Afuni Asyur mene inoe raja a'nogo nen, agot tentara kain mene nen Allah eluk welagarek mene endawimo serametfisaluk ane asegen wokhoagaluk lakfei wagama ane asegen wokhikhe mene andi, heisena Tuhan Allah esanggo holhesik, it ap a'nogo aga mene andi, wene inoba fagain a? Lek he a, sa elu. Andi nen he, hat heisena Tuhan Allah nen nit ekhe ninebe endebat nineluk welago mene ya faget kino yaga'no o,” iluk isikhemo yagasi lagaukwa.
1 SAMUEL 17:26 - Allah Wene Fano Wene Hupla Inane26 A'nogo isukwama, at Daud en mel isikhe: ”Ap Filistin mene Allah ane onggot mene ari re, ailo lega? Allah eluk mondok welagarek mene againafuri tentara mene inoba ane asegen wogisili'lago ari re, nailo e,” iluk isikhesik, ap tentara mene at era'lu welagaukwa mene ekhe mel yagaisasikhe: ”Afuni Israel mene inenu weagerogo fili'lago mene andi eiloak leget figik, nen ap Filistin mene andi ebe watik, igin agun andi re nena mene wogosugun nogo?” iluk heinok wogisasikhe. အခန်းကိုကြည့်ပါ။ |
1 SAMUEL 17:26
26 ပူးပေါင်းရင်းမြစ်များ
Raja Asyur mene a'nogo nen Tuhan it afuni israel mene nen apne wanhi lagaukwa mene a'nogo ane sagalogo iluk he surat palhikhe mene yi'nogo palek welagaikhe, ”It afuni inunggulenu amu mene inanggembu dewa andi nen he at againafuri andoma an nenggi omame a'ma nen lologo wulaginabu lek hak, nen at Hizkia anggembu dewa andi nen he ebenagaik,” iluk palhikhe.
Andi nen he, an nen ekhe ikhi logolik he, ”Hit he Allahba hinendawinggen hinailo a'luk welagep oba re it afuni nit ninaselei mene ineisena TUHAN hak mene ogo ekhe werek lek mene andoma nen nit nonomame legetfugu aplere selek ekhe logou lek mene re hiren hilingiti lagep mene andiba re mondok weak mene hilingiti lagep andi.
Yethani! Afuni weagerinabigin oba arat horogasi waga o. Tuhan nen ikhi logolik, ”Yi afuni ti afuni mondogat inagap inenggalimo mene palek lek mene inom, nen afuni Israel mene inagap inenggalimo mene palu hak inendawinggen oba nen eberogo anggili'lagwi lek mene inom inebe mondogat wene inoba fagain oba arat asi waga andi nen he:
Haren he, At Tuhan pogoroba mene eilhanem he, leget fakhikhi lagen andi. A'nogo leget fakhikhi logolik, hailo legengge iwak o Tuhan Awi wuri'mo inenggi abisak wanhukwa mene omanogo wani loagaluk yagaisegenma waluk wagaikhama re, hat hebe inom, hagoromi kaindek inom, hagagwi ebe mene inom, hagagwi hamingmingengge mene woginafigin mene inom, hinom iwak andomaba i keralhigik nenggep andi. A'nogo ninggi logolik, hat hebe heluk inom, yi mene ti mene mondogat inom at Allah enggiba werek kwelegat he, At agaukhogo fogerati'lek, tugwi kembu perak mene inom, emas mene inom, tembaga mene inom, posiemanggen mene inom, e mene inom, helep mene inom, agauwak hilingisogo pugunetarek mene ineilenggen isa re elo'lek meneat, inesanggo holu elo'lek meneat, wene futfou elo'legat mene andoma oba fogerati lagen andi o, noe.
”Hit afuni an nen fethinarek welagirek oba welagep mene mondogaren he, Daniel eisena Allah fogeraterek mene andiat hinailorogo welagik, fogeratik, ikhi logoino o. At andi re, hundik-hundik Allah eluk mondok welagarek mene, o wurep kobokhogo andoma afuni arenat ferinarek mondok logogin. Aren ferinarek welagarek mene andi re lek agi'lek, At enggiba mondok-mondok logogun.
Neisena. Haren attagat hendawirogo telninafi lagagin andi hak, yogondak ha'mage lagaluk, o kota Yerusalem inom, honggwarek handom oba inom, weaget fesigin andi hendawimo fano a'no o, neisena. Nit ninebe nen inom, ninombalagen inom, ninobabut weak hilingitik, kwanirogo hilingitik, ogorek andiba, afuni ninera'lukwe welagaikharek mene nen he, nit hagainafuri inendawimo seramet ninobagagik, nen, o kota Yerusalem inendawimo seramet figik, ili'lagwi o, neisena.
A'nogo anggasikhesik Aren mel yagaisasikhe: ”Yogondak An nen hit hinalabut ninghogo ninggi logobagaigeluk, gandum inom, anggur inom, e zaitun amusu inom, wokhisagain o. A'nogo wokhisambik, afuni inunggulenu hunogo mene nen inendawimo seramet hinobagali'lagwi mene andi inom, endo yakhinabi'lagwi mene andi inom, arigin hinafi logouwageluk herak hinobagagin lego.
Iren wene mel ili'lagwiat: ”It afuni o Tesalonika mene nen, Paulus lak inebe woginafasik he, eberogoat he, Allah eluk mondok welagarek mene andi aro, iluk awe a'ma logolik, at faget hilingitik, at amlogo pogoroba nen pi wesigin andi ebe nenangorogo welagik uogeluk he, tugwi kembu herakfisaluk inelokhe hebelogo Allah wogetukwasik werego. Allah nen amlogo wa'lagaikhemo nen eluget fesikhe a'nogo ebe Yesus andi aro. Nen, Allah a'mage afuni inoba fagain sambul he, nit Yesus andi nenat telninabigino,” iluk, hinabok fano ili'lagwi aro.
Hit logoin sambul he Tuhan nen hit hinaselei mene afuni o Kanaan mene inom, Feris mene inom, Het mene inom, Hewi mene inom, Girgasi mene inom, Amori mene inom, Yebus mene inom, mugusogo wulak fisikhi logogin. Nen Peti Wene Warek Tuhan pogot kweang elalhikhe mene a'nogo nen hit hinelokhoma i Yordan palago wulibi logoin oba andemen, Allah eluk mondok welagarek mene a'nogo hit hinanggele'ma andoma were'ma hineilenggen hogoin o.
Yagatukwama, at Nahas nen he, ”Yi'nogo hilingisugun halok enek he, ninom wene elok wat-wat ugun o: Hit afuni Israel mene mondogaren he, nit ninebe inabit higi, iluk inenggali asuageluk, hit hinebe lombok hineilenggen pikhitkwe hemelogo lakfisigi halok enek he, ninom wene elok wat-wat ugun o,” iluk yagaisasikhe.
Were'ma andikwe louwogeluk laga logolik, at Yonatan nen he, agot alage mene a'nogoba mel yagatikhe: ”Nineisena Tuhan he ap inebe hokhorogo halok ogo, nen endebat halok ogo, elok inomamet fisa hagenego. Enggere Aren omame wo'nisagain anggikhi lagi hilingi'mo re, nit ap Filistin mene Allah ane inonggot mene inawi pos wuri'mo andoma louwogo,” iluk yagatikhe.
A'nogo hilinglagaikhemo, at Saul agot alage mene ekhe at asikhe waluk wagaikhe mene a'nogo oba mel yagatikhe: ”An nebe ap Tuhan inonggot mene andi nen inane asegen wo'niikhi logombigen noasi nogo nen he, hat henggarok lisogo wanimbik he, nebe noasin o,” iluk yagatikhe meneat he, ap alage mene andi, at Saul ebe mondok agaukhogo hilingiti lagaikhe andi nen he, ebe wati'lek herakfisasikhe. A'nogo herakfisasikhemo, at Saul onggwarek enggarok wanhikhesik kweangma telfesikhesik he, ebe taunghogo waragaluk enggat oba weing lagaikhe.
ကြော်ငြာတွေ