaukwa. A'nogo ambi agunem, Allah Areagun at Saul endawimo peterogo kwisikhesik, it ap Allah ane yagaisagarek mene inom inane ami'mit suphogo wuni lagik-wagik watukwa.

1 SAMUEL 10:12

A'nogo isukwama, ap misik ekhe andem welagaikhe mene nen heinok wogisikhi logolik he, ”Ap nabi andoma re ningginik mene? Nen hiren anggikhi logolik he it andi ineisena re sa anggegep? Iren kogalek wene ikhi logolik, at Saul ogore nabi nogo a? iluk isukwa a'nogo ero re andiba.

1 SAMUEL 10:6

A'nogo ambi asimbik andi sambul, nineisena Tuhan Areagun hat hendawimo peterogo kugunem he, hat he it inanggele'ma kwimbik hinom ami'mit sup igik, wuni lagik-wagik watik, igin o. A'nogo hilingitunem he, hat hobabut ket mene hilingisogo hobagaumo hunogoat hilinglasigin a'naga o.

1 SAMUEL 18:10

A'nogo abiret fesikhesik ohealekwe re, at Saul sige enggim fisogo aiba were'ma aremnogoat, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, afuni lugu-lugwi palik mene nen hilingisu hak hilingitikhe. Andem oba re, at Daud ebe pinggong wati lagaikhe hak watunem,

1 SAMUEL 19:18

At Daud heise a'nogo wulifikhesik, pikhit Samuel oba o Rama lagaikhesik he, Saul en Daud wasigiluk hilingiti lagaikhe mene omanogo mondogat tindelogo yagatikhe. A'nogo yagatikhesik, Samuel emberek o Nayot lagaukwasik andoma welagaukwa.

1 SAMUEL 19:20

A'nogo yagatukwa andi nen, Saul en agoromi ekhe inayonggo fesikhesik, Daud fakfei loagaluk lakfisasikhe. A'nogo lakfisasikhemo lagaukwa meneat he, andoma ap Allah ane yagaisagarek mene esa ekhe logalek at Samuel en woginarek waga logolik, inane ambineat ami'mit sup ikhi logolik, wuni lagik-wagik watunem isasukwa. A'nogo isasukwasik aremnogoat he, it inendawimo Allah Areagun peterogo kwisikhemo re, inane ami'mit suphogo wuni lagik-wagik watukwaat.

1 SAMUEL 19:22

A'nogo nek hilinglagaikhemo, hobuk at Saul ebe o Rama lagaikhe. Laga logolik, o Sekhu i mogo hokho mene habuli'mo andoma asi lagaikhesik he, afuni andoma mene mel yagaisasikhe: ”Samuel Daud emberek inebe o koma werek,” iluk inoba heinok wanhikhemo, iren he, ”O Nayot werego,” iluk yagatukwa.