1 SAMUEL 17:44 - Allah Wene Fano Wene Hupla Inane

⁴⁴ Homan fesikhesik, ane asegen Daud mel wokhasikheat: ”Yogo, noba eme re. An nen hat hoasimbik hebe warek sue wam noagaluk wogosigin o,” iluk ane asegen wokhasikhe.

1 SAMUEL 17:44 ပူးပေါင်းရင်းမြစ်များ

2 SAMUEL 21:10

A'nogo hilingitukwama re, at hele Rizpa Saul agwe amingmingenggeba nen agweap erasikhe mene a'nogo nen su karung mene onggwarek faget ap warek were'ma helep amboloba omanogo talfesikhesik welagaikhe. Were'ma at hele Rizpa nen he o linggene sue nen, hubanggo re mene olomene nen ap warek andoma na wesinogo iluk, herakfigi'lek o enggen ugu palhu sambul a'nogo huli nen pikhit engga lologo pikherek huli a'nogo o meiso agu huli a'nogo re herakfuluk lagi'lek kagalek mondok welagaikhe.

AMSAL 18:12

At onggwaregen legeisogo fakhikherek andiba pulema arat pilagarek andi, oba nen he ap endawimo sebel fakhikherek mene andi hobuk legeisogo fogoin.

YEREMIA 34:20

An nen he hit hinaselei mene it hinoasuogeluk hilingiri'lagwi mene omanogo inoba wogisagain. Ma re hit hinebe warek he sue nen inom mene olomene nen inom nogoin o.

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

YEHEZKIEL 28:2

”Afuni wa'lagaikharek mene yi re, raja Tirus mene oba re yi'nogo yagaom, An Tuhan Lego Mondok welagirek mene a'nogo nen raja Tirus meneba ikhi lagi mene andoma yagaom o, ”Hat he honggwaregen leget fakhikhi logolik an nebe re dewa kembu i laut enggen tulem andoma hurek welagirek mene anggikhi lagen. Fano haren an nebe dewa welagi iluk anggikhi lagen oba nen he hat hebe ap we mene welagen a'nogo ebethano.

WAHYU 19:17

A'nogo higiri'mo nen ombo'ne re, at malaikat ekhe moba mendek logolik, ane hokhorogo it yi rue ti rue mondogat pogot ebene higit tulem tarogo nugunem, mel yagaisikhi laga: ”Ap kaindek inenupogot inom, weim wenewule mene inom, inagoromi kabelek mene inom, wam kuda ebe inom, ap amboroba hurek nikharek mene inom, afuni inenuwerek mene inom, inenu lek mene inom, inamingmingengge mene inom, inale'ma welagaikharek mene inom, mondogat Allah nen inoatesik ineino hokhorogoat hinobagaikhe mene nobagaigen hinebe andogosi we'ni o,” iluk ugunem holhi.

1 SAMUEL 14:12

A'nogo isukwasik, Yonatan amingmingengge a'nogo emberek inane hokhorogo wolisikhi logolik mel yagaisasukwa: ”Niren ekhe yagahisogoin enggere, wulibi wesimbik lagai we'ni o,” iluk yagaisasukwa. A'nogo yagaisasukwama, at Yonatan nen agot alage mene a'nogoba mel yagatikhe: ”Nineisena Tuhan nen it inebe nit Israel mene ninenggiba fikhemo andi nen he, nombo'ne eme o,” iluk yagatikhe.

1 SAMUEL 17:46

O yogondak yibaat, neisena Tuhan nen he, hat hebe nenggiba foumo, hoasimbik he, halonggop paligin o. Hat hagoromi tentara mene hinom hinebe warek sue, wam, noagaluk wogosigin o. A'nogo hilingisigin andiba, afuni o kweangma yi awi ti awi welagaikharek mene mondogaren he, it afuni Israel mene ineisena Allah fogeratarek mene andi ebe eberogoat werek, iluk inelu asugun o.