1 SAMUEL 18:5 - Allah Wene Fano Wene Hupla Inane

⁵ A'nogo wogotikhemo, at Saul en he, Daud ekhe aple ekhe aple hilingisuagaluk enggiba fesikhe mene mondogat fanorogo nek hilingiti lagaikhe. A'nogo hilingiti lagaikhe andi nen, at Saul en he, tentara mene inoe perwira at Daud logouwagaluk menfesikhe. A'nogo menfesikhemo agoromi tentara mene mondogaren inom, amingmingengge nen inom, at Daud ebe inendawi hundik mondok welagaukwa.

1 SAMUEL 18:5 ပူးပေါင်းရင်းမြစ်များ

KEJADIAN 39:23

A'nogo fesikhemo, Tuhan Allah nen Yusuf serogo logolik lebethugunem, yabu hilingitunem he, higit enek hilinglaga lagaikhe andi nen, ap hele warek ferinarek welagaukwa mene inoe a'nogo nen, ”Yusuf, yi'nogo hilingisin, ti'nogo hilingisin,” iluk yagati'lek endawinggen yamukhogo welagaikhe.

2 SAMUEL 5:10

Nen at Daud eisena Tuhan Allah Omame Mondok Hokho mene a'nogo nen elok lebethikhi lagaikhe andiba re, omame ekhe inomat hokho arik laga lagaikhe.

2 SAMUEL 5:2

Nen, o attak he, at Saul ebe nit ninoe raja logolik, fetninarek werek kwelek, hat ogore, ap tentara Israel mene weim yabuogoluk ugunem, haren woginarek weim yabi laga lagagin anggigi. Nen, nineisena Tuhan nen ogore, wene mel wathetikhe anggigi: Hat hebe an nagainafuri inoe raja asimbik ferinarek logoino o, iluk wene wathetikheat anggigi,” iluk yagatukwa.

2 TAWARIKH 17:3

At Yosafat andi re eisena Daud nen hilingiti lagaikhe hakhogo hilingiti logolik tugwi kembu fogerati'lek, Allah obaget enek hilingitik, it ap Israel mene inogogwi raja logolik,

MAZMUR 1:3

It andi inebe re, e awi i elesimo yakfugunem, engga sawet agi'lek, ket mondok logolik enggen itu sambul itu mondok welagarek hak, iren yi mene ti mene faget hilingitunem he higithogo nek hilinglagarego.

MAZMUR 101:2

An he nebeba weaget fakhigik legengge ogal fakhaluk werek mene andi faget futfikhi lagi o, Hat he ki sambul an nambit wesigin nogo? An he nailoba andoma nebe enogo fakhaluk logogin namolo.

MATIUS 10:16

A'nogo yagaisasikhesik he, ekhe mel yagaisasikhe: ”An nen, hit hinobabut wam domba obabut hangge mene, it afuni inobabut mene olo mene obabut weak andi hangge mene inanggele'ma heakhogo lakhinobagagin andi re, hinobabut kisu obabut hibil-hebelhogo hilingiterek andi hak hilingitik, sue pel obabut enago welagarek andi hak welagik, ikhi logoino.

KISAH PARA RASUL 7:10

A'nogo telho were'ma, ap kain Firaun o Mesir mene inoe enupogot a'nogo nen he, ”Ap yi obabut fano. Endawinggen mondok kagalek,” iluk ebe oba liok isikhesik, mel yagatikhe: O Mesir yoma inom, an nawi inom, nagainafuri inom, haren ferinarek logolik, an mene yi mene ti mene yoma mondogat hat henggiba logoinok, iluk ebe gubernur logouwageluk menfesikhe.

EFESUS 5:17

Hinendawinggen mum logogubo. We, nineisena Tuhan endawimo amolo anggikherek mene ero andiat herakhaluk higithogo hilingiti logoino.

KOLOSE 4:5

It afuni Allah ane inonggot mene faget he, hit hinendawimo mondok kagalek logolik: ”Nit Allah againafuri hilingisugun mene fanoasuak yabaat hilingiti logouwok,” iluk andi meneat hilingiti logoino o.

1 SAMUEL 13:2

aren he, ap Israel mene inebe 3.000 nen wenagaisogo fisasikhesik he, inebe 2.000 at inom o Mikhmas daerah Betel tom oba andoma kamo isukwasik welagaukwa. A'nogo werek kwelek, ap inebe 1.000 nek he, amlogo Yonatan inom afuni Benyamin mene inaiba o Gibea lakfisasikhe. A'nogo hilingitikhesik, inebe fena minggilogo re inailokwe lombok loageluk sugulogo lakfisasikhe.

1 SAMUEL 14:52

At Saul ebe eluk logolik, ap Filistin mene inom weim mondok aniniweak yafi lagaikhe. A'nogo yafi lagaikhe andi nen, ap ekhe ailo lek omame hokho logolik weim yafu halok he, at Saul en eil fene-fene at agoromi tentara mene asuageluk weak-weak woginafi lagaikhe.

1 SAMUEL 18:16

A'nogo meneat he, Daud en melalinafu were'ma re along aple it faget hilingiri'lago iluk he, it afuni Israel mene nen inom, Yehuda mene nen inom, Daud inendawi mondok welagaukwa.

1 SAMUEL 18:30

A'nogo werek kwelek, ap Filistin mene nen, ap Israel mene inoasuogeluk hup ebe lombok wagunem, at Saul agoromi tentara mene ekhe nen inebe endebat hangge inoati lagaukwa meneat he, at Daud enek he, inebe mondok hokhorogo inoati lagaikhe. A'nogo inoatunem Daud enu hokho arik laga lagaikhe.

1 SAMUEL 18:4

Hombuk a'nogo palogo yagatikhesik, at Yonatan asu sogoi su mene nonggologo Daud wogetikhesik, weim yabigiluk waluk lagarek mene su inom, karok inom, sikhe inom, obakhe hele pugetu mene inomat, wogotikhe.

1 SAMUEL 18:6

At Daud en Goliat Filistin agun a'nogo ebe arat watikhesik ap tentara mene inebe esa logalogo inom o kota wesuogeluk wagunem he, hemi o afuni Israel mene inawi kota mondogaren kain raja Saul elokhoma wulifi logolik, inendawimo inagaiyek hokhorogo wuni watik, yi pinggong ti pinggong watik, ikhi logolik, wuni lagik-wagik watukwa.

1 SAMUEL 3:19

A'nogo yagatikhesik oba nen, at Samuel ebe mondok alue aga lagaikhe. A'nogo alue agu kwelek, At nineisena Tuhan fisogo mondok logolik, at Samuel en wene ugu mene mondogat eberogoat mene nek hilinglaga logouwagaluk hilingfikhi lagaikhe.