1 SAMUEL 16:12 - Allah Wene Fano Wene Hupla Inane

¹² A'nogo yagatikhemo, at Isai nen he, amlogo a'nogo ayonggo lakfisasikhemo, wolesi lagaukwama re, ap alage fano mene agap mola eil alili mondok fano mene wagaikhemo, At nineisena Tuhan nen Samuel mel yagatikhe: ”An nen igi a'nogo ebe ari o. Andi nen he, haren zaitun amusu unggul oba warogo menfein o,” iluk yagatikhe.

1 SAMUEL 16:12 ပူးပေါင်းရင်းမြစ်များ

KEJADIAN 39:6

At Potifar angge yi mene ti mene mondogat at Yusuf enggiba fesikhe andi. A'nogo enggiba fesikhemo at Yusuf en hilingitu kwelek he, Potifar en yi mene ti mene aiba mene hilingisigin oba ebeti'lek endawinggen menenei sikhiphogo logolik, we, amburu nagain mene nek eberek welagaikhe. At Yusuf ebe re, omame hokho eil alili mondok fano agun welagaikhe.

2 SAMUEL 23:1

At Yakub eisena Allah nen ap Isai amlogo Daud ebe kain enupogot logouwagaluk menfesihkesik he, ebe ap hokho enuwerek mene logouwageluk hilingisogo fesikhe. Nen, at Daud enat he wuni afuni Israel mene faget felalogo wati lagaikhe. Nen at Daud ane elugun oba isikhe re yi'nogo:

2 SAMUEL 7:8

Andi nen he, An Tuhan yi mene ti mene hilingisu hagenek mene a'nogo nen he, namingmingengge Daud yaga'nogen iluk yagahesigin mene yi, mel ikhe iluk yaga'no: Hat hanggo domba konhi logolik o leimo were'ma wokhafigisik, nagainafuri Israel mene inoe raja logoinogeluk menhobagasigi andi.

1RAJA-RAJA 1:34

Lambik he, ap imam Zadok inom, Allah ane yagaisikherek mene Natan inom emberegen amusu unggul oba kweisalogo afuni Israel mene inoe raja menfouwago. A'nogo arat menfaga halok he, hiren pinggong ane hokho mene a'nogo anethikhi logolik, hinane ami'mit suphogo lakfikhi logolik mel ino: Ninoe raja re Salomo logouwago, iluk ino o.

MAZMUR 2:2

It afuni kweangma mene inogogwi raja-raja omanogo inom, kaindek-kaindek inomame hokho mene omanogo inomen, nit nineisena Tuhan inom ap Raja Aren wenagaisogo fikhe mene a'nogo inom, emberek inoasuogoluk weim abok inebe mondogen inane misik seberogo mata andi.

MAZMUR 2:6

Aren ikhi logolik he, ”Ap an nen wenagaisogo figi mene a'nogo ebe raja logouwagaluk, nonggwarek nandom Sion Mondok Horek mene a'nogoba arat menfigi o,” iluk isikhe andi.

MAZMUR 78:70

Aren he amingmingengge Daud a'nogo wenatikhesik he, at ebe anggo halhu welagaikharek mene omanogo inanggele'ma nen wanhikhe,

KELUARAN 2:2

Wanhikhesik, at he a'nogo eak abengge takhasikhe. A'nogo takhasikhesik, eilenggen kwelakhasikhe re, omalik a'nogo fano mondogen hinakfesikhesik were'ma tugi henagan welagaikhe.

KIDUNG AGUNG 5:10

An nendawi hundik mene andi re ap inebe sepuluh ribu mene inanggele'ma nen arenek he ebe fano mondok logolik hibilik-hebelek mene werek.

RATAPAN 4:7

O attak he nit ninogogwi kaindek fetninarek welagaukwa mene omanogo re no kapas eil kut welagarek andi hak hilingik welagaikha, it inebe re inomamerogo logolik inoba ou legengge fano mondok welagaikha.

ZAKHARIA 4:14

A'nogo yagatimo aren ikhi logolik, ”Andem he, ap pire mene Tuhan o pogot kweang elalhikhe agun a'nogo nen At obaget hilingiti logouwageluk enogo menfisasikhe mene aremnogo re andem o,” iluk yaganetunem higi.

KISAH PARA RASUL 4:27

A'nogo isigin hagat, at Herodes inom, Pontius Pilatus inom, afuni endakwe mene inom, afuni Israel mene inom, hat honggwarek hamlogo Yesus, nit afuni telninabuageluk menfesigin mene a'nogo, wasuogeluk eberogoat o yoma andogosi wagaikha andi faget isigin andi.

KISAH PARA RASUL 7:20

A'nogo hilinginafi lagaikhe andem sambul, at Musa ebe fano mondok ta'lagaikhemo re, tugi henagan eisena aiba fisogo welagaukwa.

IBRANI 11:23

At Musa ogo re, eisena agaisa inendawinggen Allah oba himbiret fuluk welagaukwa andiba, Musa ebe tatukwasik kumuthasukwa re, omalik ebe fano mondogen, at ap kain andoma mene nen wene wulafikhe mene inailo legat omalik tago andi hinakfesukwasik werek kwelek he, tugi henagan folelhikhe.

1 SAMUEL 16:18

A'nogo yagaisasikhemo holhukwasik, at aminmingengge ekhe nen he, ”Ap enu Isai aiba Betlehem mene andi amlogo gitar watu elu mondok mene. At andi obabut tentara logolik weim ailo lek hilingiti logou hak mene. Obabut oba inom, elokheba inom mondok fano. Wenenggak fano ikherek mene. A'nogo ugunem, at nineisena Tuhan nen lebethugu mondok welagarek mene were'ma higi o,” iluk yagatikhe.

1 SAMUEL 17:42

Waga logolik, eilenggen Daud yetha wagaikhesik ebe futfesikhesik he, at ebe alage oan fano mene nen he, ane asegen waganogo endo agaikhe.

1 SAMUEL 17:55

At Saul en he, Daud en ap Goliat a'nogo wasi lagaikhemo eilenggen hasikhesik he, agoromi tentara mene inoe enu Abner oba heinok wanhi logolik he, mel isikhe: ”Abner, ap alage ari sa amlogo nogo,” iluk yagatikhemo, at Abner en he, ”An hagot he, nonggoro,” iluk yagatikhe.

1 SAMUEL 9:17

Andi nen he, at Samuel eilenggen Saul yetha wagunem he, Tuhan nen mel yagatikhe: ”An nen o hu'mo yagaheti a'nogo ap ebe yi aro. Aren nagainafuri ferinarek logogin o,” iluk yagatikhe.