1 SAMUEL 17:38 - Allah Wene Fano Wene Hupla Inane

³⁸ A'nogo yagatikhesik, weim yabuogoluk sing itarek hak asu posiemanggen mene ugu mene Daud wogotikhemo itikhe. Itikhemo, at Saul en unggulasu ebe tembaga mene Daud unggul oba ikfesikhe.

1 SAMUEL 17:38 ပူးပေါင်းရင်းမြစ်များ

1 SAMUEL 17:37

Nineisena Tuhan nen, an hamingmingengge mene olomene obabut weak mene nen noasigiluk ugunem telnaferek andi hak, ap Filistin mene andi nen noasigiluk ugunem telnabigin aro,” iluk yagatikhemo, at Saul en he, mel yagatikhe: ”Fano, nineisena Tuhan nen enek lebetheoago,” iluk yagatikhe.

1 SAMUEL 17:39

A'nogo hilingfesikhemo, hobuk at Daud karok Saul mene su posiemanggen mene itikhe a'nogoba kelogo fesikhesik he, kwe lagaluk walhasikhe meneat he, at Daud alilingge weim yafarek mene andi iterek le'ma nogo nen he, kwe ninggi'nogo la heat hilinglagaikhemo, Saul mel yagatikhe: ”An hamingmingengge su yi'nogo labeti lagi le'ma nogo nen he, laberogo kwe la elo'lek aga o,” iluk yagatikhesik, weim yabuogoluk wanharek mene wanhikhe omanogo mondogat nonggologo fesikhe.

1 SAMUEL 18:4

Hombuk a'nogo palogo yagatikhesik, at Yonatan asu sogoi su mene nonggologo Daud wogetikhesik, weim yabigiluk waluk lagarek mene su inom, karok inom, sikhe inom, obakhe hele pugetu mene inomat, wogotikhe.