1 SAMUEL 18:7 - Allah Wene Fano Wene Hupla Inane

⁷ A'nogo wati logolik yi'nogo isukwa: At Saul en ninaselei mene beribu-ribu nek inoate, oba nen he, at Daud en enek he, perpuluh-puluh ribu nen inoate,” iluk ilik wulibi waga lagaukwa.

1 SAMUEL 18:7 ပူးပေါင်းရင်းမြစ်များ

2 SAMUEL 18:3

A'nogo yagaisasikhe meneat he, it agoromi nen he, mel yagatukwa: ”Iren hat hebeat herakhabik nikho andi nen he, Ninom louwok, iluk ugun o, noe. Iren he, nit mu'nisikhi logolik heise pugulogo wulakninobagagun he a? At he, ninebe ekhe minggilogo ninoasugun he a. Nit a'nogo hilingninabimbik, it inendawinggen yamuk ugun mondok elo'lego. It inendawimo nen anggikhi logolik he, Daud agoromi inebe 10.000 mene inoasumo andi elo'lek. At he, at ebe esin mene andi wasimbik enek he, fano, iluk anggili'lagwi andi nen he, hat hebe o kota yoma logolik lebetnisikhi logogin o,” iluk yagatukwa.

2 SAMUEL 23:1

At Yakub eisena Allah nen ap Isai amlogo Daud ebe kain enupogot logouwagaluk menfesihkesik he, ebe ap hokho enuwerek mene logouwageluk hilingisogo fesikhe. Nen, at Daud enat he wuni afuni Israel mene faget felalogo wati lagaikhe. Nen at Daud ane elugun oba isikhe re yi'nogo:

2 SAMUEL 6:5

A'nogo wagunem, at Daud ebe inom, afuni Israel mene mondogat inom, Peti a'nogo elokhoma attagat waga logolik, wuni nineisena Tuhan fogerasuogoluk, yi pinggong ti pinggong gitar hokho mene inom, gitar endep mene inom, inenggi nen watarek mene iwak hangge mene inom, ane lelo'lelogengge watarek mene ebe mage mene inom, piring hangge hokho mene inom, wati logolik wuni inomamerogo warik wagaukwa.

KELUARAN 15:21

Wuni wati logolik, at Miryam en wuni anggup yi'nogo isikhe: ”Nineisena Henupogot homame fogethafarek mene a'nogoba, arat mabenetfisegen andi nen, hat faget wuni wasuok. Afuni Mesir mene mondogat inanggo kuda oba lagagasik wagaikha omanogo, mondogat i yenggelek a'nogoba pelaginafen o,” iluk wuni watukwa.

1 SAMUEL 21:11

Lagaikhemo, it hun Akhis agoromi pegawai omanogo nen yagati logolik he, ”Hun yi re, Daud aiba logolik raja mendek werek agun a'nogo lek nogo a? Hun ari faget he, it helime nen wuni wulagaisogo warik laga logolik he yi'nogo ikhi lagaukwa, At Saul en he ap inebe we beribu-ribu nek inoate, oba nen he, Daud en he, berpuluh-puluh ribu inoate, iluk awuni felalogo ikhi lagaukwa agun a'nogo lek nogo a?” iluk yagatukwa.

1 SAMUEL 21:12

A'nogo yagatunem at Daud en esanggo holhikhesik he, inane a'nogo isukwa mene a'nogo faget at Daud en endawimo ebetikhi logolik he, at raja Akhis mene a'nogoba ailo hokho mene agaikhe.

1 SAMUEL 29:5

At ari re Daud nogo a? Hun ari faget attak helime nen wuni wulagaisogo kelem lagik-wagik ikhi logolik he yi'nogo ikhi lagaikha a'nogo, At Saul en he aselei mene re we beribu-ribu nen enek inoate, Oba nen he at Daud en he berpuluh-puluh ribu nen inoate, iluk ikhi lagaukwa omanogo re lek nogo a?” iluk yagatukwa.