1 SAMUEL 16:14 - Allah Wene Fano Wene Hupla Inane

¹⁴ At Saul Allah Areagun nen herakfisaluk wulifikhemo re, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, oba yi enggin ti enggin hugu mondok welagaikhe.

1 SAMUEL 16:14 ပူးပေါင်းရင်းမြစ်များ

2 SAMUEL 7:15

A'nogo meneat he, An nen, yi'nogo hilinghinafu logogin, iluk wene watheti andi hagat, at andi fanotfugu mondok logogin o. At faget wene watheti mene andi, at Saul menhobagagi raja were'ma An nen at futfuluk hat hebe raja logoinogoluk menfagagi andi hak hilingisigin mondok lego. We, nenggi ninghogo fisogo logogin o.

1RAJA-RAJA 22:19

A'nogo yagatikhemo, at Mikha nen wene ekhe mel yagatikheat: ”At nineisena Tuhan ebe hurek welagarek oba takhta ba hurek were'ma, agoromi malaikat yonggo lakfisikherek mene omanogo re At era'lukwe omanogo mendek logolik were'ma isigi. Nen yogondak he At Tuhan ane ikhe mene re yi'nogo yi hinesanggo holini!

1RAJA-RAJA 22:22

A'nogo ugunem, Tuhan nen heinok wokhikhi logolik he, ninggi'nogo hilingiti logoligen, endawimo kagaligin, iluk heinok wokhikhemo, munggwarengge a'nogo nen he, ap nabi-nabi Hat hane yagaisagarek mene andoma nen, ap Ahab wene ineranen wene yagasuagaluk an nebe nenat inendawimo kagali lagain o, iluk yagatemo, Aren he, fano mondok. Haren a'nogoat hilinginabimbik, ap Ahab endawimo kagalhunem ebe asiginmo re, lan o, iluk yagati laga o,” iluk yagatikhe.

MAZMUR 51:11

An weak hilingiti mene andi faget Hat helokhe kwanirogo logogun o. Yi weak ti weak hilingiti lagi mene andi re, sebelogo legetfisaluk horogo nobagain o.

HOSEA 9:12

Oba nen iren inagainafuri taginapluk kulogo sougerinafi logogun oba nen ogore An nen woginafi logogin, Ap misik iluk ogo ekhe ineluk fisikhi logogin lek. Yago, hit Israel mene yi sani, An nen hit oboget hisagain oba andem he, hinebe alomat lakhogoin o!” ikhe.

HAKIM–HAKIM 16:20

A'nogo hilingfuluk ane hokhoba re, ”Simson! ap Filistin mene wagaikha o,” iluk isikhemo, at Simson menlagaikhesik Tuhan nen at herak fesikhe a'nogo onggothogo re endawimo nen enek he, an nen attak hilingiti aremnogo hakhogo wulibigin anggasikhe.

HAKIM–HAKIM 16:29

A'nogo isikhesik at Simson nen he e fesengge pelabek welagaikhe mene aremnogoba enggi senfesikhe. Senfesikhesik he, enggi pikhit fikhiren he e fesengge pelabek mene ekheba, nen enggi hare fikhiren he, e fesengge pelabek mene ekhe a'nogoba omamerogo senfesikhesik,

HAKIM–HAKIM 9:23

A'nogo welagaikhesik Tuhan nen Abimelekh inom it afuni Sikhem mene inom minggil-manggalhogo hilinglasuageluk hilingisogo fisasikhemo, iren he at oba ane oak lagalhukwa.

1 SAMUEL 11:6

A'nogo yagatunem aremnogoat, at Saul Allah Areagun endawimo peterogo kwisikhemo, at a'mage hokhorogo lagasikhesik,

1 SAMUEL 16:15

A'nogo hilingiti lagaikhe andi nen, at Saul amingmingengge nen mel yagatukwa: ”At nineisena Tuhan nen munggwarengge obabut weak mene ayonggo fikhesik hoba lakfei wagunem, aren hoba yi enggin ti enggin fili'lago andi ninelu o.

1 SAMUEL 16:16

Andi nen he, haren fano anggegen halok he, niren ap gitar waterek elu mene ekhe herasugun o. Herasumo, hat munggwarengge obabut weak mene andi nen hoba yi enggin ti enggin fikhe halok he, hat hoba liokhogo fano logoinogeluk aren gitar wati logouwago,” iluk yagatukwa.

1 SAMUEL 16:23

Andi huli nen he, at Saul munggwarengge obabut weak mene a'nogo oba asi wagu sambul he, at Daud en ambinggong kecapi a'nogo waluk kongeti lagaikhe. A'nogo kongetunem at Saul oba munggwarengge obabut weak mene a'nogo herakfuluk lagunem oba liok uluk, fano welagaikhe.

1 SAMUEL 18:10

A'nogo abiret fesikhesik ohealekwe re, at Saul sige enggim fisogo aiba were'ma aremnogoat, nineisena Tuhan nen munggwarengge obabut weak mene ayonggo fesikhesik Saul oba lakfei wagaikhemo, afuni lugu-lugwi palik mene nen hilingisu hak hilingitikhe. Andem oba re, at Daud ebe pinggong wati lagaikhe hak watunem,

1 SAMUEL 18:12

A'nogo hilinglagaikhemo, at Saul endawimo nen he, ”Nineisena Tuhan nen an herak nobagaikhesik, Daud enek he, serogo werek higi,” iluk futfesikhe. Andi nen he, at Daud faget hobuk a'nogo hilingisu re, ailo agaikhe.

1 SAMUEL 28:15

A'nogo hilingitikhemo, at Samuel en Saul mel yagatikhe: ”Nenahalok haren an elelnafi lagen? Nenahalok haren an nekhengge sugulogo wesuageluk wolnabi wagen,” iluk yagatikhemo, at Saul en he, ”Ap Filistin mene nen ninoasuogeluk wagaikhama, Allah nen he, an nen hilingisigin mene yaganesuagaluk kino yagati meneat he, nebe hera'nobagaikhemo nogo nen he, ap at ane yagaisagarek mene yagaisugunem yaganeti'legat, nabiba yaganeti'legat, andi nen nobakhe palagama nen he, an hobuk hilingisigin mene haren yagane'nogoluk yagahesi wagi o, neisena,” iluk yagatikhe.