1 SAMUEL 15:13 - Allah Wene Fano Wene Hupla Inane

¹³ A'nogo yagatukwama, at Samuel Saul herarik lagaikhesik, emberek ambi agaukwasik at Saul en he, Samuel mel yagatikhe: ”Nineisena Tuhan nen fanothafi logouwago. An nen At nineisena Tuhan nen, yi'nogo hilingi'no, iluk yaganete hagat hilingiti o,” iluk yagatikhe.

1 SAMUEL 15:13 ပူးပေါင်းရင်းမြစ်များ

KEJADIAN 14:19

A'nogo wogetikhesik mel yagatikhe: ”Allah Mondok Lego mene logolik, pogot inom, kweang inom, elalhikhe mene a'nogo nen hat Abram fanothafi logouwago.

KEJADIAN 3:12

A'nogo yagatikhemo, at ap a'nogo nen he, ”He Haren an nemberek logouwageluk wo'neten mene a'nogo nen enggen a'nogo palogo wo'netemo ninggi o,” iluk yagatikhe.

2 SAMUEL 2:5

ap ekhe inayonggo fesikhesik, lakfisikhi logolik, mel yagaisano isikhe: ”Hit hinobabut mandok fano higithoge hinoe raja ebe kweangma salhep andi nen he, At Tuhan nenat hit hinoba fanot hinobagakhi logouwago.

AMSAL 27:2

Afuni ekhe welek mene hit hinebe inonggot mene nen agaukhogo fogethinabugun andi re fanoba nen, hit hinonggwarek hinambeba nen agaukhogo fogerakhagubo.

AMSAL 28:13

Ap sa nen aweak endawimo hinago werek halok he at hobuk fano mene ekhe helagain mondok lek, nen ap sa nen aweak fakhogo fembik herakfisagain halok he, Tuhan nen endawi hundik hilingiti logogin.

AMSAL 30:13

It ekhe nen he, an enek he fano nagun welagi, ibi-eberogo nenat he, mondok fano nagun welagi iluk anggikherek.

AMSAL 31:31

At he andi, yi mene ti mene faget fano hilingiterek mene andi faget enggi onggo wogosu hak, afuni mondogaren fogeratik, agaugweratik, ikhi logouwak!

LUKAS 17:10

Hit he andi higiraro: Yi'nogo hilingi'no, ti'nogo hilingi'no, iluk yagahisamo andi arat hilingfuluk he, mel ikhi logoino: Lego. Nit oba loukhogo hilingisumo hai wa'ninabigin mene hilingiti'lek. We, hamingmingengge mene logolik hilingisu mene nek hilingisigin, iluk ikhi logoino,” iluk yagaisasikhe.

LUKAS 18:11

Emberek kwi lagaukwasik samban ikhi logolik, ap Farisi mene a'nogo menlagaikhesik samban ale'ma nen ikhi logolik he, mel isikhe: Allah, neisena e. An nobabut he, afuni mondogat inobabut hangge lego. It afuni hesangge yogot wanharek mene inom, weak hilingitarek mene inom, hemi pailak fakfisili'lagwi mene inom, ap uang pemerintah faget kino iluk andogoterek mene yi inom, inobabut andi hak he, an nobabut a'nogo mondok lek andi nen he, hai wathafi lagi o.

HAKIM–HAKIM 17:2

Logolik linggene misik sambul he aren agaisaba ikhi logolik, ”Heisa, hat uang perak mene ebe 1.100 nen longgo ikhe sambul aremnogo an nen nesanggo holhugunemen he, heisa haren he ap hinate mene a'nogo homan fikhi lagen hiigi, nagaisa. Nagaisa ebe an nen hinatinggere uang ebe yi!” iluk isikhemo agaisa nen onggo ikhi logolik he, ”Namlogo, hebe Tuhan nen fanot hobagauwago!” iluk yagatikhe.

RUT 3:10

A'nogo yagatikhemo, at Boas en he, mel yagatikhe: ”Na'logo e, nineisena Tuhan nen fanothafi logouwago. Hat hobabut fano nen, afuni an mene hendawirogo logolik, hoan Naomi lebethikhi lagen mene andi we endebat hak. Oba nen he, yogondak an hendawit nafen mene yi re mondok hokho mene o. Haren he, haguni ap inenggi werek mene inom inenggi lek mene inom, alage mene halok inom heraginabu mene at he, haren a'nogo hilingiten lek andi.

1 SAMUEL 13:10

A'nogo mondogat elugun warogo noletikhe hak he, at Samuel Saul oba lagaikhe. Lagaikhemo eilenggen yethasikhesik hai wasigiluk elokhoma wagaikhe. A'nogo wagaikhe meneat he hat nena mene hilingitenma wagi?

1 SAMUEL 15:11

”At Saul An hera'nobagaluk wulifesik, An nen, yi'nogo hilingi'no, iluk yagati mene nane hologo hilingiti'lek andi nen, afuni Israel mene inoe raja menfigi andi nambigen e, iluk anggigi o,” iluk yagatikhemo, at Samuel endawimo weak agaikhesik he, hundik-handik nineisena Tuhan oba limamit falogo yagatu mondok welagaikhe.

1 SAMUEL 15:20

A'nogo yagatikhemo, at Saul en he, ”An he yi'nogo hilingi'no, iluk yaganete hagat ane hologo weim yabi lagarik wagi. Weim yafi logolik, afuni Amalek mene felelenghogo inoati logolik, inoe raja Agas nek he hele warogo waluk wagi o.

1 SAMUEL 23:21

A'nogo yagatukwama at Saul en onggo yagaisikhi logolik he, ”Hiren an nobaget fano mene hilingitep andi nen he, At Tuhan nen enek fanot hinafi logouwak!

1 SAMUEL 25:14

It omanogo a'nogo hilingitu kwelek ap Nabal amingming engge mene ekhe nen he, at Nabal agweba yagasi laga logolik, mel isikhe, ”At Daud ebe o leimo omanogo nen nit ninoeba yi'nogo hai wathafe ino, iluk ap lakfisa wagaba nen he, aren it inebe li'norinafe mene andi re hat nagaisa re hesanggo holhen a, lega?