1 SAMUEL 19:20 - Allah Wene Fano Wene Hupla Inane

²⁰ A'nogo yagatukwa andi nen, Saul en agoromi ekhe inayonggo fesikhesik, Daud fakfei loagaluk lakfisasikhe. A'nogo lakfisasikhemo lagaukwa meneat he, andoma ap Allah ane yagaisagarek mene esa ekhe logalek at Samuel en woginarek waga logolik, inane ambineat ami'mit sup ikhi logolik, wuni lagik-wagik watunem isasukwa. A'nogo isasukwasik aremnogoat he, it inendawimo Allah Areagun peterogo kwisikhemo re, inane ami'mit suphogo wuni lagik-wagik watukwaat.

1 SAMUEL 19:20 ပူးပေါင်းရင်းမြစ်များ

YOEL 2:28

A'nogo yagaisasikhesik ekhe mel isikhe: ”A'nogo hilinglasimbik oba nen An nawi andi wei ugunem he, Nareagun hokhorogo afuni mondogat inoba pelagisa wesigin o. A'nogo pelagisa wesumo re inagainafuri ap inom, helime yenggerugwi inom, inomen an nane yagaisikhi logogun. Nen, inaluendek hinanggelekwe logogun mene andoma inabi higik, ap souge inom, helime silerik inom inabikanggoba yagaisigik, ikhi logogun aro.

BILANGAN 24:2

afuni Israel mene inunggulenu lombok inawi sili su meneba wurik were'ma yerisasikhe. A'nogo yerisugunem he, Allah Areagun oba louk i wagaikhemo,

YOHANES 7:32

A'nogo ikhi logolik, it afuni hokhorogo omanogo inane samik-samok Yesus abok ugunem it ap Farisi mene inesanggo holhukwa. Holukwasik it ap Allah eisewerek inogogwi kaindek inomen, ap Allah awi wurik kwalogo welagaikharek mene ekhe Yesus ebe fakfouwageluk wene warisasukwa.

1 KORINTUS 14:3

A'nogo meneat he, at sa nen Allah ane afuniat fakhogo yagaisugunem he, inendawinggen ago watik, komorinafik, inendawinggen sebelhik, ikherek andi.

1 SAMUEL 10:10

A'nogo hilinglagaikhe andi, at Saul amingmingengge a'nogo emberek o Gibea wagaukwa hak he, it ap Allah ane yagaisagarek mene esa logalek a'nogo inom ambi agaukwa. A'nogo ambi agunem, Allah Areagun at Saul endawimo peterogo kwisikhesik, it ap Allah ane yagaisagarek mene inom inane ami'mit suphogo wuni lagik-wagik watukwa.

1 SAMUEL 19:11

A'nogo lagaikhemo, andi sambul hubanggoat at Saul en, agoromi nen Daud ineil wanhi logombik ohealek hubet halok ebe wasuagaluk he, inayonggo fesikhesik, Daud aiba lakfisasikhe. A'nogo meneat he, it andi oan lagi'lek werek kwelek, Daud agwe Mikhal en he, mel yagatikhe: ”Hat hebe o hubanggo yiat heise wulibigin lek halok he, hobit hubet hebe mondok hoasugun o,” iluk yagatikhe.

1 SAMUEL 19:14

A'nogo fesikhesik were'ma, at Daud ebe fakfembik waluk wesuagaluk Saul en agoromi lakfisasikhe mene omanogo lagaukwama re, at he Mikhal en mel yagaisasikhe: ”Daud ebe oba ou agasik werego,” iluk yagaisasikhe.

1 SAMUEL 19:19

A'nogo lagaikhe meneat he, afuni ekhe nen Saul yagati logolik, ”Daud o Nayot o Rama horokhogo a'lima werego,” iluk yagatukwa.

1 SAMUEL 19:21

A'nogo hilingitukwama afuni nen he, ”It a'nogo hilingita,” iluk Saul yagasi wagaukwama, ap hobuk ekhe inayonggo fesikhesik lakfisasikhemo lagaukwa meneat he, it lagaukwasik inane ami'mit suphogo wuni lagik wagik watukwaat. At Saul en enggi pireba ap a'nogo inayonggo fesikhesik lakfisasikhe mene re, a'nogo nek hilingitukwama, hobuk ekhe henaganek mene inayonggo fesikhesik lakfisasikhe mene re, it inoba a'nogoat hilinglagaikhe.