1 SAMUEL 18:6 - Allah Wene Fano Wene Hupla Inane

⁶ At Daud en Goliat Filistin agun a'nogo ebe arat watikhesik ap tentara mene inebe esa logalogo inom o kota wesuogeluk wagunem he, hemi o afuni Israel mene inawi kota mondogaren kain raja Saul elokhoma wulifi logolik, inendawimo inagaiyek hokhorogo wuni watik, yi pinggong ti pinggong watik, ikhi logolik, wuni lagik-wagik watukwa.

1 SAMUEL 18:6 ပူးပေါင်းရင်းမြစ်များ

2 SAMUEL 1:20

It afuni Gat mene re wene andi inesanggo holinogo o, It afuni Askelon mene kwe endepkwe esanggokwe werek mene andoma Wene andi faget ineluet feinogo, Hemi Filistin mene inesanggo holimbik he, wonoget fakhanogo o. Allah ane inonggot mene nen, inanggiluk kwelagaisogo inagaiyek esinogo o.

2 SAMUEL 6:5

A'nogo wagunem, at Daud ebe inom, afuni Israel mene mondogat inom, Peti a'nogo elokhoma attagat waga logolik, wuni nineisena Tuhan fogerasuogoluk, yi pinggong ti pinggong gitar hokho mene inom, gitar endep mene inom, inenggi nen watarek mene iwak hangge mene inom, ane lelo'lelogengge watarek mene ebe mage mene inom, piring hangge hokho mene inom, wati logolik wuni inomamerogo warik wagaukwa.

MAZMUR 149:3

Mulugeti logolik At enu fogera'ni, hiren no kecapi inom, rebana inom oba fogera'ni!

MAZMUR 68:11

A'nogo hilingfesiginmo, it Hat againafuri inebe andoma kwi lagaukwasik welagaukwa. Neisena Allah Haren fano hilingninafi lagen a'nogoba, afuni inenggi lek mene re Haren halinafi logolik welagen.

MAZMUR 68:25

Neisena Allah, Hat hebe mondogat homame agagindik maset hugunem andi ineil heasukwa, an neisena Allah, Raja an melalnaferek mene a'nogo At ebe were'ma andoma fei laga logolik, esa uluk pambialhogo waluk laga lagaukwa.

KELUARAN 15:20

A'nogo sebelinafikhemo, at he Miryam Harun oe ebe Allah ane yagaisikhi lagaikhe mene nen angge e anggwe folelek mene fothugunem ane ikherek mene wanhikhemo, hemi ekhe mondogat inangge e anggwe folelek mene wanhukwasik fothikhi logolik, inom wuni lagik-wagik watukwa.

KELUARAN 15:21

Wuni wati logolik, at Miryam en wuni anggup yi'nogo isikhe: ”Nineisena Henupogot homame fogethafarek mene a'nogoba, arat mabenetfisegen andi nen, hat faget wuni wasuok. Afuni Mesir mene mondogat inanggo kuda oba lagagasik wagaikha omanogo, mondogat i yenggelek a'nogoba pelaginafen o,” iluk wuni watukwa.

YESAYA 30:32

It a'nogo hilingfisamo enggin-fenggin hugu werek kwelek, it Tuhan againafuri mene omanogo re waruk gendang ane tololangetik, kecapi ane kongetik, ikhi logolik inagaiyegeti logogun. At Allah amu nenat afuni Asyur mene inom weim yabigin.

HAKIM–HAKIM 11:34

A'nogo hilinglagaikhemo at Yefta a'nogo sugulogo o Mizpa wagunemen he, at a'logo silerik mene hele andi re we misik masik enek engge a'nogo eisena elokhoma no rebana kwengerik abunugerik waga lagaikhe.

1 SAMUEL 18:5

A'nogo wogotikhemo, at Saul en he, Daud ekhe aple ekhe aple hilingisuagaluk enggiba fesikhe mene mondogat fanorogo nek hilingiti lagaikhe. A'nogo hilingiti lagaikhe andi nen, at Saul en he, tentara mene inoe perwira at Daud logouwagaluk menfesikhe. A'nogo menfesikhemo agoromi tentara mene mondogaren inom, amingmingengge nen inom, at Daud ebe inendawi hundik mondok welagaukwa.