1 SAMUEL 17:43 - Allah Wene Fano Wene Hupla Inane

⁴³ Endo a'nogo aga logolik, mel yagatikhe: ”Sige tomuk ari ninggi'nogo hilingisigiluk waluk wagen? Hat hendawimo nen he, an nebe mene higit anggegen a?” iluk yagatikhesik, at andugwi kembuba hombuk palogo Daud homan fesikhe.

1 SAMUEL 17:43 ပူးပေါင်းရင်းမြစ်များ

KEJADIAN 27:29

Afuni inunggulenu lombok mondogat hat hamingmingengge hilinglaga logolik, hat hawe a'ma logouwago. Nen hoe hagot mondogat haren ferinarek logogin o. Hat hagaisa nen tagongge nen he, ineindep awi yagaisogo fogethafi logouwago. Nen, afuni ekhe nen, hat homan hobagagun halok, Allah nen it andi mondogat homan fisikhi logogin o. Nen, hat fanothafu halok he, it andi Allah nen fanorinafi logouwagaro,” iluk yagatikhe.

2 SAMUEL 16:5

A'nogo iluk, at Daud o Bahurim lagaikhe hak he, ap enu Gera, aiba o andoma mene, at Saul eisok erokwe mene, amlogo enu Simei andi, afuni raja Daud inom lagaukwa mene omanogo inoba horokhogo waga logolik Daud homan filik wagaikhe.

2 SAMUEL 16:9

A'nogo wenagetikhemo, ap Zeruya amlogo Abisai Yoab agot andi nen he, Daud mel yagatikhe: ”Noe. Ap obabut wam obabut hangge mene ari, hat hebe weagerogo homan hobagagu kwelek alelogo herakfiki lagen andi nenahalok? An nen alonggop tekhogo wasigen yaganom o!,” iluk yagatikhe.

2 SAMUEL 3:8

A'nogo hikhibet hasikhemo re at Abner a'nogo a'makwe het-pet isikhesik aren ikhi logolik he, ”Noe haren anggikhi logolik, at he Saul abiret fikhesik it Yehuda mene inebikhit a'luk hilingiri'lago iluk hilingiti lagen a? O endamen enggere an he hat noe heisena Saul oba tiphogo nek hilingiti lagi, nen at ogogwi agoromi inoba inom, agaila'lak inoba inom tiphogo hilingitirek enego. An nen noe hat lebethiugunem at Daud en mabenet hobagakhi laga lek a'nogo helu o. A'nogo hilingiti lagi a'nogo helu logolik oba nen he noe haren we he andi faget ikhi logolik nenu weagerogo fikhi lagen andi ri!

2 SAMUEL 9:8

A'nogo yagatikhemo, at Mefiboset en eindep awi yagaisogo hobuk agaugweratikhesik mel yagatikhe: ”Noe. An hamingmingengge nebe kembu meneat he, haren a'nogo fano hilingnabigin andi nenahalok,” iluk yagatikhe.

1RAJA-RAJA 20:10

”Nit ninoe raja andi nen he ap sikhe fisogo mene hokhorogo lakfisa wesumo re, hat hawi kota wolelenggenhogo fogoin o, a'nogo foumo re o meisalogo fogoin mene andoma re it inenggi nen enek ologoilongengge furogo lagarek andi hak waluk logoin o. Nen, aren a'nogo hilingisigin lek halok he, kembu dewa nen an wene noba fagain a? athe nebe pinggi noasigin a? aren at hilingisigin, iluk hombuk palhe o,” iluk yagatukwa.

2 RAJA-RAJA 8:13

A'nogo yagatikhemo, at Hazael en onggo ikhi logolik he, ”Ah noe, Ap an yi higit mene re a'nogo hilingisu lek hak abi, omame hokho ariginik mene andi re an yiginik mene yi nen hilingisu elok lego,” iluk yagatikhe. Andi yagatikhe mo at Elisa nen yagati logolik he, ”Tuhan nen he, hat hebe Siria mene inobaget raja menlasigin mene andi faget he an noba inuk niikhe o,” iluk yagatikhe.

AMSAL 26:2

Sue nen tarogo lagaresik pogotkwe lagik wagik ikherek hak, afuni weak hilingiti'le'maat homan fisagarek mene andi re inoba asu lek hak.

BILANGAN 22:6

It andi nit ninomame hangge lek. We, it inomame mondok hokho mene o. Haren afuni fanorinafunem he, fano agaikharek. Nen, homan fisugunem he, weak agaikharek andi nen, hat hebe wesimbik he, an faget it homan fisanogeluk hayonggo figi o. Homan a'nogo fisegen halok, niren it elok mabenet fisambik, o yoma nen mugusogo wulakfisogoin anggikhi lagi o. Ma re, weak-weak we'nogen iluk hayonggo figi o, iluk yaga'no,” iluk lakfisasikhe.

HAKIM–HAKIM 9:27

Ariginik logolik iren anggur enggen yabumo tagani lagaukwasik anggur agai ferelogo i nunggu mene hilingfesukwasik iren seni isatukwa. Isatukwasik he iren he inandugwi kembu apne wanharek oba omanogo nen inamburu ninggik, inagai ninggik ikhi logolik, Abimelekh a'nogo homan fikhi lagaukwa.

1 SAMUEL 14:12

A'nogo isukwasik, Yonatan amingmingengge a'nogo emberek inane hokhorogo wolisikhi logolik mel yagaisasukwa: ”Niren ekhe yagahisogoin enggere, wulibi wesimbik lagai we'ni o,” iluk yagaisasukwa. A'nogo yagaisasukwama, at Yonatan nen agot alage mene a'nogoba mel yagatikhe: ”Nineisena Tuhan nen it inebe nit Israel mene ninenggiba fikhemo andi nen he, nombo'ne eme o,” iluk yagatikhe.

1 SAMUEL 24:14

Omanggum inalue nen inane lagokhogo ikhi logolik he, Afuni inobabut weak mene nenat weak hilingitarek, iluk ikhi lagaukwa andi hat he helu o. Andi nenat, an nen hat hoba weak ekhe hilinghabigin mondok lego.

1 SAMUEL 24:15

Afuni Israel mene inoe raja hebe nenat an hamingming engge nebe noasigiluk ikhi lagen andi futfein o. An nebe noasigiluk mu'narek nikhi lagen a'nogo nebe yi heilenggen nean. An hamingmingengge nebe re mene unggul misik warek mene hangge inom, nen no pisang hangge inom, welagi yi.