1 SAMUEL 16:7 - Allah Wene Fano Wene Hupla Inane

⁷ A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.

1 SAMUEL 16:7 ပူးပေါင်းရင်းမြစ်များ

KEJADIAN 4:5

Meneat he, at Kain nen fesikhe mene re herakfisasikhe. A'nogo herakfisasikhemo, at Kain a'mage hokhorogo lagasikhesik, elokhe age lagasikhe.

2 SAMUEL 14:25

At Absalom ebere ap mondok fano elokhe pugunsek amlogo iluk it Israel inap were'ma andoma inebe mondogaren foget fikhi lagaukwa. At eisok agut oba nen pikhit esiba mondogat he fano mondok welagaikhe. Nen at ebe pugunsek aple andi sebelek hak kwelek ap ekhe aren ambolkwe pugunsek mene ekhe welagaukwa mondok lek.

2 SAMUEL 7:20

An nobabut hilingitirek mene mondogat hat helu andi nen he, an nen ninggi'nogo yagahesigin nogo? Neisena.

1RAJA-RAJA 8:39

Hat hebe pogoroba welagen oba andoma logolik inane hesanggo holfuluk he, weak hilingisugun mene sagalogo legetfisigik, yi mene ti mene leberisigik, ikhi logoino o, neisena. Hat hamunek he, afuni inendawimo anggagarek mene andi helu welagendek andi nen he, hagainafuri o nit ninombalak wogisasigin oba yoma logolik, Hat hebe inailorogo hane hologo hilingitu mondok logouwagen, inebe lombok, weak hilingitik, fano hilingitik, hilingisugun higithogoat wene inoba figik, kotik, ikhi logoino o, neisena.

1 TAWARIKH 17:18

Neisena Tuhan Allah an nen he nena aple ekhe Hat hoba igin nogo? Haren he an hamingmingengge yi faget he modok helu-pelurek logoligat legeisogo nobagakhi lagenma o.

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

2 TAWARIKH 16:9

It afuni inendawinggen Tuhan oba tibet fuluk hilingitu halok At Tuhan nen omame wogisagain iluk o kweangma yoma mondogat Tuhan nen eil halinafi logolik werek. Haren mondok kemburogo hilingiten ma re yogondak huli nen he ap hinom weim yabi waga logolik enek were'ma hikhi logogin o,” iluk yagatikhe.

2 TAWARIKH 6:30

Hat hebe pogoroba welagen oba andoma nen hesanggo holiluk inaweak honggorabethogo hilingfisano. Afuni mondogat inendawimo hilingik mene we Hat hamuat helu welagendek. Nen it Hat hagainafuri o kweang nit ninombawi inoba wogisasigin oba yoma logolik, Hat hane hologo hilingitik, Hat halong anggaluk ninailorogo welagik, hilingiti logogun nen he,

AYUB 10:4

Haren heilenggen nisikhi lagen mene andi re, nit afuni nen nineilenggen isikhi lago hak he fuk,

AYUB 35:5

Hineilenggen pogoroba liakhambik he, o pogot anggulok walek po'lima werek andi fogera'ni o.

MAZMUR 139:2

An nobabut hilingitirek mene mondogat he Hat helu welagen, Hat hebe yatma nen he, an nen ebetirek mene futnobagakhi lagen.

MAZMUR 7:9

We, Haren enek afuni inawene ayo wurogo pilinginafi lagenma re, Tuhan neisena, an he weak hilingiti le'ma re we Harenat nawene katokhogo palnobagain o.

AMSAL 15:11

Tuhan he kweangma ap wa'la'luk lagaikharek obabut hilingik mene mondogat piling palanghogo elure'ma re, afuni inendawimo wenggelhu mene re At ebe le'ma ninggini'mo hinakfou hak nogo?

AMSAL 16:2

Ap inebe lombok inobabut hilingitarek mene andi re inonggwaregen kumut hikhi logolik an fano hilingiti lagi iluk anggagarek, oba nen he Tuhan nenat inendawimo anggili'lagwi mene a'nogo futfisikherek.

AMSAL 24:12

Telinabigiluk haren yi'nogo ino.” Wene andi an nen hilingisuageluk werek fuk!” iluk igin. Oba nen he At Allah nen hat hoba eilenggen logolik, Aren hat wenggelhen mene andi re higithogo lebetheagain. Nen Arenat it hilingisugun onggo wene inoba fagainat.

AMSAL 31:30

Hemi inane lebelek andiba lalinafaregat, nen, inelokhe fano andi mene longgoikherek, meneat he, it hemi Tuhan oba lomborogo logolik, ane hologo hilingitarek mene andi agaukhogo fogerinabugun higit obaat agaugwerinafarego.

YEREMIA 11:20

A'nogo ikhi lagaikhama An nen Tuhan oba samban ikhi logolik, ”Tuhan neisena, Hat Homame Hokho mene, Hat he wene fano ayo wurogo tegetendek mene welagen. Afuni nen anggagarek mene inom wenggelharek mene inom obabut palhendek mene re neisena Harat welagen. An nawene noba mene yi re Hat henggiba fikhi lagi o, neisena. We Haren erenat afuni andoma inoba ambisangma hilingfisugunem heagain o neisena,” iluk samban isigi.

YEREMIA 17:10

An Tuhan nen he afuni inendawinggenma peneti lagi, nen inendawinggenma wenggelharek mene obabut palhi lagi. Afuni inebe lombok he inobabut hilingitu lombok An nen ambisangma hilingfisikhi lagi, nen it hilingitu higithogo An nen ogo a'nogo hilingfisikhi lagi aro,” iluk ikhe.

YEREMIA 20:12

Oba nen Tuhan neisena, Homame Mondok Hokho mene, Haren he mondok katokhogo nek afuni inobabut palisikhi lagen. Iren inendawimo anggili'lagwi mene inom, eberi'lagwi mene inom andoma re Hat mondok helurek. Andiba re Tuhan neisena, an nawene re Hat henggiba figiri'mo re, Haren naselei mene andoma inoba ambisangma hilingfisugunem isayogen he, neilenggen isoageluk hilingnobagain o.

LUKAS 16:15

A'nogo isukwama re, at Yesus nen it yagaisikhi logolik he: ”An higit hilingiti lagi, iluk afuni ineilhanem hinobabut higit mene hangge hilingiti lagep. Meneat he, Allah nen hinendawinggen mondok elu o. Yi mene ti mene it afuni nen fano iluk esinet fisagarek mene andi re, at Allah mondok abiro.”

YOHANES 7:24

Wene ebe furogo hinonggot meneat he, we wene weinam mene nek hinelu logolik, afuni ekhe wene inoba fogoin lego. Wene furogo hinelu a'lugen, weak hilingitarek hgithogoat wene inoba fikhi logoino o,” iluk yagaisasikhe.

YOHANES 8:15

Hiren he, wene noba fikhi lagep andi re, hit afuni-afuni wene inoba figik, kotik, ikhi lagep hagat noba fikhi lagep meneat he, an enek he, afuni wene inoba fikhi lagi mondok lego.

KISAH PARA RASUL 1:24

Inenu isukwasik, Allah ayonggo fikhi logolik he, ”Nineisena. Yudas hat hane yagaisilik nikhi logouwageluk ayonggo fesigin meneat he, aren herakfisaluk wa'lasigin higithogoat wa'lagama, obali'mo ap inebe pire yi, haren ap ki hak ayonggo fegen. Hat afuni inebe mondogat inendawinggen helu andi. Halok, ap ebe yi ayonggo figi, iluk, haren yaganisan o,” iluk yagatukwa.

2 KORINTUS 10:7

An nen wene weinam mene igin yi re, futfenio. At ekhe endawimo nen he: ”An nebe re, Kristus mene welagi,” iluk futfikhe halok he, onggwaregen obabut palikhi logolik, ”An nebe re Kristus amlogo welagi hak he, it Paulus lak andi ogo a'nogoat werek,” iluk futfouwago.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

1 PETRUS 2:4

At ebe helep hangge eluk welagarek mene iluk he, oba we'no. Afuni nen he, ”Helep andi weak,” iluk hebisasukwa meneat he, Allah nen he, ”Helep yi mondok fano meneat,” iluk wenagaisogo esinet fesikhe.

1 PETRUS 3:4

Athe, hinoba fanorogo re, hinendawinggen faget hinago mene andi wanhi logoino. Andi re, hinobabut mondok logogin mene enago welagik, lioksek welagik, ikhi logoino o. Hinobabut Allah eilhanem a'nogo hilingitunem, at endawimo nen fano mondok anggikherek he andi aro.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.

1 SAMUEL 2:3

at ege ebe were'ma yagasu hak, mel isikhe: ”Hat nege nen heranen weneat honggwarek fogerakhigik, sewirakhigik ikhi logolik, yaganesigin mondok lego. Nineisena Tuhan yi mene ti mene faget futfikherek enek hilingi'mo re, afuni inobabut hilingitarek lombok mondogat higithogo nek wene inoba figik, kotik, ikherek andi nen, hat heranen wene an nabok piliphogo pela'nafi lagen mene andi re elugun warogo hane tonggok in o.

1 SAMUEL 9:2

At Kish andi amlogo re, ap souge fano mondok mene enu Saul welagaikhe. Afuni Israel mene ap mondogat endebat fano hangge meneat he, arenek he, eil alili mondok fano pugunsek welagaikhe. At oakhuse re it Israel mene endep mangge omolo huli werek kwelek arenek he mondok uan mene welagaikhe.