1 SAMUEL 15:16 - Allah Wene Fano Wene Hupla Inane

¹⁶ A'nogo yagatikhemo, at Samuel en he, ”Po'logoin. O yogondak hubanggo Tuhan nen yaganete mene yagahesigin o,” iluk yagatikhemo, at Saul en he, ”Yaganom o,” iluk yagatikhe.

1 SAMUEL 15:16 ပူးပေါင်းရင်းမြစ်များ

1RAJA-RAJA 14:6

Oba nen he a'nogo wagunem eisok abolok solombonma ugunem at nabi Ahia nen holhikhesik aren ikhi logolik, ”Hele, kwi me o, hat hebere Yerobeam agwe andi re, an nelurek welagi. Hat he nenahalok heranhogo hilingiti lagen? Hat hobaget wene weak mene ekhe werego.

1RAJA-RAJA 22:16

A'nogo yagatikhemo, at Ahab en he, ”Haren yaganeti logolik, Nineisena Tuhan enu hombuk palogo wene sugwi asigin mene lek, ebe asigin meneat yagaheti lagi o, iluk Allah enu hombuk palogo yagane'nogoluk henggi miren oba komotnabigin nogo?” iluk yagatikhe.

YESAYA 39:5

Andi isikhemo Yesaya nen raja ba onggo yagati logolik, ”Tuhan Omame Mondok Hokho mene a'nogo nen ikhi logolik he,

YEREMIA 34:6

A'nogo ikhemo re Tuhan nen ikhe mene a'nogo an nen raja Yehuda mene Zedekia a'nogo o Yerusalem were'ma,

1 SAMUEL 12:7

Andi nen he, yogondak hinebe an nen nineisena Tuhan eilhanem wene ekhe hinoba fugunemen lobagaigen he, lagubo. Nineisena Tuhan obabut fano nen hit hinombalak hinom faget hilingiri'lago mene andi mondogat hinendawimo eberek logoino o.

1 SAMUEL 15:15

A'nogo yagatikhemo, at Saul en he, ”Wam andoma re, afuni Amalek mene inanggo hugul wanho mene o. An nagoromi tentara mene nen wam domba, sapi mondok fano mene re fologo nineisena Tuhan Allah warogo nolesugun mene faget waluk waga logolik, fenakwe mondogat legetfogo o,” iluk yagatikhe.

1 SAMUEL 15:17

A'nogo yagatikhemo, at Samuel en he, ”Hat honggwarek hendawimo nen he, An elo'lek iluk anggugu kwelek meneat he, afuni Israel mene inunggulenu lombok inoe kain raja logoinogen iluk nineisena Tuhan nen wenagaisogo hobagasikhemo, it inoe hilinglagendik ferinarek welagen lek nogo a?

1 SAMUEL 9:27

Wulibi wagaukwasik, o kota era'lu horokhogo asi lagaukwasik he, at Samuel en Saul mel yagatikhe: ”Hamingmingengge ari nit hobuget ninobagaluk attagat loagen yagaom o,” iluk yagatikhemo, at Saul en amingming engge a'nogo yagatikhemo, attagat asi wagaikhemo, at Samuel en mel yagatikhe: ”Allah nen yagahesuagaluk ikhe mene ekhe yagahesigen he, arem logoin o,” iluk yagatikhe.