1 SAMUEL 18:14 - Allah Wene Fano Wene Hupla Inane

¹⁴ Nen, at Daud nineisena Tuhan nen lebethugu kwelek nogo nen he, yi aple ti aple hilingitunem, fano nek aga lagaikhe.

1 SAMUEL 18:14 ပူးပေါင်းရင်းမြစ်များ

KEJADIAN 39:23

A'nogo fesikhemo, Tuhan Allah nen Yusuf serogo logolik lebethugunem, yabu hilingitunem he, higit enek hilinglaga lagaikhe andi nen, ap hele warek ferinarek welagaukwa mene inoe a'nogo nen, ”Yusuf, yi'nogo hilingisin, ti'nogo hilingisin,” iluk yagati'lek endawinggen yamukhogo welagaikhe.

2 SAMUEL 5:10

Nen at Daud eisena Tuhan Allah Omame Mondok Hokho mene a'nogo nen elok lebethikhi lagaikhe andiba re, omame ekhe inomat hokho arik laga lagaikhe.

2 RAJA-RAJA 18:7

Andiba re Tuhan en hundik-hundik lebethugunem he aren hunddik-hundik hilingitu mene omanogo ambisangma re fano nek aga lagaikhe. Aren he, ap raja Asyur mene andi a'ma logogun nabit iluk at ane hologo hilingiti lagaikhe lek.

1 TAWARIKH 18:13

A'nogo inoatikhesik he it sikhe fisogo mene inawi tenda wuthigik o Edom oba omanogo fisilik lagaikhe. A'nogo hilingitikhemo re afuni omanogo at Daud a'ma sebe isukwa. At Daud en ekhe kwe ekhe kwe weim yabi lagunem Tuhan nen omamet fugu nek welagaikhe.

1 TAWARIKH 18:6

A'nogo hilingitikhesik he aren it agoromi sikhe fisogo mene it ap inoatukwa mene omanogo inawi wilayah ba omanogo tenda wurogo fisasikhemo re, it ap omanogo re Daud agoromi ina'ma sebeluk logolik, onggo o kweang yi mene ti mene Daud oba fei waga lagaukwa. pajak at Daud en yi kwe ti kwe weim yabi lagunem he Tuhan nen at oba omamet fugu nek welagaikhe.

2 TAWARIKH 17:3

At Yosafat andi re eisena Daud nen hilingiti lagaikhe hakhogo hilingiti logolik tugwi kembu fogerati'lek, Allah obaget enek hilingitik, it ap Israel mene inogogwi raja logolik,

MAZMUR 101:2

An he nebeba weaget fakhigik legengge ogal fakhaluk werek mene andi faget futfikhi lagi o, Hat he ki sambul an nambit wesigin nogo? An he nailoba andoma nebe enogo fakhaluk logogin namolo.

MATIUS 1:23

At andi nen he: ”Hele silerik ekhe omalik a'ma asimbik he, eak abat takhagain o. Ta'laga halok he, nit ninaneba, Allah ninom welago, u hak, enu Imanuel ikhi logogun,” iluk lisu palogo fesikhe mene higithogoat hilinglagaikhe andi.

YOSUA 6:27

At Yosua nineisena Tuhan nen serogo mondok were'ma, abok fano mondok o yi awi ti awi laga lagaikhe.

1 SAMUEL 10:7

A'nogo mondogat hilinglagunem hegen halok he, Allah hat setharek mondok logogin andi nen, haren he, Fano yi'nogo hilingisugun, iluk anggegen halok he, andiat hilingi'no o.

1 SAMUEL 16:18

A'nogo yagaisasikhemo holhukwasik, at aminmingengge ekhe nen he, ”Ap enu Isai aiba Betlehem mene andi amlogo gitar watu elu mondok mene. At andi obabut tentara logolik weim ailo lek hilingiti logou hak mene. Obabut oba inom, elokheba inom mondok fano. Wenenggak fano ikherek mene. A'nogo ugunem, at nineisena Tuhan nen lebethugu mondok welagarek mene were'ma higi o,” iluk yagatikhe.

1 SAMUEL 18:15

A'nogo omame agunem, at Saul en, eilenggen hasikhesik he, Daud oba ebenagaik ailoti lagaikhe.

1 SAMUEL 19:8

A'nogo hilingitu were'ma ap Filistin mene nen inoasuogeluk weim hobuk eroratukwama, at Daud en it inoba wulifikhesik, inebe mondogat mabenet fisasikhemo re heise helalagaukwa.

1 SAMUEL 3:19

A'nogo yagatikhesik oba nen, at Samuel ebe mondok alue aga lagaikhe. A'nogo alue agu kwelek, At nineisena Tuhan fisogo mondok logolik, at Samuel en wene ugu mene mondogat eberogoat mene nek hilinglaga logouwagaluk hilingfikhi lagaikhe.