1 SAMUEL 17:37 - Allah Wene Fano Wene Hupla Inane

³⁷ Nineisena Tuhan nen, an hamingmingengge mene olomene obabut weak mene nen noasigiluk ugunem telnaferek andi hak, ap Filistin mene andi nen noasigiluk ugunem telnabigin aro,” iluk yagatikhemo, at Saul en he, mel yagatikhe: ”Fano, nineisena Tuhan nen enek lebetheoago,” iluk yagatikhe.

1 SAMUEL 17:37 ပူးပေါင်းရင်းမြစ်များ

2 SAMUEL 10:12

Hendawinggen hambuget hano! Nit he ninambong serogo nit ninunggulenu mene faget inom, o kota nineisena Allah aiba omanogo faget inom yabuogeluk welago hilingi'mo re. We At Tuhan nen enek At endawimo agaiyek anggikhe mene nek hilingisuago,” iluk yagatikhe.

1 TAWARIKH 22:11

A'nogo yagatikhesik, at Daud en ekhe inom yagati logolik he, ”Yogondak he, namlogo, we hat heisena Tuhan Allah andi nen enek lebethafi logouwak. Nen, o Tuhan Awi andi re, Aren wene abok ikhe hakhogo haren eberogo wusigin logouwak.

1 TAWARIKH 22:16

andi elalhu inelu mene re hokhorogo werek. Enggere weak-weagat erora'no! We At Tuhan nen enek hat lebethiikhi logouwak,” iluk yagatikhe.

MAZMUR 11:1

Afuni nen wuni wulak fuluk inebe seberogo ugunem melalinafu mene faget, at Daud awuni yi. An he Tuhan awea'ma kuluk welagimo re, afuni nen yaganeti logolik, ”Sue tom oba tarogo lagarek hak hat he hebe honggwaregen hagap telan o,” iluk yaganetarek mene andi re a'nogo yaganesumo re elo'lego.

MAZMUR 118:6

At Tuhan he an werekwe werek andi nen he, an he noak leigesu lek hak, afuni nen an noba yi'nogo ti'nogo ekhe hilingnobagaumo re elo'lek.

MAZMUR 138:3

An nen Hat hoba nane kwetunem he, Haren hane onggo yaganeti lagen, Haren an nendawinggen omamet fugunem he, an nailo lek mene aga lagi.

MAZMUR 63:7

Haren lebetniikhi lagen andi nen, o hup inukhogo re an nebe nogo igirek oba wengik logolik, menenei ebethikhi logolik he, hoba ebetu mondok welagirego. Hat hogolabi a'ma logolik nendawimo haien he hawuni watu welagirek.

MAZMUR 77:11

A'nogo ebetu logolik he, ”An nendawi warikhi lagi a'nogo re, At Lego Mondok werek mene a'nogo omame lek kwelegat hilingiti lagi higi,” iluk anggikhi logolik ikhi lagi.

DANIEL 3:17

Ma re, haren ninebe endu amulok wabunak nunggunem andi kwelakninobagegen halok, nit nineisena Allah fogeratorek mene andi nen, hat homameba endumo kwelakninobagagunem, Aren elok telninabigin aro.

YOSUA 1:17

Niren Musa nen yaganisugunem ane hologo mondok hilingiti lago andi hak, hat hane hologo hilingiti logogun aro. Nineisena Tuhan Allah nen Musa serogo mondok welagaikhe andi hak, harogo setharek mondok logouwago.

RUT 2:4

A'nogo andogorik lagunem, welagi'le'maat, at Boas o Betlehem en lagaikhesik afuni jelai enggen palhi lagaukwa mene omanogo hai warinafi logolik, ”Tuhan nen fethinarek logouwago,” iluk yagaisasikhemo, iren he, ”Harogo, Tuhan nen fanothafi logouwagaro,” iluk yagatukwa.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.

1 SAMUEL 17:38

A'nogo yagatikhesik, weim yabuogoluk sing itarek hak asu posiemanggen mene ugu mene Daud wogotikhemo itikhe. Itikhemo, at Saul en unggulasu ebe tembaga mene Daud unggul oba ikfesikhe.

1 SAMUEL 20:13

Nen, elokhe age logolik hat hoasigiluk mene hangge werek halok he, hat hebe heise lanogen iluk wene warogo hoba lakfei wesigin aro. Mene re, an a'nogo hilingisigin igi mene andi ebe hilingiti'lek halok, nineisena Tuhan nenat an nebe noasuago. Nineisena Tuhan nen an neisena lebethikhi laga hagat harogo lebethiikhi logouwago.

1 SAMUEL 24:19

An nen hat hoasigiluk ikhi lagi meneat he, haren onggo fano hilingnafenma o. Tuhan nen an nebe hat henggiba fikhe meneat he, haren an nebe noati'lek herakfanhen andi nen, haren an fano hilingnafi lagen, iluk o yogondak yiba enegat aga o.

1 SAMUEL 26:25

A'nogo isikhemo Saul en Daud oba ikhi logolik he, ”Namlogo e! We Tuhan nen enek fanot hobagakhi logouwak. Haren yi yabu ti yabu hilingitunem he ambisangma enggen fano mene nek i'laga logouwak,” iluk isikhe. A'nogo isikhemo re, at Daud a'nogo kwe pikhit lageluk lagu kwelek, Saul a'nogo ogore aiba istana lagaikhe.

1 SAMUEL 7:12

A'nogo hilingitukwasik, at Samuel en helep ekhe o Mizpa honggolek Sen honggolek tulem andoma menegeisogo fesikhe. A'nogo menegeisogo fesikhesik he, mel isikhe: ”Nineisena Tuhan nen yaba elok lebetnisikhe,” isikhesik he, helep a'nogo enu, Lebetnisikhe helep u hak, Eben-Haezer salhikhe.