1 SAMUEL 17:50 - Allah Wene Fano Wene Hupla Inane

^50-51 A'nogo hulambetikhemo re, Daud Goliat era'lu humusek menlasi lagaikhesik he, Goliat enggarok awingga elema nen lisogo wanhikhesik alonggop palhikhe. At Daud en, we, helebenggen, suepak abuk oba fesikhesik lakfesikhemo Goliat ebe watikhe re, a'nogo andi. A'nogo watikhemo, ap tentara Filistin mene omanogo, inoe ineilenggen kwelakhasukwa re, arat wa'lagaikhemo hasukwasik heise pugulagaukwa.

1 SAMUEL 17:50 ပူးပေါင်းရင်းမြစ်များ

HAKIM–HAKIM 15:15

A'nogo tekhogo lagaikhemo hasukwasik, wam keledai misigat mene kerat wa'lagaikhe mene agaukwak oak heragaisogo wanhikhesik he, andiba afuni inebe 1.000 nen pinggi inoatikhe.

HAKIM–HAKIM 3:31

Inoe wene melalinaferek mene ombo'ne menlagaikhe mene re Samgar hun Anat amlogo andi. Aren ogore amurururogo hilingitikhesik he it Israel inap telogo fisasikhe. Tomuk wam lembu silinarek laga lagaikhe meneba re, aren ap Filistin mene inebe 600 nen inoatikhe.

1 SAMUEL 13:22

A'nogo welagaikhe lek andi nen, o Mikhmas weim yafukwa andi re, it ap Israel mene re inenggarok ogo, inarige iluk ogo posie misigat halok ogo, mondok le'ma re, we, it Saul amlogo Yonatan emberek enek he, were'ma weim andi yafukwa.

1 SAMUEL 17:39

A'nogo hilingfesikhemo, hobuk at Daud karok Saul mene su posiemanggen mene itikhe a'nogoba kelogo fesikhesik he, kwe lagaluk walhasikhe meneat he, at Daud alilingge weim yafarek mene andi iterek le'ma nogo nen he, kwe ninggi'nogo la heat hilinglagaikhemo, Saul mel yagatikhe: ”An hamingmingengge su yi'nogo labeti lagi le'ma nogo nen he, laberogo kwe la elo'lek aga o,” iluk yagatikhesik, weim yabuogoluk wanharek mene wanhikhe omanogo mondogat nonggologo fesikhe.

1 SAMUEL 17:49

Lagaikhesik, enggi su elema kwelakfesikhesik helebenggen ekhe wanhikhesik he, suepak a'nogo abuk oba fesikhesik lithasikhesik obokhasikhe re, laga lagaikhesik, Goliat elha tamukhogo helebenggen a'nogo ungguloa'ma kwisikhemo ebe elokhe sogoum kweangma hulambetikhe.

1 SAMUEL 19:5

Aren he, nebe noasigin andi nailo, iluk anggigi'legat, Goliat Filistin mene a'nogo ebe watikhe andiba nen Tuhan nen nit afuni Israel mene hokhorogo ninomame asuageluk hilingninobagaikhemo ninomame ago andi. Wene a'nogo hilinglagaikhe andi hat heilhanem hilinglagaikhemo hasigindik hendawimo hagaiyek hokho mene agaikhe anggigi. A'nogo meneat he, neisena, at Daud weak ekhe hilingiti'le'maat, haren weak hilingisogo ebe wasigiluk ikhi lagen andi nenahalok,” iluk yagatikhe.

1 SAMUEL 21:9

A'nogo heinok wokhasikhemo at Ahimelekh a'nogo nen onggo yagati logolik, ”An he Goliat ap Filistin agun haren o Ela tonggoma nen watigin mene a'nogo enggarok a'nogo nek fisogo welagai o. Nen karok ebere no efod it imam lagen ina'mi'mo porek engge a'nogo ambotma yeligengge werek andi. Yoma re we misik andi nek werek enggere hat wanigin hamolo halok he wanin o,” iluk isikhemo at Daud en ikhi logolik, ”Karok andi re o mondogat yomaba nen he we andi nek he mondok fano mene hilingi'mo re an wo'nom o,” iluk isikhe.

1 SAMUEL 23:21

A'nogo yagatukwama at Saul en onggo yagaisikhi logolik he, ”Hiren an nobaget fano mene hilingitep andi nen he, At Tuhan nen enek fanot hinafi logouwak!