1 SAMUEL 17:10 - Allah Wene Fano Wene Hupla Inane

¹⁰ Yogondak hit ap tentara Israel mene yi, nane asegen wokhisikhi lagi o. Weak-weak an weim nemberek walhouwogen he, ap ekhe wenagaisogo feni re,” iluk yagaisasikhe.

1 SAMUEL 17:10 ပူးပေါင်းရင်းမြစ်များ

2 SAMUEL 21:21

A'nogo logolik he, aren it Israel mene faget piliphogo pelaginafi lagaukwama re abo Yonatan hun Simea amlogo at Daud oe a'nogo nen warogo fesikhe.

2 SAMUEL 23:9

Esa Henagan mene andiba nen ap pirenek mene enu re Eleazar hun Dodo amlogo it Ahohi inap andi mene. Aren he Daud inom lagaikhesik afuni Filistin mene inom weim yabugun iluk esa logalhi lagaukwa mene omanogo inom weim yabi lagaikhe. Lagaikhesik he it Israel inap weim yafi lagaukwa mene a'nogo sugulogo wagunem he,

2 RAJA-RAJA 19:4

Afuni Asyur mene inoe raja a'nogo nen, agot tentara kain mene nen Allah eluk welagarek mene endawimo serametfisaluk ane asegen wokhoagaluk lakfei wagama ane asegen wokhikhe mene andi, heisena Tuhan Allah esanggo holhesik, it ap a'nogo aga mene andi, wene inoba fagain a? Lek he a, sa elu. Andi nen he, hat heisena Tuhan Allah nen nit ekhe ninebe endebat nineluk welago mene ya faget kino yaga'no o,” iluk isikhemo yagasi lagaukwa.

NEHEMIA 2:19

A'nogo fesukwama, it Sanbalat inom, Tobia inom, Kesyem aiba Arab mene a'nogo inom, inesanggo holhukwasik, wagaukwasik endo ya'ninafik, inane asegen wo'nisigik, ikhi logolik, ”Hit ninggi'nogo hilingisuogeluk hilingiti lagep? Ap raja andi ninabit, iluk folim hibisuogeluk hilingiti lageba?” iluk yaganisasukwa.

AMSAL 16:18

Wonoget fakhagarek oba re ambisangma al perelinaferek, nen foget fakhagarek oba re ambisangma re talorogo pagarek.

YEREMIA 9:23

A'nogo yagaisigimo Tuhan nen mel ikhe: ”Ap ekhe endawinggen kagalek andi nen fogerakhigik, it ekhe inomame hokho andi nen fogerakhigik, it ekhe inangge yi mene ti mene mondok hokhorogo werek andi nen fogerakhigik, ugun mondok lego.

DANIEL 4:37

Ma re, yogondak an Nebukadnezar en Allah Enupogot pogoroba mene esinet figik, legeisogo figik, fogeratik, ikhi lagi. Aren he, higithogo hilingitik, eberogoat mene hilingitik, ikhi logolik, afuni inonggwaregen leget fakhaluk foget fakhagarek mene re aren sebelogo pelakfisikhere'ma higi o,” iluk isikhe.

1 SAMUEL 17:11

Ane asegen a'nogo wogisugunem, Saul agoromi tentara mene inom inesanggo holhukwasik he, ina'manggen hokho mene lagaukwasik he, inailo mondok agaikhe.

1 SAMUEL 17:36

A'nogo wati lagingge re, ap Filistin mene Allah ane onggot mene andi nen Allah eluk mondok welagarek mene againafuri tentara mene ane asegen wogisili'lago andi nen he, an hamingmingengge nen mene olomene a'nogo watirek hagat elok wasigin anggikhi lagi o.

1 SAMUEL 17:45

A'nogo yagatikhe meneat he, at Daud en mel yagatikhe: ”Hat he, an noasigiluk henggarok inom, afi'lolo inom, arige kabelek inom helaluk wagen meneat he, an enek he, ap tentara Israel mene haren hendawimo seramet fisaluk hane asegen wogisegendek mene ineisena Tuhan Allah yi mene ti mene hilingiterek enek mene a'nogo enuba hoasigiluk wagi o.