1 SAMUEL 19:10 - Allah Wene Fano Wene Hupla Inane

¹⁰ A'nogo watu ebe o hobat oba higit were'ma, at Saul en sige a'nogoba tunghogo wasigiluk tungethasikhe meneat he, Daud ebe ale'ma pokhogo lagaikhemo re, sige o hobat oba hun fesikhe. A'nogo hilingitikhemo, at Daud onggwarek agap telogo heise lagaikhe.

1 SAMUEL 19:10 ပူးပေါင်းရင်းမြစ်များ

MAZMUR 124:7

Nit ninebe sue hele fili'mo nen ke'nok uluk were'ma fikhalharek andi hak, nit ninebe a'nogoat fikhalogo ninobagasiginmo welago. Hele andi tekhogo telninafiginmo welago.

MAZMUR 18:17

At ebe legoma po'lima nen enggi pelakfei we'luk he, an nebe fagaisogo wo'naferek. I fu lagarek mene agumo nen heiselogo wo'naferek.

MAZMUR 34:19

Tuhan he, it ekhe inendawenggen eak a'luk, inendawimo mondok weakhogo welagaikharek mene andi, inera'lu we'luk inebe telinaferek.

MAZMUR 37:32

Afuni inobabut weak hilingitarek mene andi nen it afuni higithogo hilingitarek mene andi inoasuogoluk ineil woginabik nikharek.

AMSAL 1:16

It he weak hilingiti'legengge yamukhogo logou re inabit. Iren anggagarek he weak-weak ferekhogo nek inoa'lo anggagarek.

AMSAL 21:30

Inelu agarek mene inom, inungguloak kagalek mene inom, inobabut hebelek mene inom, andoma re Tuhan inom eilhogo logogun halok he andoma ekhe logogin mondok lek.

YESAYA 54:17

Oba nen he sikhe andoma mondogat hat hoatu mene faget wusugun meneba nen ambisangma yalok ikhi logogin lek. Nen, wene katokhogo tegetarek aiba nen hoba hikhip heogoin mene re haren an weak hilingiti lek iluk fakhogo nek ikhi logogin. An namingmingengge mene re inomame aga logolik welagaikharek mene onggo wogisagain o,” iluk Tuhan nen a'nogo ikhe, isikhe.

HOSEA 6:4

Oba nen he Tuhan nen ikhi logolik, ”Hit afuni Israel mene inom, Yehuda mene inom, hinobaget he An nen ninggi'nogo mene hilinghinabigin nogo? Hiren An hinendawitnafi lagep andi re, o hubet werek kwelegat ohena inom, lilengge inom, weak-weagat lek agarek andi hak legari'lago.

MATIUS 10:23

O sili ekhe nen weaget hinabuogeluk ugu halok he, heise o sili ekhe lano. It afuni Israel mene inawi sili fena oan wene yagaisigi'lek werek kwelegat he, an abat ta'lasi wagagi a'nogo hobuk wesigin o, iluk, nane eberogoat yagahisigi.

LUKAS 4:30

A'nogo isukwa meneat he, at Yesus it omanogo herakfisaluk inanggele'ma nen siakhogo lagaikhe.

YOHANES 10:39

iren he, at Yesus ebe fakfouwogeluk isukwa meneat he, inenggi nen hap waregengge lagaikhe.

IBRANI 11:34

endu amulok inailo mene nagulogo figik, karok oba inoasu mene inonggwaregen inebe teligik, inomame lek meneat he, inomame agik, weim yafi logolik inomame arik he, inom weak mene esa hokhorogoat mugisigik,

1 SAMUEL 18:10

A'nogo abiret fesikhesik ohealekwe re, at Saul sige enggim fisogo aiba were'ma aremnogoat, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, afuni lugu-lugwi palik mene nen hilingisu hak hilingitikhe. Andem oba re, at Daud ebe pinggong wati lagaikhe hak watunem,

1 SAMUEL 18:11

Saul endawimo nen he, ”Daud ebe sige yiba o hobat inom hun fagain,” iluk anggasikhesik he, at Saul arige a'nogo enggi pireba woukhogo lakfesikhe mene re Daud en fanorogo ogal fesikhe.

1 SAMUEL 19:6

A'nogo yagatikhemo, at Yonatan nen isikhe mene a'nogo Saul en futfesikhesik he, ”An nen Daud ebe wasigin mondok lego,” iluk Tuhan enu hombuk palhikhe.

1 SAMUEL 20:33

A'nogo yagatunem Saul esanggo holhikhesik he, Yonatan wasigiluk sige tungethasikhe. A'nogo hilingitikhe andiba nen at Yonatan endawimo nen he, ”Daud ebe eberogo wasigilugat ili'lago higi,” iluk arat futfesikhe.