1 SAMUEL 18:10 - Allah Wene Fano Wene Hupla Inane

¹⁰ A'nogo abiret fesikhesik ohealekwe re, at Saul sige enggim fisogo aiba were'ma aremnogoat, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, afuni lugu-lugwi palik mene nen hilingisu hak hilingitikhe. Andem oba re, at Daud ebe pinggong wati lagaikhe hak watunem,

1 SAMUEL 18:10 ပူးပေါင်းရင်းမြစ်များ

1RAJA-RAJA 18:29

A'nogo hilingitu werek kwelek, o arat hu'mokokwe afuni yabu inenggi ando kwe nen kwi wagaikharek higit asi wagaikhe. A'nogo hilingitukwa meneat he, at tugwi kembu Baal en inom, nen amu mene ekhe nen ogo, inane esanggo holhik, endawirinafik, ane onggo yagaisigik, igi'legat.

1RAJA-RAJA 22:12

A'nogo yagatikhemo, ap Allah ane yagaisikhi lagaukwa mene fena omanogo mondogaren he, ”Higirat ikhe,” iluk isukwasik, inane hokhorogo mel isukwa: ”Nineisena Tuhan nen hat homame wokhetunem, afuni Ramot mene inaiba pin talogo kwikhi logolik mondok inoa'no o, noe,” iluk yagatukwa.

YEREMIA 28:11

A'nogo hilingitesik, afuni mondogat andogorek welagaukwa mene omanogo ineil hanim aren ikhi logolik, ”Tuhan ane ikhi logolik he, at raja Nebukadnezar en ap inunggulenu lombok inoba enggin sagalit fikhe mene andoma a'nogo nek lilibukhogo lakfisagain o. Tuhan nen a'nogo hilingisigin mene andi re, tahun pire arem oba nek hilingisigin o, iluk ikhemo re an nebe lagagi.

KISAH PARA RASUL 16:16

O andoma lagagusik logolik, ninenggi ekhe sambul, o samban ikhi lagaukwaba a'nogo lagunem he, helenggerek afuni inamingmingengge mene ekhe munggwarengge obabut weak mene oba louksek were'ma, heinogengge oba kwikhi lagaukwa mene were'ma ninom ambi agagu. Helenggerek andi, afuni nen heinok oba wanhunem, aren wene hobuk hilinglasigin mene yagaisugunem, onggo wogeti lagaukwa. A'nogo wogetunem, aren ogogwi hokhorogo wogisikhi lagaikhe.

2 TESALONIKA 2:11

It afuni andi nen ebe wene eberogoat iluk wanhi'lek logolik: ”Weak mene andiat ninamolo,” iluk hilingiti logogun mene andi, inebe mondogat Allah nen wene inoba fuluk weagerinabigeluk he, nongerinaferek mene omame werek mene ekhe lakfei wesigin. Lakfei wesumo, eranen igin meneat he, eberogoat iluk wanugun andi.

HAKIM–HAKIM 16:20

A'nogo hilingfuluk ane hokhoba re, ”Simson! ap Filistin mene wagaikha o,” iluk isikhemo, at Simson menlagaikhesik Tuhan nen at herak fesikhe a'nogo onggothogo re endawimo nen enek he, an nen attak hilingiti aremnogo hakhogo wulibigin anggasikhe.

1 SAMUEL 16:23

Andi huli nen he, at Saul munggwarengge obabut weak mene a'nogo oba asi wagu sambul he, at Daud en ambinggong kecapi a'nogo waluk kongeti lagaikhe. A'nogo kongetunem at Saul oba munggwarengge obabut weak mene a'nogo herakfuluk lagunem oba liok uluk, fano welagaikhe.

1 SAMUEL 18:9

A'nogo anggasikhesik, andi huli nen he, Daud oba a'mage fesikhesik ebe abiret fesikhe.

1 SAMUEL 19:10

A'nogo watu ebe o hobat oba higit were'ma, at Saul en sige a'nogoba tunghogo wasigiluk tungethasikhe meneat he, Daud ebe ale'ma pokhogo lagaikhemo re, sige o hobat oba hun fesikhe. A'nogo hilingitikhemo, at Daud onggwarek agap telogo heise lagaikhe.

1 SAMUEL 19:7

A'nogo palhikhemo, at Yonatan nen Daud wolosi lagaikhesik, wene Saul emberek isukwa mene andi mondogat yagatikhe. A'nogo yagatikhesik he, Daud ebe waluk Saul oba wagaikhemo, at Daud Saul faget attak hilingiti lagaikhe hagat hilingiti lagaikhe.

1 SAMUEL 19:9

A'nogo helalagaukwama, inenggi ekhe sambul he, at Saul arige enggimoat fisogo aiba hurek were'ma, aremnogoat nineisena Tuhan nen munggwarengge obabut weak mene ayonggo fesikhesik oba lakfei wagaikhe. A'nogo lakfei wagaikhe andi sambul he, at Daud ambinggong watu welagaikhe.

1 SAMUEL 26:19

Neisena an hamingmingengge nen halong anggikhi logolik nane ikhi lagi mene yi holnabin o. Tuhan nen neisena miming hafi logolik, an hamingmingengge yi wasi lan iluk yagahetemo halok he, wam misik warogo nolumo nen he andiba Tuhan anini noba werek mene andi lek hilingisogo fou hak. Oba nen he neisena miming hafe mene andi, aben miming hafemo halok he, it andoma inebe Tuhan nenat homan fisikhi logouwak! Iren a'nogo nek hilingiri'lagwi andiba re, an hamingmingengge kweang Tuhan onggwarek anggweang oba nen wulibi lambik he anggolorogo ningginigin nen iluk o amumu afuni amu mene nen kembu dewa mondok nonggot mene andomaba apne wani laga logogun andi.