1 SAMUEL 17:34 - Allah Wene Fano Wene Hupla Inane

³⁴ A'nogo yagatikhe meneat he, at Daud en he, mel yagatikhe: ”An hamingmingengge re, neisena anggo domba konhu were'ma, mene olomene obabut weak mene singa inom, beruang inom, wam domba halmaget higik waluk lagunem,

1 SAMUEL 17:34 ပူးပေါင်းရင်းမြစ်များ

KEJADIAN 31:39

Mene aik anini mene nen senggelhu mene ogo, hat hambit ekhe waluk waga lagagi fuk, we an nen obali'mo fikhi lagagi. Hubanggo inom linggene inom afuni nen hinatu mene faget he, hat nami nen obali'mo fein iluk yaganeti lagagin.

2 SAMUEL 17:8

At Daud agoromi tentara inom andi re mondok inailo'lek logolik weim mondok inomamerogo yafarek a'nogo hat helu o. It he, ina'mage mondok het-petsek logolik wam maro hangge enu beruang isa mene eak nalfuluk, a'mage hokhorogo lagaluk aigen palinabigiluk welagarek andi hangge werego. Nen, at Daud ebe ogore weim en enek mondok melalek logolik elu-pelurek agun, nen at agoromi inom misi'mo nogo igi'lek ale'ma oumokwe nogolik nikherek a'nogo helu o.

2 SAMUEL 23:20

Ap misik ekhe it sikhe fisogo mene inogogwi perwira andem en mene enu weinamhogo welagaikhe agun he hun Benaya, ap Yoyada amlogo awi Kabzeel mene andi.

1 TAWARIKH 11:22

Ap misik lego mene ekhe inu Benaya hun Yoyada amlogo awi Kabzeel agun ekhe welagaikhe. At andi re ailo'lek mondok li'lek agun welagaikhe. Hun andi nen he it Moab mene inobaget hilingiti lagaukwa inap inogogwi pire mene ekhe inoatikhe. Nekhe agun andi nenat enggi ekheba o salim es mondok huli'liphogo hilingi'mo kiling elekwe kwi lagaikhesik mene singa misik ekhe wasi kwisikheat.

MAZMUR 143:5

An nen nenggi attak welagagi mene omanogo faget ebethigik, Haren hilingitigin mene omanogo faget ebethigik, Hat henggiba nen elalhigin mene omanogo faget menenei ebetik, hilingiti lagi.

YEHEZKIEL 34:12

An nen he ap gembala nen at anggo domba heraginabi laluk, hesangge pesangge werek mene omanogo misi'mo kaboget fisa we'luk halinafarek hakhogo, It nagainafuri andi re inebe linggene mum mene weagerinaferek mene andiba nen nalek falek werek mene andoma woginarek fisa wesigin.

AMOS 3:12

Ap gembala misik ekhe anggo domba mene singa nen senggelhunem, oak pire sanoksek hea, esanggo tilipsek hea, nek heratarek hak, afuni Samaria mene inagaiyekhogo inebe nogoli'lagwikwe mondok fano meneba yinggilogo werek mene andoma re, we inebe endebat enek telinabumo re ineluk logogun o,” iluk ikhe.

ZAKHARIA 11:16

Andi re, An nen ap misik ekhe gembala a'luk An nanggo domba esa logalek mene andoma tegelinafi logouwageluk heragaisogo fagain o, oba nen he domba longgoikhi logogin mene omanogo re futfikhi logogin lek. Aren he, domba longgoluk werek mene omanogo herati'lek, nen, domba oumo werek mene omanogo fano asuageluk lebethigi'lek, nen, domba ineluk werek mene omanogo nunggu mene wogisigik ikhi logogin lek. We aren he, domba asei hokho mene andoma eino ninggi logolik he ineisok a'lip omanogo wokhigik helikhi logogin.

ZAKHARIA 9:7

Iren wam amep werek mene inom, na fuk iluk ili werek mene inom ninggi logogun lek. Afuni longgo imbik logogun menere An nagainafuri mene asumo it he Yehuda mene inom seberogo fisamo logogun. It Ekron mene re it Yebus inap o attak hilingik welagaukwa hakhogo re, An nagainafuri mene asugun.

LUKAS 2:8

Andem higit he, o Betlehem era'lukwe andoma, it ap wam konhu welagaikharek mene ekhe hubanggo inanggo konhu welagaukwa.

YOHANES 10:11

Domba eisewerek logolik kwalogo welagirek mene, nobabut fano re, An nebe aro. Domba eisewerek fano mene andi re, anggo domba elelerogo wa'lasigin iluk endawimo anggikherek.

ROMA 5:4

Ninendawinggen wurik agaresik wurep oba re, Allah nen ninobabut palogo fano ikherek. A'nogo ikherek oba, hobuk eberogoat fano asigin, iluk ninendawimo ninagaiyek hikhi lago.

IBRANI 11:33

It andi mondogat inendawinggen Allah oba himbirik welagaukwa andiba, it o ekhe inom weim yafi logolik, inogogwi kaindek inenupogot mene sebelfisaluk inawi sebelhi lagaukwa. Inobabut higithogo hilingiti lagaukwama, Allah nen he, ”Hit hobuk fano mene wokhisagain,” iluk abok yagaisasikhe mene andi, ebe wanhi lagaukwaat. Mene olomene hangge singa obabut weak mene andi ambe to'motik,

WAHYU 13:2

At mene olomene hokho mene wulibi wagunem higi andi ebe re, mene hak enu harimau hangge. Nen, eisok he, paik inum hangge hokho mene enu beruang andi eisok hangge. Nen, ambe re, mene olomene hangge enu singa ambe hangge mene a'nogo weinam agasi'mo re, at kisu hokho a'nogo nen, mene olo mene hangge andi yagati logolik, ”An kain nomame hokho logolik, yi mene ti mene eisewerek welagirek a'nogo hak, hat an nobali'mo kain logoinogeluk menhobagagi o,” iluk yagatunem holhi.

HAKIM–HAKIM 14:6

A'nogo emberek ambi agaukwasik, at Simson Tuhan nen omame aremnogoat wogotikhemo, wam kambing wasu hakhogo, singa a'nogo enggi nen libik-labakhogo watikhe. A'nogo watikhesik, aren he, ”An yi'nogo hilingiti,” iluk eisena agaisa yagaisigi'lek, afe motfisasikhe.

1 SAMUEL 17:15

at Daud enggi ekhe sambul he eisena anggo domba konigiluk Saul herakfuluk ambotkwe o Betlehem waga lagaikhe.

1 SAMUEL 17:33

A'nogo yagatikhemo, at Saul en he, ”Hat hebe oan sougerek welagen, nen at he ebe yenggerek oba nenat weim yafu aple yanggulhikhesik mondok elu mene o, hat hemberek elok yabuhagen egen a? Elo'lego,” iluk yagatikhe.

1 SAMUEL 17:35

sirok-murok he, ebe wa'luk, domba ambema nen telhirek mene o. A'nogo meneat he, at singa nen he a, beruang en he a, an nebe noasigiluk ugu halok, an nen alonggop fakfuluk komukhogo ebe mondok watirek aro.