1 SAMUEL 18:25 - Allah Wene Fano Wene Hupla Inane

²⁵ A'nogo yagasi wagaukwama, at Saul en it hobuk Daud mel yagasi loagaluk lakfisasikheat: ”At kain raja nen he, na'logo onggo wo'nesu hak he, an naselei mene Filistin mene inebe 100 nen inoasimbik, inagap inenggalimo mene palogo wo'nesi wesugun andiat namolo o, iluk ikhe iluk yagasi lano,” iluk lakfisasikhe. (A'nogo isikhe andi, at Daud ebe ap Filistin mene nen wasuageluk isikhe andi.)

1 SAMUEL 18:25 ပူးပေါင်းရင်းမြစ်များ

KEJADIAN 29:18

Were'ma re, at Yakub endawimo nen he, hele Rahel amolo anggasikhesik he, Laban mel yagatikhe: ”Nami, ha'logo Rahel an heak wo'nesigin halok he, an hat heabu 7 tahun hilingiti logogin o,” iluk yagatikhe.

KEJADIAN 34:12

Nen, hiren hele ari onggore ti mene ninamolo iluk katokhogo yagane'ni o, nen an he nendawimo ebeti aple andi faget, hiren ogo hele andi helan ugun halok he, nit he onggo yi huli ninamolo ugun mene ogore wokhisagain enek,” iluk yagaisasikhe.

2 SAMUEL 3:14

A'nogo lakfesikhesik at Daud en nekhengge at Isyboset oba ane lakfikhi logolik he, yi'nogo ikhe iluk lakfesikheat, ”Noe, an nagwe Mikhal andi re an nen ap Filistin mene inebe 100 nen inoati mene inagap inenggalimo meneba onggo palasigi mene hilingi'mo re nonggwarek noba lakfei wesigin fano o,” iluk wene warogo lakfesikheat.

YOSUA 5:3

A'nogo yagatikhemo, at Yosua nen Tuhan nen yagatikhe higithogoat weim helebenggen pilibuk mene enggat magaisogo fesukwa mene omanogoba ap Israel mene inagap inenggalimo mene palinafikhesik he, o andoma enu, ’Punu ninagap ninenggalimo mene palninafukwaba,’ u hak Bukit Sunat, iluk salhukwa.

1 SAMUEL 14:24

At Saul en he, ”An naselei mene wene na mage inoba figi mene inebe inoati'lek oan logolik, ap sa nen sumburu yi mene ti mene ekhe nagain halok, Allah nen homan fouwago,” iluk Allah enuba hombuk palhikhemo nogo nen he, ap Israel mene nen ap Filistin mene muginarek lagaukwa andi sambul, lingge inukhogo sumburu yi mene ti mene nele nen inomame mondok lek agaikhe.

1 SAMUEL 17:26

A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.

1 SAMUEL 18:17

A'nogo welagaukwa andi nen, at Saul endawimo nen he, ”Daud an nen wasigin he fuk, athe ap Filistin mene nen weim yafi logolik wasuak,” iluk weim abok endawimo welagaikhe. A'nogo welagaikhe andi nen inenggi ekhe sambul at Saul en he Daud oba yi'nogo yagatikhe: ”Haren weim Tuhan faget yabigiluk hambong siserek welagen aple a'nogo re ekhe inom inukhagain halok he, An na'logo manggusa mene hele enu Merab he hat wokhesigin o,” iluk yagatikhe.

1 SAMUEL 18:24

At Daud en a'nogo isikhe mene andi, iren at kain Saul yagasi wagaukwa.

1 SAMUEL 19:1

At Saul en he, ”An Daud wasigiluk ikhi lagi,” iluk weim abok amlogo Yonatan inom, agoromi mondogat inom yagaisasikhe. A'nogo meneat he, Yonatan nen at Daud ebe endawinggen hundik mondok welagaikhe,