1 SAMUEL 17:36 - Allah Wene Fano Wene Hupla Inane

³⁶ A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.

1 SAMUEL 17:36 ပူးပေါင်းရင်းမြစ်များ

2 TAWARIKH 32:17

Raja Asyur mene a'nogo nen Tuhan it afuni israel mene nen apne wanhi lagaukwa mene a'nogo ane sagalogo iluk he surat palhikhe mene yi'nogo palek welagaikhe, ”It afuni inunggulenu amu mene inanggembu dewa andi nen he at againafuri andoma an nenggi omame a'ma nen lologo wulaginabu lek hak, nen at Hizkia anggembu dewa andi nen he ebenagaik,” iluk palhikhe.

YESAYA 10:15

Oba nen he Tuhan nen ikhi logolik mel ikhe, ”Afuni nen e mugusogo lakfagarek mene andi faget posie onggwaregen wonoget fakhamo re higit nogo a? Athe no gergaji ba e tegetarek mene andi esin hangge nen afuni inebe re sebelek hak nogo? E payugen afuni legerisamo re elo'lek athe afuni nen e payuk leget hamo nek he higiro.

YESAYA 36:15

Hit he Tuhan oba hinendawinggen tibet fuluk logoni iluk hinendawimo kagali'lago mene andi faget ane holfuluk werek lego. Hiren he Tuhan nen nit telninafik, tentara Asyur mene nen nit hinawi kota sebeli kwi wesinogo iluk kwe palninafik igin hea, iluk hinendawimo ebesu fugo.

YESAYA 36:18

Hiren Hizkia ane holhu lek! Aren he hit lalhinafi logolik he Tuhan nen nit telninabigin iluk yagahisili'logo andi. An nenggi a'ma nen he dewa inunggulenu amu mene nen it inoba telinafe mene ekhe werek nogo a?

YEHEZKIEL 28:10

Hat he ap pok mene Allah inonggot mene nen hoasumo re afuni nen inabit hafu mene hangge wa'lasigin. Iluk An Tuhan Lego Mondok welagirek mene a'nogo nen nane mondogat igi o,” ikhe.

YEHEZKIEL 32:19

Haren it yagaisikhi logolik, ”Hiren anggikhi logolik, nit mondok fano pigin-pugunsek anggikhi lagep? Hit he, kweangma afuni wa'la'luk lagaikharek oba andoma pugun o, nen hit hinebe re afuni Allah inonggot mene wengik oba ma'lima inanggele'ma wengik logogun,” iluk yagaisano.

DANIEL 5:23

Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.

ZAKHARIA 12:3

Oba nen linggene andi asi wesigin oba re An nen Yerusalem andi re helep enggin mene hakhogo hilingisogo fagain o, nen it inunggulenu ekhe mene nen lekhogoin iluk hilingisugun mene re inebe alomat laga logogun. Ap kweangma werek mene inunggulenu lombok omanogo re misik sebe imbik he Yerusalem inom weim yabi wesugun.

ZAKHARIA 2:8

Ap sa nen hit hinoasugun iluk hilinghinafu halok he, An nendawinggenma kagaukhogo noasu hagat hilingisugun o,” iluk ikhe. Andiba re, Tuhan Omame Mondok Hokho mene a'nogo nen an mimingnafi logolik wene a'nogo iluk andi it inunggulenu inap Tuhan againafuri telogo helasukwa mene andoma yagaisoageluk mimingnafi logolik,

1 SAMUEL 14:6

Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.

1 SAMUEL 17:10

Yogondak hit ap tentara Israel mene yi, nane asegen wokhisikhi lagi o. Weak-weak an weim nemberek walhouwogen he, ap ekhe wenagaisogo feni re,” iluk yagaisasikhe.

1 SAMUEL 17:26

A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe.

1 SAMUEL 17:35

sirok-murok he, ebe wa'luk, domba ambema nen telhirek mene o. A'nogo meneat he, at singa nen he a, beruang en he a, an nebe noasigiluk ugu halok, an nen alonggop fakfuluk komukhogo ebe mondok watirek aro.

1 SAMUEL 17:37

Nineisena Tuhan nen, an hamingmingengge mene olomene obabut weak mene nen noasigiluk ugunem telnaferek andi hak, ap Filistin mene andi nen noasigiluk ugunem telnabigin aro,” iluk yagatikhemo, at Saul en he, mel yagatikhe: ”Fano, nineisena Tuhan nen enek lebetheoago,” iluk yagatikhe.

1 SAMUEL 18:17

A'nogo welagaukwa andi nen, at Saul endawimo nen he, ”Daud an nen wasigin he fuk, athe ap Filistin mene nen weim yafi logolik wasuak,” iluk weim abok endawimo welagaikhe. A'nogo welagaikhe andi nen inenggi ekhe sambul at Saul en he Daud oba yi'nogo yagatikhe: ”Haren weim Tuhan faget yabigiluk hambong siserek welagen aple a'nogo re ekhe inom inukhagain halok he, An na'logo manggusa mene hele enu Merab he hat wokhesigin o,” iluk yagatikhe.

1 SAMUEL 31:4

A'nogo hilinglagaikhemo, at Saul agot alage mene ekhe at asikhe waluk wagaikhe mene a'nogo oba mel yagatikhe: ”An nebe ap Tuhan inonggot mene andi nen inane asegen wo'niikhi logombigen noasi nogo nen he, hat henggarok lisogo wanimbik he, nebe noasin o,” iluk yagatikhe meneat he, ap alage mene andi, at Saul ebe mondok agaukhogo hilingiti lagaikhe andi nen he, ebe wati'lek herakfisasikhe. A'nogo herakfisasikhemo, at Saul onggwarek enggarok wanhikhesik kweangma telfesikhesik he, ebe taunghogo waragaluk enggat oba weing lagaikhe.