1 SAMUEL 18:23 - Allah Wene Fano Wene Hupla Inane

²³ Iren a'nogo yagatukwa meneat he, at Daud en mel yagaisasikhe: ”Hit hinendawimo nen he ap inoe raja ina'logomi woginapluk ineamalugwi agu aple andi re serek anggegeba? An yi re nangge yi mene ti mene nelagaik welagimo re, elo'lego.” iluk yagaisasikhe.

1 SAMUEL 18:23 ပူးပေါင်းရင်းမြစ်များ

KEJADIAN 29:20

A'nogo yagatikhemo, at Yakub hele Rahel amolo nen yabu 7 tahun hilingitikhe meneat he, endawimo nen he, ”Nenggi we endebat hilingisu hak hilingiti,” anggasikhe.

KEJADIAN 34:12

Nen, hiren hele ari onggore ti mene ninamolo iluk katokhogo yagane'ni o, nen an he nendawimo ebeti aple andi faget, hiren ogo hele andi helan ugun halok he, nit he onggo yi huli ninamolo ugun mene ogore wokhisagain enek,” iluk yagaisasikhe.

MAZMUR 119:141

An yi re we yenggerugwi higit logolik sebelek welagi, oba nen he wene Haren yaganeti lagen mene andi re ekhe taganet fikhi lagi mondok lek.

AMSAL 14:20

Ap inenggi lek mene re inagaila'lagen ogo inagaiyek inoba fagarek lek, oba nen he ap inenggiwerek mene halok enek he inagaila'lak hokhorogo werek.

AMSAL 29:5

Ap ekhe nen agaila'lak ekhe legeisogo fisagain iluk agaugwerasigin, oba nen he, at onggwaregen yebet fakhagain.

1 YOHANES 3:1

At Allah nen he, ”It yi an nagainafuri,” iluk ta'ninafikhemo eberogoat nit ninebe at againafuri welago. A'nogo welagorek andi nen, ninebe at endawi mondok welagarek andi hani! A'nogo meneat he, it afuni kweangma mene inobabut inetok mene omanogo nen Allah ebe inonggot andi nen he, nit ninebe inonggoraro.

1 SAMUEL 18:18

A'nogo yagatikhemo, Daud en he, mel yagatikhe: ”An nen hat ha'logo wanimbik, nebe noe kain raja neamal asigin andi, an hamingmingengge yi nebe inom, neisena hagarinafuri ekhe inom, it afuni Israel mene inanggele'ma welagorek andi, ninebe esin mene anggegen a? Elo'lego,” iluk yagatikhe.

1 SAMUEL 18:22

A'nogo yagatikhesik, at Saul agoromi nen wene hinagaisogo Daud yagasuageluk oba lakfisasikhemo, lagaukwasik mel yagatukwa: ”At Saul ebe inom, agoromi mondogaren inom, hat hebe inendawi werego. Yogondak haren a'logo wanigin obaat wanigin o. Andi nen he, eberogoat wanino o,” iluk yagatukwa.

1 SAMUEL 18:24

At Daud en a'nogo isikhe mene andi, iren at kain Saul yagasi wagaukwa.

1 SAMUEL 9:21

A'nogo yagatikhemo, at Saul en he, ”Noe. An yi re nunggulenu Benyamin mene, it Israel meneba inunggulenu werek mene omanogo nen an enek he nunggulenu endep mene, nen an neisok erokwe mene ogore nit ninunggulenu andiba nen he mondok elo'lek mene. Ariginik oba nen he nenahalok neisena haren an noba a'nogo yaganeti lagen?” iluk yagatikhe.