1 SAMUEL 17:46 - Allah Wene Fano Wene Hupla Inane

⁴⁶ O yogondak yibaat, neisena Tuhan nen he, hat hebe nenggiba foumo, hoasimbik he, halonggop paligin o. Hat hagoromi tentara mene hinom hinebe warek sue, wam, noagaluk wogosigin o. A'nogo hilingisigin andiba, afuni o kweangma yi awi ti awi welagaikharek mene mondogaren he, it afuni Israel mene ineisena Allah fogeratarek mene andi ebe eberogoat werek, iluk inelu asugun o.

1 SAMUEL 17:46 ပူးပေါင်းရင်းမြစ်များ

KEJADIAN 40:19

At raja Firaun nen inenggi henagan logombik, agoromi yagaisamo, hat halonggop tekhogo hoasimbik he, hebe warek eba hele kelogo hobagaumo re, sue wesimbik hebe nagain mene faget hegen o,” iluk yagatikhe.

2 SAMUEL 18:28

A'nogo yagatunem he, at Ahimaas a'nogo arat lagaikhesik, ane hokhorogo at raja oba hai watikhesik he eindep awi yagaisogo wene yi'nogo yagatikhe: ”Ap noe hebe inabiren hoasuogoluk ikhi lagaikha mene omanogo heisena Tuhan Allah nen inebe hat henggiba fikhe andi nen, At hai wasuogo,” iluk yagatikhe.

2 SAMUEL 21:10

A'nogo hilingitukwama re, at hele Rizpa Saul agwe amingmingenggeba nen agweap erasikhe mene a'nogo nen su karung mene onggwarek faget ap warek were'ma helep amboloba omanogo talfesikhesik welagaikhe. Were'ma at hele Rizpa nen he o linggene sue nen, hubanggo re mene olomene nen ap warek andoma na wesinogo iluk, herakfigi'lek o enggen ugu palhu sambul a'nogo huli nen pikhit engga lologo pikherek huli a'nogo o meiso agu huli a'nogo re herakfuluk lagi'lek kagalek mondok welagaikhe.

1RAJA-RAJA 8:43

Hat hebe pogoroba welagendek oba andoma logolik, inane hesanggo holfuluk, kino yagahesugun mene andi wogisikhi logoino o, neisena. A'nogo hilingiti logogin halok, afuni inunggulenu lombok o yi awi ti awi welagaikharek mene nen, nit hagainafuri Israel mene hebe ninelu logolik, hane hologo hilingitorek andi hak hilingiti logogun o. A'nogo hilingiti logolik, an nen o Hat hawi wuthobagagi yi faget, iren he, Allah faget hilingiti logogun oba, iluk futfikhi logogun o, neisena.

1RAJA-RAJA 8:60

A'nogo hilingiti logogin andiba, afuni inunggulenu lombok o kweangma yi awi ti awi welagaikharek mene nen he, Allah ekhe mondok lek. We, afuni Israel mene ineisena Tuhan Allah andi amu aro, iluk inelu asugun o, neisena,” iluk yagatikhesik,

2 RAJA-RAJA 19:19

Afuni inunggulenu lombok o kweangma yi awi ti awi welagaikharek mene nen he, Tuhan Allah re we Hat ami-amuat welagarego, iluk inelu asuageluk nit ap Asyur mene nen ninoasuogoluk ili'lagwi andi telninabino o, neisena,” iluk yagatikhe.

2 RAJA-RAJA 5:15

A'nogo hilinglagaikhesik, agoromi inom wagaukwa mene mondogat inom inambotkwe Elisa oba wagaikhe. A'nogo wagaikhesik, mel yagatikhe: ”O kweangma yi awi ti awi Allah ebe pire welagarek lek. We, hit afuni Israel mene hineisena Allah fogerati lagep mene andi ami-amu negat welagarek andi an yogondagen arat futfigi o. Andi nen he, an nen onggo wokhesigin andi wanin o,” iluk yagatikhe.

MAZMUR 31:8

Haren hendawi hundik hilingnafu mondok welagenma re, an nen fogerakhigik, nagaiyegetik, hilingiti lagi o. An noba enggin-fenggin hikhi lagi mene inom, nendawimo weak peakhogo hikhi lagi mene inom andoma re we Harenat futnobagakhi lagen.

MAZMUR 46:10

Yi afuni ti afuni o kweangma mondogat weim yafunem he, Aren legeratik, sikhe togengge mondogat lilibukhogo figik, inebe inoasinogoluk, sige kabelek enggat sugul isigik, inangge kereta weim yafarek mene mondogat endu nolhik, ikherek.

KELUARAN 9:16

A'nogo meneat he, yi mene ti mene inugisagarek andi hak, An nomame hoageluk, An nenu o yi awi ti awi loageluk, hinebe mondok hinoati'lek herakhinobagagi andi o.

YESAYA 37:20

Nit nineisena Tuhan Allah, afuni kweangma inunggulenu lombok werek mene andoma nen he we Hat hamu nek Tuhan welagen mene a'nogo inelu asuageluk, ap Asyur mene andiba nen nit telogo ninobagain o,” iluk samban isikhe.

YESAYA 52:10

Tuhan omame werek mene a'nogo it inunggulenu mondogat inoba inugisamo re, afuni o kweangma yi awi ti awi unggut-unggut welagaikharek mene mondogaren he, Allah nit nineisena telninaferek mene a'nogo ineilenggen hogoin o.

YESAYA 56:9

Tuhan nen At againafuri hokhorogo pilisoageluk it inunggulenu pok mene miminginabumore, olomene aik anini weak mene higit wesugun.

YEREMIA 19:7

Obalik yiba nen he An nen ap Yehuda mene nen inom, afuni Yerusalem werek mene nen inom hilingitu mene iluk wene lenggalek werek mene andoma sugit fagain o. It inebe re weim yafunemen inaselei mene nen mabenet fisambik inoasuageluk herakfisagain. It inebe warek he An nen herakfisamo sue nen inom mene olomene nen inom nogoin.

YEREMIA 34:20

An nen he hit hinaselei mene it hinoasuogeluk hilingiri'lagwi mene omanogo inoba wogisagain. Ma re hit hinebe warek he sue nen inom mene olomene nen inom nogoin o.

DANIEL 2:47

A'nogo yagaisasikhesik, Daniel mel yagatikhe: ”Daniel. Afuni nen hunogo mene faget, Nineisena ebe yi aro, iluk fogeratarek mene andi, elo'lego. Mene re, we hat heisena Allah andi nek he, mondok esin lego mene werek. Ap raja-raja nen afuni inawe a'ma ferinarek welagaikharek mene andoma re, At enggiba nek welagaikhare'ma o. Haren he, wene hinago mene andi, Ebe yi'nogo hilinglasigin mene faget hegenma, iluk fakhogo yaganeten andi nen, Allah nen yi wene ti wene hinago mene fakhogo eberogoat yagaisikhere'ma higi, iluk futfigi o,” iluk yagatikhe.

DANIEL 3:29

Andi halok, afuni nen, Nineisena ebe yi aro, iluk agarek mene ekhe Allah nen it telinafe andi hangge ekhe hilingitarek mondok lek andi nen he, hit afuni hinunggulenu lombok, hineisok erokwe lombok, hinane lombok, ekhe nen he, Sadrakh, Mesakh, Abednego, ineisena Allah it fogeratarek mene andi faget weak iluk abok weak ugu halok, inebe libik-labakhogo inoasimbik, inawi wurik mondok meisa'-lambukhogo potfisogoin o, iluk an nebe nenat wene wulafi andi,” iluk yagaisasikhe.

MATIUS 24:28

”Sue warek werek halok he, sue warek ninggerek meneat andi andoma andogosi lagarego,” iluk yagaisasikhe.

ULANGAN 28:26

Hit hinebe wa'lagunem warek andoma re sue inom, yi mene ti mene aik weregengge nen inom, nunggu mene aga logoginmo re, ap ekhe nen silogo wulakfisa re elo'lek aga logogin.

ULANGAN 7:2

Nineisena Tuhan Allah nen it afuni andi hit hinenggiba foumo, hiren it mabenet fisambik inebe hinendawi nen ekhe herakfisambik, ninom hundik logouwok, iluk wene warisogoin mondok lego. We, inebe mondok felelenghogo inoa'no o.

ULANGAN 7:23

Nineisena Tuhan Allah nen it afuni hinaselei mene andi hinenggiba hinobagaluk, hesangge-pesangge pugulinafunem inebe mondogat alomat lakhogoin o.

YOSUA 10:8

Wesuogeluk ugunem Tuhan nen Yosua mel yagatikhe: ”Hat homame a'nogen iluk, An nen arat wokhetimo andi nen he hailo agun o. It mene misigen iluk ekhe fangesigin mondok lego,” iluk yagatikhe.

1 SAMUEL 14:6

Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.

1 SAMUEL 17:44

Homan fesikhesik, ane asegen Daud mel wokhasikheat: ”Yogo, noba eme re. An nen hat hoasimbik hebe warek sue wam noagaluk wogosigin o,” iluk ane asegen wokhasikhe.