1 SAMUEL 15:6 - Allah Wene Fano Wene Hupla Inane

⁶ A'nogo salek logolik, afuni Keni mene faget wene mel iluk warogo lakfesikhe: ”Endamat hit hinombalagen afuni Israel mene o Mesir en wagunem, ninagaila'lak, iluk fano hilinginafukwa andi nen he, an nen afuni Amalek mene wulil tagalogo legetfisikhi logolik, hit hinom hinoasi nogo nen he, afuni Amalek mene herakfisaluk heise weak-weak wulibino o,” iluk wene warogo lakfisasikhemo yagaisasukwama re, heise wulifukwa.

1 SAMUEL 15:6 ပူးပေါင်းရင်းမြစ်များ

KEJADIAN 15:19

afuni Keni mene inaiba inom, Kenas mene inaiba inom, Kadmon mene inaiba inom,

KEJADIAN 18:25

Haren afuni weak hilingita mene andi wene inoba fembik inoati logolik afuni weak hilingiti'lek mene andi inomat inoasigin andi nen he, afuni weak hilingiti'lek mene andi, it weak hilingita mene inom inoatun o. Haren kweangma mene inom, pogoroba mene mondogat wene inoba figik kotik egendek andi weak ugun nogo? Higit hogoat egendek andi,” iluk yagatikhe.

1 TAWARIKH 2:55

It inenu Tirati mene inom, Simati mene inom, Sukhati mene inom, o kota Yabes a'nogo ba welagaukwa inap andoma re, lisu palhu mene faget inom, surat esin mene palhu mene faget inom mondok inelu-pinelu inap welagaukwa. It andi re, ap Keni inaben it Rekhap inap inom woginafukwasik welagaukwa mene omanogo.

KELUARAN 18:19

Andi nen he, an nen komothabigin mene yi holin, Allah nen lebethabigin. Nen haren afuni yi inenuba it inane waluk Allah elokhoma laga lagen mene andi re mondok fano o.

AMSAL 9:6

Haren kemburogo hilingiti lagen mene andoma herakfisan o, hat heluk fanorogo logoinogen he, ap higithogo hilingitarek mene nen hilingiri'lagwi mene andoma higit hilingiti logoino o.

BILANGAN 16:34

It afuni Israel mene andoma welagaukwa mene omanogo nen holhugunemen he, ”Heise lani! Nit ninebe kweang en pilnisageluk ili'lago!” ugunem inesanggo holhukwasik it omanogo heise longgo isukwa.

KISAH PARA RASUL 2:40

Wene ebe a'nogo uanat ikhi logolik he, ”Afuni inobabut weak hilingiri'lagwi mene yoma, Allah nen wene inoba fagain mene andi, herakfisaluk hinonggwaregen telano o,” iluk komorinafikhe.

2 KORINTUS 6:17

Nineisena Enupogot a'nogo nenat, ekhe mel isikhe: ”Hit hinebe it afuni ekhe inanggelekwe, welagep andi herakfisaluk he, andogorogo wulibi we'ni o. Wulibi wagunem he, an nen wokhinabumo, hobuk weak mene andi hinenggi fakha lagubo.

2 TIMOTIUS 1:16

A'nogo meneat he, at Onesiforus againafuri inom enek he, hundik-handik, nendawimo fanorogo nendawinggen sebeli weri'lagwi andi nen he, ninoe Enupogoren endawirogo ferinarek logouwago. An nenggi hele warek were'ma noba wesu enggali legat,

WAHYU 18:14

A'nogo le aga logolik, it Babel mene mel yagaisaga: ”Yi mene ti mene hit hinamolo mene legagik, yi mene ti mene oba heilarogo logolik, hinendawimo hinagaiyekhogo welagep mene legagik, ikhemo re, hiren heragaisogo wanugun mondok elo'lek aga o,” iluk ikhi lagaikha.

HAKIM–HAKIM 1:16

Musa eamal eisena ambisangma mene re ap Keni inap, it Yehuda mene inombo'ne o Yerikho o kota Kurma eroma a'nogo nen wulipluk lagaukwasik he, o Yehuda meneba nen o Arad en he abel a'ma selatan fikhit kweang esi le'ma aloba andoma lagaukwa. Andoma lagaukwasik he it ap Amalek mene were'ma inanggele'ma andoma welagaukwa.

HAKIM–HAKIM 4:11

Andem sambul he, at Heber unggulenu Keni mene afuni at unggulenu mene herakfisaluk wulifikhesik, o tenda meneba e hei eroma o Zaanaim, Kedes horokhogo andoma wusi lagaikhesik welagaikhe. (Afuni inunggulenu Keni andi re, ap enu Hobab Musa ombasi andi nen tagomangge mene.)

HAKIM–HAKIM 5:24

Ap Heber aiba Keni mene andi ogore, at agwe Yael andi re, it hemi o tenda sale'ma werek mene andoma inanggele'ma nen he, at Yael enek he Allah nen hokhorogo fanot fouwago.

1 SAMUEL 15:5

A'nogo hilinglagaikhemo, at Saul agoromi inom afuni Amalek mene inaiba kota horokhogo lagaukwasik he, i firokse'ma tonggoma andoma selei mene inelokhoma hou salek welagaukwa.

1 SAMUEL 27:10

Wagaikhemo at Akhis nen heinok wokhikhi logolik, ”Yogondak he hat ap koma fikhit inoasi lagen?” iluk heinok wokhugu halok he, at Daud en onggo ikhi logolik he, ”An he o Yehuda nen abel a'ma selatan fikhit andoma, athe it afuni Yerahmeel inap werekwe ogo nen it afuni Keni inap werekwe ogo lagarigo,” iluk ikhi lagaikhe.