1 SAMUEL 18:8 - Allah Wene Fano Wene Hupla Inane

⁸ Wuni a'nogo watunem, at Saul esanggo holhikhesik endawimo nen he, ”Iren he Daud en ap inebe perpuluh-puluh ribu inoate meneat he, Saul enek he, inebe beribu-ribu hangge inoate, iluk anggagasigen wuni a'nogo wata he a? Halok he, inenggi welagi'legat, at Daud it inoe raja logouwageluk menfogoin higi,” iluk a'mage hokho mene lagasikhe.

1 SAMUEL 18:8 ပူးပေါင်းရင်းမြစ်များ

KEJADIAN 37:11

A'nogo yagatikhemo, it Yusuf ogogwi nen he, wene palogo inabit mondok fesukwa meneat he, eisena nek he, ”Abi andi ebe ninggi'nogo hilinglasigin mene faget hikhe,” iluk endawimo ebetu mondok welagaikhe.

KEJADIAN 37:8

A'nogo yagaisasikhemo, iren he, ”Hat hendawimo nen he, nit ninoe kain henupogot asimbik, fetninarek logogin anggegendigen yaganisegen a?” iluk enggali warogo wenagetukwa. Wenagetukwa andi re, at abi hasikhe mene, yagaisasikhe andi nen, it mondok ebenagaik aroba inabiret fesukwa andi.

1RAJA-RAJA 2:22

Andi isikhemo at Salomo nen ikhi logolik he, ”Wene andi faget he nenahalok nagaisa haren an noba ikhi lagen? Andi re an nen raja logolik hurek welagiba yi at oba wogosu hak ikhi lagen. Nen, at andi re an noe lek nogo. Nen, ekhe at imam Abyatar inom Yoab inom ogore at ebikhit werek omanogo ri!” iluk isikhe.

ESTER 3:5

A'nogo yagasi lagaukwama re, at Mordekhai nen at Haman oba a'ma sebe uluk legeisogo figi'lek hilingiti lagaikhe mene a'nogo elu agaikhesik he Haman mondok a'mage lagasikhe.

AMSAL 13:10

Wonoget fakhagarek andiba re, ambisangma wene hangge nek hilinglagarek, ap higithogo hilingitarek mene andi wene komorinafunem inendawinggenma fanorogo helagarek.

AMSAL 27:4

Wene wenagisagarek mene andi re inanini agunem weagarogo fisagarek, oba nen it ekhe fanore'ma isaluk ina'makwe het-pet agarek mene andi nek he sa nen sebelu hak nogo?

PENGKHOTBAH 4:4

An nen ekhe nelu mene re yi: It afuni nen yabu inomamerogo wanharek andi re it inom siok erarek mene andoma ineabu ambisangma weregen ina'ma weagen hilingitarek. Andi re we sogoi murok lagaikharek hak alomarogo hilingitarek.

BILANGAN 11:1

Inenggi ekhe sambul he, afuni Israel mene inoba enggin-fenggin hikhi lagaukwa mene omanogo faget he, ”Yigini'mo logou ninabire,” iluk Tuhan oba limamit falhukwa. A'nogo falhukwama esanggo holhikhesik he, a'mage hokhorogo lagasikhesik, endu inoba lakfei wagaikhe. A'nogo lakfei wagaikhemo, inanggele'ma amulok kulung-kalanghogo ninggi logolik, it inawi tenda wurik omanogo abel fenakwe felelenghogo nasikhe.

BILANGAN 22:34

A'nogo yagatikhemo, at Bileam en he, ”Noe. Haren an nanggwe paligiluk palhu kwelek meneat he, an nonggothogo re weagat hilingiti o, noe. Yogondak haren lagain legat anggegen halok, an sugulogo naiba nambotkwe lagain o,” iluk yagatikhe.

YAKOBUS 4:5

Endamat Allah ane ekhe lisu palogo fikhi logolik, mel isukwa: ”Hemi inendawirogo logolik, elele waganek mondok welagaikharek andi hak, Allah nen Areagun ninendawimo ninobagasikhemo ninebe endawirogo logolik, elele waganogo fetninarek welagarek,” iluk lisu palogo fesukwa andi, hit hinendawimo nen he, ”We, tulemat isukwa,” iluk anggikhi lageba? Tulemat isukwa lego.

1 SAMUEL 13:14

Meneat he, At nineisena Tuhan nen yagaheti'lek mene hilingiten andi nen he, hat hebe raja logolik afuni ferinarek logogin mondok lego. We At nineisena Tuhan endawimo nen he, ap hunogo mene ekhe an nagainafuri inoe raja logouwageluk anggikhe mene arat wenagaisogo fikhemo werego,” iluk yagatikhe.

1 SAMUEL 15:28

A'nogo tilibisikhemo re, at Samuel en Saul mel yagatikhe: ”O yogondak yiat, At nineisena Tuhan nen afuni inunggulenu Israel mene haren ferinarek welagen mene a'nogo nasu lit hegenma tilibikhe andi hak, lisogo wanhesik, hobuk ap ekhe hat hobabut weak andi hangge re lek, athe obabut mondok fano mene arat wogetemo o.

1 SAMUEL 16:13

A'nogo yagatikhemo, at Samuel en amusu a'nogo wanhikhesik he, Daud unggul oba warogo ogogwi ineilhanem menfesikhe. A'nogo menfugu kwelek aremnogoat, Allah Areagun Daud endawimo peterogo kwisikhe, kwisikhemo huli andiba nen Daud ebe eluk werek kwelek nineisena Tuhan Areagun endawimo mondok welagaikhe. A'nogo hilingi'luk, at Samuel aiba o Rama ambotkwe wagaikhe.

1 SAMUEL 18:9

A'nogo anggasikhesik, andi huli nen he, Daud oba a'mage fesikhesik ebe abiret fesikhe.

1 SAMUEL 19:1

At Saul en he, ”An Daud wasigiluk ikhi lagi,” iluk weim abok amlogo Yonatan inom, agoromi mondogat inom yagaisasikhe. A'nogo meneat he, Yonatan nen at Daud ebe endawinggen hundik mondok welagaikhe,

1 SAMUEL 20:31

At ebe eluk werek kwelek, hat hebe afuni o yoma faget inoe raja asigin mondok lek andi futfikhi lagen lega? At ebe an nen mondok wasigin andi nen he, afuni ekhe at heragaisogo waluk wesuageluk weak-weak lakfisan o,” iluk yagatikhe.