1 SAMUEL 16:11 - Allah Wene Fano Wene Hupla Inane

¹¹ A'nogo yagatikhesik, ”Hat hagainafuri ap inebe ya ara?” iluk heinok wokhasikhemo, at Isai nen he, ”An namlogo elabo mene ekhe werek meneat he, wam domba waluk lagasik konik nikho o,” iluk yagatikhe. A'nogo yagatikhemo, at Samuel en he, ”At andi oan wagi'lek werek kwelek, nit wam isago nogoin mondok lego, andi nen he, ayonggo ap ekhe lakfisan o,” iluk yagatikhe.

1 SAMUEL 16:11 ပူးပေါင်းရင်းမြစ်များ

2 SAMUEL 13:3

Nen at Amnon agailak ekhe awenggelek mondok weak mene enu re Yonatab, at Daud oe hun Simea amlogo andi welagaikhe.

2 SAMUEL 7:8

Andi nen he, An Tuhan yi mene ti mene hilingisu hagenek mene a'nogo nen he, namingmingengge Daud yaga'nogen iluk yagahesigin mene yi, mel ikhe iluk yaga'no: Hat hanggo domba konhi logolik o leimo were'ma wokhafigisik, nagainafuri Israel mene inoe raja logoinogeluk menhobagasigi andi.

1 TAWARIKH 17:7

Ariginik enggere Natan ahwi, An namingmingengge Daud andiba re, Tuhan Omame Hokho mene a'nogo nen yi'nogo ikhe ino, hat he heabu wam domba o leimo halhunemen wokhafirik An nagainafuri Israel mene inobaget inoe raja logouwageluk menhobagagi o

KELUARAN 3:1

Andem sambul he, at Musa wam eamal Yitro Allah eisewerek o Median mene a'nogo anggo domba, kambing inom konhi lagaikhe. Konhi logolik, wam woginarek he, o leimo afuni le'ma abel yikwe wagaikhesik, Allah onggwarek andom Sinai oba wagaikhe.

1 SAMUEL 16:10

A'nogo nek ikhi lagaikhemo, at Isai nen he, againafuri inebe 7 nen mondogat a'nogo Samuel elokhoma misik-misik loageluk lakfisigik isikhe meneat he, at Samuel en he, mel yagatikhe: ”It inebe yi mondogat nineisena Tuhan nen wenaginafe mene re lego,” iluk yagatikhe.

1 SAMUEL 17:28

At Daud ap tentara mene omanogo nen wene a'nogo yagatunem he, at Eliab, Daud oe manggusa mene a'nogo nen esanggo holhikhesik, a'mage hokhorogo lagasikhesik, at Daud wenageti logolik, mel yagatikhe: ”Hat yoma nenahalok wagen? Hanggo domba endebat o leimo a'lima werek aremnogo sa fisogo logouwagaluk yaga'luk wagen? Hat hobabut he, mondok weak fogerakhikhi logolik hilingiti lagen a'nogo an nelu o. Weim yafunem, we, heilenggen faget isagaluk wagen a'nogo lek nogo a?” iluk yagatikhe.