1 SAMUEL 16:16 - Allah Wene Fano Wene Hupla Inane

¹⁶ Andi nen he, haren fano anggegen halok he, niren ap gitar waterek elu mene ekhe herasugun o. Herasumo, hat munggwarengge obabut weak mene andi nen hoba yi enggin ti enggin fikhe halok he, hat hoba liokhogo fano logoinogeluk aren gitar wati logouwago,” iluk yagatukwa.

1 SAMUEL 16:16 ပူးပေါင်းရင်းမြစ်များ

KEJADIAN 41:46

A'nogo menfesikhesik agwe a'nogo wogotikhemo, at Yusuf ebe umur 30 tahun oba yabu raja Firaun aiba Mesir mene faget, hilingisigiluk ero fakfesikhe. Fakfesikhesik, at Yusuf ebe raja Firaun aiba andoma nen o Mesir esanggokwe yi awi ti awi mondogat eilenggen hilik lagaikhe.

1RAJA-RAJA 10:8

Hat hagagwi inendawimo nen he iaple anggili'lagimo aro, nen, hagoromi heilhanem hat faget hundik-handik hilingiti logolik, hat hendawinggen kagalek logolik hilingitunem, ineilenggen hiili'lagwi mene andi, inendawimo hai hikhi logouwak aro.

2 RAJA-RAJA 3:15

Enggere, yogondak ap pinggong kecapi watu mene ekhe waluk we'ni o.” Andi isikhemo re, ap pinggong kecapi watu mene a'nogo nen kong etu kwelek he at Elisa a'nogo Tuhan Areagun oba lougisikhe.

1 SAMUEL 10:5

A'nogo hilingi'luk he, hat hebe o Gibea tom Allah andom oba ap Filistin mene inawi su mene wuri'mo andoma lagain a'naga. Lambik, kwe o kota kwagarek oba andem lagain hak he, ap Allah ane yagaisagarek mene esa logalek ekhe o tom oba wam Allah faget warogo noletarek oba andoma nen pi waga logolik, wuni lagik-wagik watik, a'mit sup igik, yi pinggong ti pinggong inom, gitar magendek mene inom, iwak sogoloak hangge inenggi nen watarek mene inom, seruling hulenggen hakhogo watarek mene inom, gitar hokho mene inom, anethilik pi wagunem hinom ambi asugun a'naga.

1 SAMUEL 16:14

At Saul Allah Areagun nen herakfisaluk wulifikhemo re, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, oba yi enggin ti enggin hugu mondok welagaikhe.

1 SAMUEL 16:15

A'nogo hilingiti lagaikhe andi nen, at Saul amingmingengge nen mel yagatukwa: ”At nineisena Tuhan nen munggwarengge obabut weak mene ayonggo fikhesik hoba lakfei wagunem, aren hoba yi enggin ti enggin fili'lago andi ninelu o.

1 SAMUEL 16:17

A'nogo yagatukwama, at Saul en he, mel yagaisasikhe: ”Ap gitar watarek inelu mene halok herasi lambik he, noba waluk we'no o,” iluk yagaisasikhe.

1 SAMUEL 18:10

A'nogo abiret fesikhesik ohealekwe re, at Saul sige enggim fisogo aiba were'ma aremnogoat, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, afuni lugu-lugwi palik mene nen hilingisu hak hilingitikhe. Andem oba re, at Daud ebe pinggong wati lagaikhe hak watunem,

1 SAMUEL 19:9

A'nogo helalagaukwama, inenggi ekhe sambul he, at Saul arige enggimoat fisogo aiba hurek were'ma, aremnogoat nineisena Tuhan nen munggwarengge obabut weak mene ayonggo fesikhesik oba lakfei wagaikhe. A'nogo lakfei wagaikhe andi sambul he, at Daud ambinggong watu welagaikhe.