1 SAMUEL 17:54 - Allah Wene Fano Wene Hupla Inane

⁵⁴ Nen, Daud Goliat unggul palek a'nogo wanhikhesik he, waluk o Yerusalem wagaikhe. A'nogo meneat he, at Goliat asikhe arige nek he, at Daud aiba fakhasikhe.

1 SAMUEL 17:54 ပူးပေါင်းရင်းမြစ်များ

KELUARAN 16:33

A'nogo yagaisasikhesik Harun mel yagatikhe: ”Sumburu Manna ekhe 2 liter hangge nit ninagainafuri nen tagongge ninombalak faget waluk he, belanga misik mene elema kwalogo fuluk nineisena Tuhan eilhanem fei we'no o,” iluk yagatikhe.

1 SAMUEL 17:53

Ap tentara Israel mene omanogo nen ap Filistin mene a'nogo inoarik lagaukwasik, inambotkwe waga logolik, ap Filistin mene o tenda wutukwaba omanogo yi mene ti mene fesukwa mene hugulengge helasukwa.

1 SAMUEL 17:55

At Saul en he, Daud en ap Goliat a'nogo wasi lagaikhemo eilenggen hasikhesik he, agoromi tentara mene inoe enu Abner oba heinok wanhi logolik he, mel isikhe: ”Abner, ap alage ari sa amlogo nogo,” iluk yagatikhemo, at Abner en he, ”An hagot he, nonggoro,” iluk yagatikhe.

1 SAMUEL 17:57

A'nogo lakfesikhemo, at Daud Goliat wa'luk o tenda wuri'mo wagunem emberek ambi agaukwasik yagatikhesik he, at Daud Goliat unggul palek a'nogo enggimo waluk wagunem, at Abner en waluk, Saul oba wagaikhe.

1 SAMUEL 21:9

A'nogo heinok wokhasikhemo at Ahimelekh a'nogo nen onggo yagati logolik, ”An he Goliat ap Filistin agun haren o Ela tonggoma nen watigin mene a'nogo enggarok a'nogo nek fisogo welagai o. Nen karok ebere no efod it imam lagen ina'mi'mo porek engge a'nogo ambotma yeligengge werek andi. Yoma re we misik andi nek werek enggere hat wanigin hamolo halok he wanin o,” iluk isikhemo at Daud en ikhi logolik, ”Karok andi re o mondogat yomaba nen he we andi nek he mondok fano mene hilingi'mo re an wo'nom o,” iluk isikhe.